Zakaliya 2
2
Shimono sha lunyimbwa lwa kupimisha
1Nayimbwile meho wami, pe namonene muntu hinga ekala na lunyimbwa lwa kupimisha mu liboko lyendi! 2Namwipwile ngayi, “Kati uli na kuya kuti?”
Niye wankumbwile ngayi, “Nili na kuya mu kupima Yelushalema, ngayi nimone wunene na wutali wendi.”
3Monenu, lingeloyi liya lyambile kukwami lyezile kumbili, pe Lingeloyi lyamina niho lyezile mu kuliwana nalyo, 4lyambile kukwendi ngayi, “Yituka ukatongweze uyo ndumbana ngayi, ‘Yelushalema lukenga lukena lukazikiwa ngo minzi ya kubula twimbi ndaba ya wingi wa bantu na zingombe zilimo. 5Ndaba Ami nikenga kukwendi kembi ka mundilo kakamuzinguluka, kami nikaleta wuwahe wami hahendi.’” Eshe nisho anamba Nyambi ya Ngula.
Bantapwa bakwihaniwa kuboka ku munzi
6Nohobene Nyambi ya Ngula unamba ngayi, “Lubukenu! Lubukenu! Na kufuma mu litunga lya ku ncelele,” Tinenumo, ndaba namipanzanishili kuti na kuti ya zimbalila zinaa za mpepo ya mayilu. 7Bembulukilenu ku Ziyoni enu mwekala hamo na mwana Mbambiloniya wa mbuyama. 8Ndaba Nyambi wa Makunge wambile nehi ngayi, “Ha ku monesha wunene wendi wantumine ku matunga a bantu aya apukwile wuheti wenu, ndaba ngayi ukumikwata, ukukwata kantu kaha liho lyendi.” 9Mwa shikuma, nikanyenkanisha liboko lyami na kubalwisha ngayi bandungo babo bakabapukule. Mukalimuka ngayi, Nyambi wa Makunge niye nantumu.
10Yimbilenu na ku wahilila enu bantu bamu Ziyoni, ndaba na kumakale mukwikala mukati kenu. Eshe nisho anamba Nyambi ya Ngula.
11Ha mutena uyo matunga amengi akalifungila na kwiza kuli Nyambi ya Ngula, pe bakenga bantu bami, kami ni kekala mukatikenu, kami niho eze mukalimuke ngayi, Nyambi wa Makunge niye nantumu kukwenu. 12Nyambi wa Makunge ukakona litunga lya Yunda kwinga shitapilo sha likona lyendi mu litunga lya kuyela, niho eze akahate kami Yelushalema.
13Haya mwenenu, ku meho a Nyambi ya Ngula, enu bantu nimwenu, ndaba wakuma kale kufuma mu mwanya wendi wa kuyela.
Currently Selected:
Zakaliya 2: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
