Zakaliya 13
13
Kuyeleshiwa kwa Yelushalema
1Ha mutena uyo kukekala kaheloke, oku bazukulya Ndavita nanaba bazika mu Yelushalema ba kutwesha kuyowesha wubi wabo naku milandu yabo.
2“Nyambi wa Makunge ukwamba ngayi, ha mutena uyo, nikafumisha tunankishi mu litunga, ngayi tukabule kwanukiwa kami, pe kami nikafumisha bamiluwe ba mahalo na myoyo yayibi mu litunga. 3Kami ndi muntu wamina ukaholoka na kulitoya ngayi muluwe, pe bahemi bendi ba kumubeleka bakamwambile, ndaba uli na ku shimika mahalo mu lizina lya Nyambi ya Ngula unafwanini kufwa, pe ndi ukalubulula, bahemi bendi baya bamubelekele bakamuyahe.
4“Ha mutena uyo muluwe ukekala na lisheni ha bimono byendi oho akalubulula, kukavwala lyambangubo lya wushako oho akalubulula bya mahalo ufwako. 5Ngoboni uya muluwe ukamba ngayi, ‘Kaliha nili muluwe nili ndimi, ndaba ku balika kuwanuke wami nayoyela ha kulima.’ 6Ndi muntu ukamwipula ngayi, ‘Ebye bitombo bili ha lutu lwobe bya bishini?’ Ukakumbula ngayi, ‘Ebye bitombo nabilemanine ku litala lya muhoni wami.’ ”
Ndayano zaha kuziha mulishani wa Nyambi
7 #
Mat 26:31; Mako 14:27. “Obe mpoko ya mukwale, pinduka ulwishe mulishani wami,
lwisha muntu ou nemana hahepi na nami!
Eshe nisho akwamba Nyambi wa Makunge.
Kama mulishani pe bambelele bakapanzana,
ngoboni nikayaka liboko lyami na kulwisha babashe.
8Nyambi ya Ngula ukwamba ngayi, mu litunga nimwalyo,
bitapilo bibili bya bantu, bikazihiwa bakaloba,
pe shitapilo shimo nisho shikashiyiwa ngayi shiyoye.
9Nikayaka eshe shitapilo sha wuhatu mu mundilo,
na ku bashamisha ngo muntu ukushamisha shiliva,
nikabezeka ngonehe bezekanga ngolinde.
Bakehana ha lizina lyami,
pe nikaba kumbula.
Nikamba ngayi,
‘Banengi bantu bami,’ pe nibo bakakumbula ngayi,
‘Nyambi ya Ngula nengi Nyambi yetu.’ ”
Currently Selected:
Zakaliya 13: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
