Zincimpi 5
5
Mazu Akwamba ha Wumambe
1Mwanami, yuvwilila ku ngana zami,
bengwila matu wobe ku bihanganiko byami,
2ngayi mwanga wikale na bihanganiko byabiwahe,
pe ebye ukamba bikamonesha ngayi uli na ngana.
3Ndaba nyambilo ya mbuyama wa wumambe yenga yayiwahe ngonehe wushi.
Pe nyambilo yendi ya kuzemoka kupitakana mazi.
4Ngoboni ku mamaninino anyambilo yendi, ukulula ngonehe ndulu,
na kutwepa ngonehe mpoko ya mukwale.
5Mawulu wendi aku kutwaminina ku lufu,
nzila eye akwenda, yikuya ku shinzimbi.
6Mukazi ou kwenda mu nzila ya wumi wufwako,
ngoboni ukuyambangila pe kulimuka ebye bili na kutendiwa wufwako.
7Haya nyuvwililenu enu bana bami,
hinga muvulama mazu wami.
8Hinga uhenyena hahepi na mbuyama wa noho,
hinga uhenyena hahepi na shipana sha litala lyendi.
9Kutina wupana maleema wobe ku baminobe,
na kufwa wanguwangu ku bankole.
10Nohobene, bayeni bakashimba wuheti wobe nimwawo,
pe biya unayandili bikaya ku muntu washenge.
11Ku mamaninino a wumi wobe,
ukalangana ha wulili na ku shunga,
oho lutu lwobe lunapopo.
12Pe ukamba ngayi,
“Shumangani shankwangishile kulilongesha?
Bishini nakaninine bantu kunyambila.
13Kaliha nombatalile balongeshi bami,
hinge kubayuvwilila.
14Wuluno nili na lisheni mukati,
ka shikungulukilo nimwasho.”
15Yikala wa kupwisha ku mukazobe,
monesha shishemo shobe kukwendi ninkayendi.
16Bana ukubeleka ku bakazi bashenge,
bafwako kuka kuyavwa.
17Bana benge bobe ninkayobe na mukazobe,
hinga benga ba kuliwanikila na bantu bashenge.
18Nohobene, wahilila na mukazi
uya wayekele mu wundumbana wobe.
19Enge wamuwahe kukwobe ngonehe shineke,
wuwahe wendi ukuwahililishe, pe shishemo shendi shikuzinguluke.
20Mwanami, shumangani uku wahilila na mbuyama wawumambe,
shumangani ukuhakila mukaza minobe?
21Nyambi ya Ngula, wamonanga nimwabyo ebye atendanga muntu.
Kami wamonanga zinzila nimwazo eze endanga muntu.
22Muntu wakuluwa, wakwatiwanga mu wuleya wendi.
Walikolekanga niyemwine mu linkambwila lya wubi wendi.
23Muntu wakuluwa wafwanga ndaba ya kubula kulilama,
wuleya wabo wabatwalanga ku kufwa.
Currently Selected:
Zincimpi 5: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.