Zincimpi 26
26
1Shinafweke ngo makelengo akwiza ha shikati sha mvumbi na mvula ha shikati sha kuteza,
pe maleema ku fwanina ku muntu wakuyeba afwako.
2Ngonehe kantungisha kakupapazala,
hinge ngonehe kambimbi ha kutuka kwendi,
pe nisho shili na shikuto sha kubula mulandu kukwata muntu shifwako shikafuma kukwobe.
3Lunyanzi lunafwanini kulukamisha mbishi na lumingo lunafwanini mbongolo,
kami muwana wafwanini ha mongo wa bantu bakuyeba.
4Hinga ukumbula muntu wakuyeba kwezeka ngo kuyeba kwendi,
kutina ulifweka nendi nobe kami.
5Kumbula muntu wakuyeba kwezeka ngo kuyeba kwendi,
kutina alimona ngayi uli na ngana.
6Ou ukutuma lizu na muntu wakuyeba,
unafweke ngo ukuliketula liwulu niyemwine hinge ndi muntu unanu wulembe.
7Shinafweke ngo mawulu a muntu wakupenga akunyenzela tuhu a kubula ngovu,
nisho yili ncimpi mukanwa ka muntu wakuyeba.
8Muntu ukupana maleema ku muntu wakuyeba,
ukufweka ngo muntu ukumangila limanya ku shilangwa.
9Ncimpi mukanwa ka muntu wakuyeba yinafweke,
ngo muhongela ukwingina mu liboko lya wakukolwa.
10Muntu mukakupana mulimo ku shileya hinge ku lipita mu nzila,
nafweke ngo muntu ukupuha shipando sha mukunzi na kuziha bantu babengi.
11Ngonehe kawa nabokele ebye analuku,
shuma shimo na muntu wa shileya ukubokela bya wuleya wendi.
12Kati unamono muntu ou ukulimona kukeya niyemwine ndi?
Kuli kulumbeza kwakunene ku shileya kupitakana uya muntu.
13Muvwa ukwamba ngayi, “Mu nzila muli shimbwi.
Kuli shimbwi ku mukwakwa.”
14Ngonehe shatengulukanga shihala ku makwatilo asho,
nisho kami afutozokanga muvwa ha wulili wendi.
15Muvwa wengizanga liboko lyendi mu lulonga,
ngoboni wakwanganga kubwesha liboko lyendi ku kanwa.
16Muvwa nengi wakukeya shikuma mu meho wendi niyemwine,
kupitakana bantu mutanu na babili ba kutwesha kukumbula shiwahe na ngana.
17Muntu ukwingina ha nkani eze zikubula kumukundama,
nafweke ngo muntu ukukwata ku litu lya kawa wakulyendela.
18Muntu wakupempela ukupuha bishinzi bya mundilo
na mivwi na lufu,
19nisho ali muntu ukwongeza ndambo yendi,
pe hakwamba ngayi, “Nikushengwiza tuhu.”
20Kwakubula nkuni mundilo ukuzima,
kwakubula katungwila kulyamba kukamana.
21Mashanga akubangiza shikuma hamo na nkuni,
nisho kami anafweke muntu wa nkani ukushonkomona mangunga.
22Mukakutungula, mazu wendi afweka ngo byakulya byabitobe,
bikwingina mu bimamo bya lutu lwa muntu.
23Ngo makango a shiliva anafwiki ha ntesho ya lima,
nisho ili mivumbo ya kwamba na kutekenyesha na mutima wa wubi.
24Muntu wa mutima wa nzimbo waliholekanga ku nyambilo yendi,
oku ha bumba bya kwongeza mu mutima wendi.
25Oho akwamba bya nceshe hinga umukulupila,
ndaba kuli byuma mutanu na bibili mu mutima wendi bya wunyengwe.
26Hinge unafwiki nzimbo yendi na ku shoshoka,
kuluwa kwendi kukahololiwa mu shikungulukilo.
27Ou ukakaba liteke ukawilamo,
kami limanya likalindika ou wukatatika kulyandumuna.
28Lulimi lwa kwongeza lwa zimba baya lunalemeke,
kami kanwa ka kalakulaku kaletanga kuloba.
Currently Selected:
Zincimpi 26: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.