Kulaba 7
7
Zintupu za bakakutwaminina
1Ha mutena Moshesha amanishile kwimika ntanda ya shikungulukilo, pe wawabishile ntanda na kuyizilika na byuma byayo nimwabyo na kaala na byuma byako nimwabyo. 2Niho bakulwane ba mavumo amanene aba bengile bakakutwaminina mu mishobo ya Ishalela, nibo kami bantu bamo baya bengile bakakutilamina ha bya kulaba, 3baletele zintupu zabo kuli Nyambi ya Ngula. Zintupu eze zengile makoloyi amanene mutanu na limo na bankunzi ba kutatula likumi na babili engile koloyi yimo kubakakutwaminina babili na nkunzi wakutatula umo ku mukakutwamina na mukakutwamina. Oho bamanishile kubapana, 4niho Nyambi ya Ngula ambile kuli Moshesha ngayi, 5“Tambula zintupu eze za kutendesha mu mulimo ukatendiwa ku ntanda ya shikungulukilo, uzipane kuli Balevi kwezeka ngonehe ku mulimo ou eze bakatende.” 6Nohobene Moshesha wapanikile Balevi makoloyi na bankunzi ba kutatula. 7Wapanikile makoloyi abili na bankunzi ba kutatula banaa kuli Bangeshona, 8na makoloyi anaa na bankunzi ba kutatula mutanu na bahatu kuli ba Melali. Mulimo wabo nimwawo wengile mukakutwaminina Itama mwana mukankombela Aloni. 9Ngoboni Moshesha kaliha wapanine makoloyi hinge bankunzi ba kutatula kuli Bakohati, ndaba byuma bya kuyela balaminenga babishimbile ha bifuzi byabo.
10Bakakutwaminina kami baletele zinkombela za kufungwilisha kaala. Oho batatikakale kuleta zintupu zabo ku kaala, 11Nyambi ya Ngula wambile kuli Moshesha ngayi, “Batongweze ngayi ha mutena ha mutena, ha matena likumi na abili, mukakutwaminina umo ukaleta ntupu yendi ya kufungwila, ku kaala.”
12Muntu ou waletele ntupu yendi ha mutena wakutatika wengile Nahishoni, mwana Aminandabe, mukakutwaminina wa mushobo wa Yunda. 13Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800 ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka, pe kami, 14lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence. 15Nakukambikaho, mwana nkunzi umo na shikungwe umo wa mbelele na mwana mbelele umo wa mwaka umo bya nkombela yakuhokesha, 16pe kami mpongo umo wa ntupu ya ha wubi, 17pe bankunzi babili na bikungwe mutanu bya bambelele na bankunzi ba bampongo mutanu na bana babambelele ba mwaka umo mutanu bya nkombela ya kulilumikila, eye yengile ntupu ya Nahishoni mwana Aminandabe.
18Muntu ou waletele nkombela yendi ha mutena wawubili wengile Natanele mwana Zuwala, mukakutwaminina wa mushobo wa Ishaka. 19Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800 ha wulemu ngonehe ndando yalandiwanga ya ntanda ya kuyela, wubili wazo za kwinzala na muhunga wakuvuba na mazi a ntupu ya mpeka, 20pe kami lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence. 21Nakukambikaho, mwana nkunzi umo na shikungwe umo wambelele na mwana mbelele umo wa mwaka umo bya nkombela yakuhokesha, 22wakombelele kami shikungwe wa mpongo umo wa ntupu ya ha wubi, 23na bankunzi babili ba bantatula na bikungwe mutanu bya bambelele na bikungwe bya bampongo mutanu na bana ba bambelele ba mwaka umo mutanu bya nkombela ya ntupu ya kulilumikila. Eye yengile ntupu ya Natanele mwana Zuwala.
24Muntu ou waletele nkombela yendi ha mutena wawuhatu wengile Eliyambi mwana Heloni, mukakutwaminina wa bazukulya Zembuloni. 25Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800 ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka, 26pe kami lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence. 27Nakukambikaho mwana nkunzi umo na shikungwe umo wa mbelele na mwana mbelele umo wa mwaka umo bya nkombela yakuhokesha, 28wakombelele kami shikungwe umo wa mpongo wa ntupu ya ha wubi, 29na bankunzi babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye niyo yengile nkombela ya Eliyambi mwana Heloni.
30Muntu ou waletele nkombela yendi ha mutena wawunaa wengile Elizula, mwana Shendula, mukakutwaminina wa mushobo wa Lubena. 31Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo lwengile mangilamu 800, ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi, a ntupu ya mpeka, 32pe kami lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence. 33Nakukambikaho mwana nkunzi umo na shikungwe umo wa mbelele na mwana mbelele umo wa mwaka umo bya nkombela yakuhokesha, 34wakombelele kami shikungwe umo wa mpongo wa ntupu ya ha wubi, 35na bankunzi ba bantatula babili na bikungwe mutanu bya bambelele na bampongo mutanu na bana ba bambelele mutanu ba mwaka umo bya nkombela ha ntupu ya kulilumikila. Eye yengile nkombela ya Elizula mwana Shendula.
36Muntu ou waletele nkombela yendi ha mutena wa mutanu wengile Shelumiyela, mwana Zulishandayi, mukakutwaminina wa mushobo wa Shimiyoni. 37Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800 ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka, 38pe kami lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence. 39Nakukambikaho mwana nkunzi umo na shikungwe umo wa mbelele na mwana mbelele wa mwaka umo wa nkombela yakuhokesha, 40wakombelele kami shikungwe wa mpongo umo wa ntupu ya ha wubi, 41na bankunzi ba bantatula babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile nkombela ya Shelumiyela mwana Zulishandayi.
42Muntu ou waletele nkombela yendi ha mutena wa mutanu na umo wengile Eliyashafwi mwana Ndeulu, mukakutwaminina wa mushobo wa Ngandi. 43Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800, ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka, 44wakombelele kami lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence. 45Nakukambikaho mwana nkunzi umo na shikungwe umo wa mbelele na mwana mbelele umo wa mwaka umo bya nkombela yakuhokesha, 46wakombelele kami na shikungwe umo wa mpongo wa ntupu ya ha wubi, 47na bankunzi ba bantatula babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile nkombela ya Eliyashafwi mwana Ndeulu.
48Muntu ou waletele nkombela yendi ha mutena wa mutanu na abili wengile Elishama, mwana Amihundi mukakutwaminina wa mushobo wa Efulemu. 49Ntupu yendi yengile lulonga lumo lwa shiliva wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800 ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka, 50wakombelele kami lulonga lumo lwa ngolinde lwa kukunama, wulemu walwo wengile mangilamu 110 lwa kwinzala na incence. 51Nakukambikaho mwana nkunzi umo na shikungwe umo wa mbelele na mwana mbelele umo wa mwaka umo, bya nkombela yakuhokesha, 52pe kami na shikungwe umo wa mpongo wa ntupu ya ha wubi, 53na bankunzi babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile nkombela ya Elishama mwana Amihundi.
54Muntu ou waletele nkombela yendi ha mutena wa mutanu na kahatu wengile Ngamaliyele, mwana Pendahizu wa mulume, mukakutwaminina wa mushobo wa Manashe. 55Ntupu yendi yengile lulonga lumo lwa shiliva, wulemu walwo wengile kilo imo na shitika na lulonga lumo lwa shiliva lwa kukunama, wulemu walwo wengile mangilamu 800 ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka, 56pe kami lulonga lumo lwa ngolinde lwa kukunama, wulemu walwo wengile mangilamu 110, lwa kwinzala na incence. 57Nakukambikaho, mwana nkunzi umo na shikungwe umo wa mbelele na mwana mbelele umo wa mwaka umo bya nkombela ya kuhokesha, 58wakombelele kami shikungwe umo wa mpongo wa ntupu ya ha wubi 59na bankunzi ba bantatula babili na bikungwe mutanu bya babambelele na bikungwe bya bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile nkombela ya Ngamaliyele mwana Pendahizu.
60Muntu ou waletele nkombela yendi ha mutena wa mutanu na anaa wengile Ambindani mwana Ngindiyoni, mukakutwaminina wa mushobo wa Mbenjamani. 61Ntupu yendi yengile lulonga lumo lwa shiliva, wulemu walwo wengile kilo imo na shitika na lulonga lumo lwa shiliva lwa kukunama, wulemu walwo lwengile mangilamu 800, ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka, 62wakombelele kami lulonga lumo lwa ngolinde lwa kukunama, wulemu walwo wengile mangilamu 110, lwa kwinzala na incence. 63Nakukambikaho mwana nkunzi umo na shikungwe umo wa mbelele na mwana mbelele umo wa mwaka umo bya nkombela yakuhokesha, 64wakombelele kami na shikungwe wa mpongo wa ntupu ya ha wubi, 65na bankunzi ba bantatula babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile nkombela ya Ambindani mwana Ngindiyoni.
66Muntu ou waletele nkombela yendi ha mutena wawulikumi wengile Ahiyaza mwana Amishandayi, mukakutwaminina wa mushobo wa Ndani. 67Ntupu yendi yengile lulonga lumo lwa shiliva, wulemu walwo wengile kilo imo na shitika na lulonga lumo lwa shiliva lwa kukunama wulemu walwo wengile mangilamu 800. Wakombelele kami lulonga lumo lwa ngolinde lwa kukunama, wulemu walwo wengile mangilamu 110 ha wulemu ngonehe ndando yalandiwanga ku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka, 68wakombelele kami lulonga lumo lwa ngolinde lwa kukunama, wulemu walwo wengile mangilamu 110, lwa kwinzala na incence. 69Nakukambikaho mwana nkunzi umo na shikungwe umo wa mbelele na mwana mbelele umo wa mwaka umo, bya nkombela yakuhokesha, 70waletele nkombela yendi ya shikungwe wa mpongo umo wa ntupu ya ha wubi, 71bankunzi babili na bikungwe mutanu bya bambelele na bampongo mutanu na bana ba bambelele ba mwaka umo mutanu, bya nkombela ha ntupu ya kulilumikila. Eye yengile ntupu ya Ahiyaza mwana Amishandayi.
72Muntu ou waletele nkombela yendi ha mutena wawulikumi na kamo wengile Pangiyele mwana Okilani, mukakutwaminina wa mushobo wa Asha. 73Ntupu yendi yengile lulonga lumo lwa shiliva, wulemu walwo wengile kilo imo na shitika na lulonga lumo lwa shiliva lwa kukunama wulemu walwo wengile mangilamu 800, ha wulemu ngonehe ndando yalandiwanga yaku ntanda ya kuyela, wubili wazo za kwinzala na muhunga wakuvuba na mazi a ntupu ya mpeka, 74wakombelele kami lulonga lumo lwa ngolinde lwa kukunama, wulemu walwo wengile mangilamu 110, lwa kwinzala na incence. 75Nakukambikaho, mwana nkunzi umo na shikungwe umo wa mbelele na mwana mbelele umo wa mwaka umo, bya nkombela yakuhokesha, 76wakombelele kami na shikungwe wa mpongo umo wa ntupu ya ha wubi, 77na bankunzi ba bantatula babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile ntupu ya Pangiyele mwana Okilani.
78Muntu ou waletele nkombela yendi ha mutena wawulikumi na kabili wengile Ahila mwana Enani, mukakutwaminina wa mushobo wa Nafwitali. 79Ntupu yendi yengile lulonga lumo lwa shiliva, wulemu walwo wengile kilo imo na shitika na lulonga lumo lwa shiliva lwa kukunama, wulemu walwo lwengile mangilamu 800, ha wulemu wabyo ngonehe ndando yalandiwanga yaku ntanda ya kuyela, wubili wazo za kwinzala na muhunga wa kuvuba na mazi a ntupu ya mpeka, 80wakombelele kami lulonga lumo lwa ngolinde lwa kukunama, wulemu walwo wengile mangilamu 110, lwa kwinzala na incence. 81Nakukambikaho, mwana nkunzi umo na shikungwe umo wa mbelele na mwana mbelele umo wa mwaka umo bya nkombela yakuhokesha, 82wakombelele kami na shikungwe wa mpongo umo wa ntupu ya ha wubi, 83na bankunzi ba bantatula babili na bikungwe mutanu bya bambelele na bampongo mutanu na bana ba bambelele ba mwaka umo mutanu bya nkombela ha ntupu ya kulilumikila. Eye yengile ntupu ya Ahila mwana Enani.
84Zinkombela baletelenga nimwazo bakakutwaminina likumi na babili za kufungwilisha kaala zengile ngonehe, zindonga za shiliva likumi na zibili kami zindonga za kukunama likumi na zibili za shiliva, wulemu wawingi wazo wengile makilo makumi abili na mutanu na abili na shitika ngonehe ndando yalandiwanga yaku ntanda ya kuyela. 85Zindonga za ngolinde likumi na zibili, wulemu wazo wengile makilongilamu 28, ngonehe ndando yalandiwanga ku ntanda ya kuyela, 86na zindonga za ngolinde likumi na zibili, zinenzala na incence kamo na kamo kali na wulemu wakulingana 110, ngonehe ndando yaku ntanda ya kuyela, 87na bankunzi likumi na babili kwinga zinkombela za kuhokesha na bana ba bambelele likumi na babili ba mwaka umo, kulundikaho ntupu ya ha wubi, 88niho tuyamana nimwato twa nkombela ya kulilumikila twengile zingombe 24, bikungwe 60 na bankunzi ba bampongo 60 na bana babambelele ba mwaka umo 60. Eye niyo yengile nkombela yafunguliwile ha kaala, munyima ya kuyiwabisha.
89Oho Moshesha ayile mu ntanda ya shikungulukilo mukwamba na Nyambi ya Ngula, pe wayuvwile lizu lyambilenga kukwendi hayilu ya muhuko wa nceshe wa Likwati lya Kulimama Likwati lya Kulimama lya wupaki, mukati ka makelumbi#7:89 Makelumbi: bilengwalengwa bya kubaza bikwimanina bilengwalengwa bya Nyambi. a mbando akubaza, pe Nyambi ya Ngula wambile kukwendi kuyo.
Currently Selected:
Kulaba 7: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.