Kulaba 25
25
Bantu ba Ishalela bali ku Peyola
1Oho Baishalela batulilile ku mukulo wa Mimbambangoma#25:1 Mimbambangoma: Mu Shihebelu ngayi Shitimu., balume batatikile kutenda wunjenge na bambuyama bekalile kuyo ba Bamowambi. 2Bambuyama aba babehanininenga ku bimbo byabo bya ku kombelela, oku balemeshelenga nyambi wa Bamowambi. Bantu balile byakulya na kulemesha aba banyambi. 3Baishalela batatikile kulemesha Mbaalu waku Peyola. Nohobene Nyambi ya Ngula wabapilaminine 4pe wambile kuli Moshesha ngayi, “Kungulula bakakutwaminina nimwabo ba Ishalela, pe ubapamike mwaanancanana mu likunge#25:4 Mwaanancanana: Hinge kubashushwila kumbili ya bantu., ngayi mwanga wukali wa Nyambi ya Ngula ufume hali Ishalela.” 5Moshesha wambile ku babilolo ngayi, “Muntu nimwendi hakati kenu azihe balume nimwabo bakulemesha Mbaalu waku Peyola.”
6Muntu umo waku Baishalela wengizile mbuyama wa Kamindiyani mu ntanda yendi ku meho a Moshesha na likunge nimwalyo, oho balililenga ku menginino a ntanda ya shikungulukilo. 7Oho Fwinihashi, mwana Eliza muzukulya mukankombela Aloni, amonene eshe, wakatukile pe washiyile shikungulukilo. Washimbile mulinga, 8pe walambashanine mulume na mbuyama mu ntanda yendi, pe wabashwangashwangile mulinga nimwabo. Mu nzila eye wulweli uya wakubula kutwesha kupangiwa walobeshelenga Ishalela walehelesho, 9ngoboni oho wazihakale bantu ba 24,000.
10Nyambi ya Ngula wambile kuli Moshesha ngayi, 11“Ndaba ya neshe anatende Fwinihashi mwana Eliza, muzukulya mukankombela Aloni, kupilama kwami kwatulakale ha bantu ba Ishalela. Fwinihashi wanyuvwilileko lihungu ndaba balemeshelenga nyambi washenge kupitakana Ami. Kami ngayi shiya nisho shuma nabulili kubalobesha mu kupilama kwami. 12Nohobene mutongweze ngayi, ‘mona, nili na kulimama nendi, kulimama kwa kulilumikila. 13Niye na bazukulyendi bakayakiwa kwinga bakankombela ba kulimama mwaya myaka, ndaba wanyuvwilileko lihungu pe waletele bya kuyatila kwa wubi wa bantu.”
14Lizina lya Kaishalela ou wazihiwile hamo na mbuyama wa Kamindiyani lyengile Zimili mwana Shalu, mukulwane wa lupashi mu mushobo wa Shimiyoni. 15Lizina lya mbuyama lyengile Kozimbi. Zuli, tatiyendi, wengile mukulwane waku litanga lya mavumo a Bamindiyani.
16Nyambi ya Ngula watongwezele Moshesha ngayi, 17“Lwishenu Bamindiyani na kubalobesha, 18ndaba ya wubi ou batendele kukwenu aha bakwongezele ku Peyola na ndaba ya Kozimbi, ou wazihiwile ha shikati sha wulweli wakubula kutwesha kupangiwa waku Peyola.”
Currently Selected:
Kulaba 25: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.