Nahumi 2
2
Kuwa kwa Neniva
1Obe Neniva, mukakukulwisha uli na kwiza mu kukulwisha,
lamenu bipata,
belaminenu mu zinzila, limangenu mikunzi,
kungululenu bangovu bobe.
2Ndaba Nyambi ya Ngula uli na kubweshela maleema a Yakobo,
ngonehe maleema a Ishalela,
ndaba bakakupukula banabalobeshe.
Banaketozolo myahi ya mikolobozi yabo ya shinyanca.
3Bakanzita bendi banashimbi makebo a kufubila,
banavwala bivwalo bya kulifweka,
makoloyi wabo akubesha ngo mulangi wa mundilo.
Ha mutena wakuliwahishila nzita,
bakanzita bana kwata milinga yabo ya ha zintondo za mupaini na kukilozoka.
4Makoloyi wabo akukokola shikuma mu zinzila,
akwituka ngo ba kupempela ayimo abokomo mu zimbanza,
akufweka ngonehe kungelema kwa mimuni,
na kumwesha ngo lumuni lwa mvula.
5Babilolo ba bakanzita banehaniwi,
bakuya na kupukazala,
ba kunyankupila ku kembi ka lukena na kwimika makebo akukabilisha.
6Mapangati aku mushinzi anashinkuluku,
musheke ukunyemuka,
7lihano unatwaliwi mu wuntapwa,
kami bamutwalakale,
bakamilimo bendi ba kupwezuma kulila,
ba kukwizoka ngo bankilimba,
na kulikama ha tupumpo twabo.
8Neniva wafwekele ngo mema a kashinko anatibiki,
ba kubilikiza ngayi,
“Yimanenu! Yimanenu!”
Ngoboni kowa wakushetuka kunyima.
9“Pukulenu shiliva,
pukulenu ngolinde,
wuheti wawingi wakubula kumana,
kunabungikiwi wuheti wa byuma byabiwahe bya mishobo na mishobo.”
10Neniva wunalobeshiwi, wafutuku lipembe,
wakubula muntu wakwikalamo.
Mitima yinapopo mushali, mu manungo mu kukanka,
na mu livumo mu kukola.
Zimpala nimwazo zinahombo.
11Kati luya lukena luli kuti?
Luya lwafwekele ngonehe limfwenke lya bimbwi,
ku linzolongoma kwaleliwilanga bana ba babimbwi,
okwe aletanga shimbwi mbuyo yendi,
niko kwekalanga bana bendi,
kwakubula bya kuliyakata.
12Shimbwi wazihile bya kulingana bana bendi,
na kukwatila bakazendi mbuyo,
wenzalishile linzolongoma nanebye anakwata,
na limfweke lyendi na nyama.
13Monenu nilinakumilwisha, nikahokesha makoloyi wenu na mundilo, pe mukwale ukalya bana babimbwi. Bantumwana benu kukayuvwanika mu litunga bafwako. Eshe nisho anamba Nyambi wa Makunge.
Currently Selected:
Nahumi 2: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
