Mika Kutontolola
Kutontolola
Libuka lya muluwe Mika lyatikitiwile myaka ya kupitakana 700 oho shilolo Yeshu ahemuwe, ha shikati shiyo muluwe Ishaya ushili kuyoya. Mika wayoyelenga ku mabukubuku a litunga lya Ishalela mu wene wa Yunda. Byambo bilimo shinene bya lukena lwa Shamaliya mu litunga lya Ishalela na lukena lwa Yelushalema mu wene wa Yunda ku mabukubuku. Mika wambile ngayi wene wa Yunda ukawana kashushwilo kamo kufuma kuli Nyambi ngonehe kaya Amoshi ambile ha wene waku ncelele, kupitakana ngayi batwaminine bantu kulemesha na kwombatala Nyambi ya Ngula, ngoboni babilolo na bantu bamu zinkena ezi batwamininine bantu kukulemesha tunankishi na kwongeza na kuyibila bancepwe. Nohobene, Nyambi ya Ngula ukashushula Ishalela na Yunda.
Mika kami walubulwile bya kulemesha tunankishi na bya kuyangula ndoba na bya litunga na kukombelela kwakubula kutenguluka kwa bantu. Watwalilileho kwamba bya mishunga bya mazika kanwa, bya wunyambi na bya wuncepwe.
Hinge noho, Nyambi ya Ngula unakulupishi ngayi matena akwiza kumbili bantu ba Ishalela na Yunda bakatenguluka na kuboka kukwendi. Nyambi ya Ngula ukatuma mupulwishi, Mwene ou ukalela bantu bendi, ngonehi balishani balamanga bambelele, pe kukekala ku mwena nimwako. Mazu amanene akuwaniwa mu lino libuka ngayi, “Obe Nyambi ya Ngula, kowa nyambi walifweka nobe” (7:18).
Mika ushili kwamba ngayi Ziyoni ukekala na ku wahilila kwakunene kumbili, ha kukamoneka kwa Meshiya hinge ngayi wene wa Ndavita ukamana.
Biya Bilimo
Kuyata ha bantu ba Ishalela na Yunda 1:1—3:12
Kulyambwilila na ku mwena 4:1—5:15
Ncango za kukeyesha na kulumbeza 6:1—7:20
Currently Selected:
Mika Kutontolola: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.