Balevi KUTONTOLOLA
KUTONTOLOLA
Libuka lya Balevi muli kufundiziza kumo kwa kulemesha na kufundiziza kumo kwa biheka bya Baishalela na bakankombela aba bapanikiwile mulimo waku fwanina kushimba eze ndayano.
Nimwabyo byatendiwile oho bantu bashili ku Lipili lya Shinayi: (a) Mwa ku fwanina kupanina zinkombela ngayi mwanga bantu batweshe kwiza kwakwipi na Nyambi, (b) Linakwamba mwa ku fwanina kutapulwila bya kuyela kufuma ku bya mazilo, na kwingisha bantu kwinga ba kuyela kami, eshe shinekalako kukuma na kulelo ku Baishalela.
Shambo shashinene shikwambiwa mu libuka lino bya kuyela na kuzila kwa nyoyelo ya kulishiyashiya kwa bantu ba Ishalela. Tukuyuvwamo kami bya ku shwana kwa Aloni kwinga Mukulwane wa Bakankombela nimwabo naneshe mukulwane wa bakankombela nimwabo afwanina kukombelela zinkombela za litunga ha mutena wakukuliza. Kufundiziza kami ha bya bimbo nehe Mutena wa Kukatala na bya Mwaka wa Kushoboloka, bya mfuywezi na kukeyesha ha kukiluka Kulimama, na zimbeza.
Mazu amanene akwambiwamo mu libuka, “Mu ku fwanina kutapulula mukati ka nebye binengi bya Nyambi na nebye mu kutendesha nahiya, kami mukati ka byuma bya kuyela na nebye bya kubula kuyela.” (10:10)
Biya Bilimo
Mulao ha bya ntupu na zinkombela 1:1—7:38
Kwimikiwa kwa Aloni na bana bendi kwinga bakankombela 8:1—10:20
Mulao ha bya kuyela na kubula kuyela 11:1—15:33
Mutena wa Kukuliza 16:1-34
Mulao ha bya kuyela mu nyoyelo na mu kulemesha 17:1—27:34
Currently Selected:
Balevi KUTONTOLOLA: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.