Malila 3
3
Kushushula, kutenguluka na kulumbeza
1Ami nikulimuka kushushula kwa Nyambi.
2Wantandilile mu mincimpwe mwakubula
wezi wakutwesha kwinginamo.
3Wankamine ku bokelaho na ku bokelaho
kwakubula kunyuvwila nceshe.
4Washiyile lutu lwami hinga lwekala na mizizi mizizi,
napokozolo bifupa byami.
5Nancinkili mu tolongo ya makalikiza na makando.
6Nankandamiki kwikala mu mincimpwe ya lufu,
ngonehe muntu uya wafwile mwaka.
7Nyambi namanga mawenge hinili kayili,
kulumbeza nifwako kwa ku fwanina kupanza.
8Hinge niho nikubilikiza na kulombela kushinga kuyavwiwa,
ngoboni wufwako kukumbula.
9Niye naziki mu nzila yami na mamanya.
Nikupelyangila ha kwendamo.
10Nyambi wengile ngonehe Mbeya,
unakumbelamina kunkumo ya nzila,
ngonehe kami shimbwi ukushinga kunkilukila.
11Wantulumwinine kumfumisha mu nzila
wantabwezele mapinzi mapinzi,
pe wanciyile nahiya mu mukwakwa.
12Wananine shipando shendi sha mukunzi,
ngayi ami ninge ha kuyaha mivwi yendi.
13Niho mivwi yanyahile,
yenginine shikuma ha lutu lwami.
14Bantu bali na kuhepa mutena nimwawo,
nafutukakale kwinga shuma sha kuhengamina kukwabo.
15Nyambi wankandamikile kulya na
kunwa byabilulu.
16Wavumbile lupala lwami mu limvu,
na bunkulu mayewe ami na mamanya.
17Moyo wami wufwako kuwana ku mwena,
navulamakale ku wahilila eshe kwekalilamo.
18Nikulyambashana ngayi,
“Namanakale, nifwawo matena amengi akuyoya,
kulumbeza kwami muli Nyambi kunamana.”
19Kwanuka makalikiza wami na kuyambangila kwami,
byafutukakale kwinga byabilulu ngonehe wulembe.
20Nilinakubihanganika bikati nimwabyo,
moyo wami unapopo.
21Ngoboni kulumbeza kwabokanga
oho nanukanga shuma eshe shimo.
22Shishemo sha Nyambi ya Ngula,
kaliha shakwanganga,
kami nceshe zendi kumana zifwako.
23Byenga byabipya,
lumenemene na lumenemene,
kulunga kwobe Nyambi ya Ngula,
kwenga kwakunene shikuma.
24Nikulyamabashana ngayi, “Kowa shuma nikashinga ndaba
Nyambi ya Ngula, uli na nami,
mumwendi nikulumbeza.”
25Nyambi ya Ngula,
wenga wanceshe ku muntu nimwendi
ukumukulupila na kumwombatala,
26nohobene,
Nyambi wamuwahe kunobo ba kumutatilila na lunzewe
ngayi atupulwishe.
27Nyambi wamuwahe kunobo ba kushimba mpongoho oho bashili batwanuke.
28Oho tukuyanda twafwanina kwikala ninkayetu
nee na kutatilila,
29tushungumane na kulishisha kampe kuli kulumbeza kumbili.
30Tutengekele ntanta kuli ou ukushinga kutukama,
tunafwanini kutambula byuma nimwabyo.
31Nyambi ya Ngula kukatukana mwaya myaka wufwako.
32Hinge ngayi ukutuletela makando,
ngoboni nceshe na shishemo shendi hahetu shashinene na ku shuma.
33Mwene kaliha wa wawahililanga
kutuyandisha hinge kutuyuvwisha kukola.
34Wakukangana alimuka oho myoyo yetu ba kuyiyandisha mu tolongo,
35Alimuka oho ba kutukanina kupwisha kuya atupanine,
36oho bakubula kuyata mu kupwisha mu zinkuta,
Mwene alimuka.
37Kowa muntu ukutwesha kutenda shuma kwakubula kulayelela kwa,
Nyambi ya Ngula.
38Wuwahe na wubi nimwabyo bikutendiwa,
ha kulayelela kwa nou Wakukangana.
39Kati shumangani tukulinyenga kuli,
Nyambi ya Ngula,
oho akutushushula ndaba ya wubi wetu?
40Tuyenu tulibelulenu shiwahe
na ku bokela kuli Nyambi ya Ngula.
41Tushinkululenu mitima yetu
na kukatula maboko wetu muyilu kuli Nyambi,
na kulombela ngayi,
42“Obe, Nyambi ya Ngula,
tunatende wubi na ku kufutulukila ngoboni obe shilolo utuyatile.
43Mu kupilama kwobe watutandile na kutuziha
kubula kutuyuvwila nceshe.
44Walifwikile mu likumbi lyalinene shikuma
nohobene malombelo wetu
kutwesha kukuma kukwobe afwako.
45Unetabilishi kaye nimwako
kutufutula kwinga lilala
kwa kuyumbila byabibi.
46Bamalamo betu nimwabo bali na kutuhandula,
na kutuhengamina.
47Tunekala mu makando amanene na kuloba,
tuli na kuyoya mu malamo namu bowa.
48Meho wami akukunkula mihozi,
ha kuloba kwa bantu bami.
49Mihozi yami yili na kukunkula
ngonehe mishinzi ya kubula kuyuma,
50kutwala noho Nyambi ya Ngula,
akupenza hanci kufuminina kuyilu na kutumona.
51Mutima wami unakalikizi,
oho niku mona biya byatendiwile ku bambuyama bamu lukena.
52Bamalamo bami bankwatile,
ngonehe kayoni wakubula mulandu.
53Bashingile kunziha ha kunyumbila mu liteke,
oku hiniyoya,
pe bampuhile mamanya.
54Mema abalikile kumfwika
pe nahanganikile ngayi kufwa kuli hahepi na nami.
55Oho nekalile mu nceto mu liteke,
nabilikizile kukwobe Nyambi ya Ngula.
56Oho nakulambililile ngayi wuyuvwe kulila kwami,
pe wanyuvwile.
57Obe wezile hahepi pe wankumbwile ngayi,
‘hinga wutina.’
58Nyambi ya Ngula wezile na kunkuliza,
pe wapulwishile moyo wami.
59Nyate shiwahe,
obe ukulimuka wubi ou banatende kukwami.
60Ulimuka bamalamo bami ebye ba kunzimbila,
naneshe bali na kuyongola kundwisha.
61Obe Nyambi ya Ngula,
unayuvwu eshe bali na kuhandula,
ulimuka na biyongola byabo nimwabyo.
62Mwaana nimwawo ba kutungula byami na kuyongola,
mwaku fwanina kuntendela.
63Kufuma ku lumenemene kukuma ku wushiku
banakuhengamina.
64Obe Nyambi ya Ngula,
bashushule kuya nanebye banatende.
65Bapanike mitima ya wulube, mwanga shikuto shobe
shize hahabo.
66Obe Nyambi ya Ngula,
batande na kupilama kwobe na kubalobesha hano ha kaye.”
Currently Selected:
Malila 3: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
