Yona 3
3
Yona ukwombatala Nyambi ya Ngula
1Niho lizu lya Nyambi ya Ngula lyezile kuli Yona kawubili ngayi, 2“Katuka uye ku Neniva, lukena lwalunene, ukabilike mazu nikukutongweza.” 3Nohobene Yona wakatukile na kuya ku Neniva, kwezekesha ku lizu lya Nyambi ya Ngula. Neniva lwengile lukena lwalunene shikuma. Mu lupati walwo wengile mukala wakwenda matena ahatu. 4#Mat 12:41; Luka 11:32. Yona watatikile kuya mu lukena, pe oho endele mukala wa mutena umo, watatikile kubilika ngayi, “Kunyima ya matena makumi anaa, Neniva ukalobeshiwa!”
5Pe bantu ba mu Neniva bakulupilile Nyambi. Babilikile lukuwa lwa kuzila kulya, pe muntu nimwendi kufuma ku wamuleemu kutwala ku wamushe bavwalile bicancolo.
6Oho ncango za kumine kuli mwene wa mu Neniva, ninaye kami wakatukile ha litanda kuya na kuvwula shivwalo shendi sha wene na kuvwala bicancolo na kwikala mu mutoko. 7Pe wabilikile lukuwa na kulupanzanisha mu Neniva nimwamo. Pe mwene hamo na babilolo bendi bambile ngayi, “Hinga muleha muntu, hinge shimuna, hinge litanga lya zingombe, hinge lya bambelele kulya hinge kunwa mema.” 8Ngoboni ngayi muntu nimwendi hamo na bimuna nimwabyo bavwale bicancolo na kulombela kuli Nyambi shikuma na ku mona ngayi bantu nimwabo banatenguluku kufuma ku zinzila zabo zazibi naku mishunga ya maboko wabo. 9Yani ukulimuka, kampe Nyambi ukulibelulula na kuleha wukali wakupilama kwendi, ngayi abule kutulobesha?
10Oho Nyambi amonene kutenguluka kwabo na kufuma ku zinzila zabo zazibi, Nyambi walibelulwile, kami walehele bifungo byendi bya kubalobesha.
Currently Selected:
Yona 3: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
