Yelemiya 47
47
Kulubulula bya litunga lya Fwilishitina
1 #
Isha 14:29-31; Ezek 25:15-17; Yowe 3:4-8; Amos 1:6-8; Zefw 2:4-7; Zaka 9:5-7. Nyambi ya Ngula wambile kuli muluwe Yelemiya ha Fwilishitina, oho Fwalo mwene wa Engepita shilolo alwishe munzi wa Ngaza ngayi,
2“Mona, mema akwizilila kufuma ku ncelele,
kami akenga ngonehe mushinzi unayiti,
uli naku kunkula akakupula litunga na byuma nimwabyo bilimo,
minzi na bantu bazikamo.
Bantu bakakuwa ngayi babayavwe,
bantu nimwabo bazika mu litunga bakatuwa mbingo.
3Bakayuvwa mishindo ya mpazi za bambishi,
na kukokola kwa makoloyi na kululuma kwa mawili awo.
Batatizabo kukashintuluka kwiza na kuyavwa bana babo bafwako,
ndaba maboko wabo akabombola bomboo.
4Mutena uya uli na kwiza
wakulobesha bafwilishitina nimwabo,
kunongesha baya bakashalaho bakushinga kuyavwa munzi wa Tile na Shindoni.
Ndaba Nyambi ya Ngula ukanongesha Bafwilishitina,
nimwabo aba bafumine ku bibumbo bya Kafwitola.
5 #
Kul 13:33. Makando amanene anezi ha bantu ba ku Ngaza,
na bantu ba ku Ashikeloni bananongo.
Enu mashaliza aba Anakimu,#47:5 Anakimu: Mu Shihebelu ngayi mukulo wabo.
shikati ngani mukaleha kulibwekozola enu bamwine.
6Tawee, obe mukwale wa Nyambi ya Ngula,
ukakatala shikati sha kukuma hati?
Bokela mu shipushu shobe,
yikalamo na kukatala.
7Ukutwesha nahiti kukatala,
oho Nyambi ya Ngula unakupana mulimo wakutenda.
Nyambi nakutongweze ngayi ulwishe Ashikeloni na bantu
aba bazika mu shibumbo.”
Currently Selected:
Yelemiya 47: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
