Hoshiya 11
11
Shishemo sha Nyambi ya Ngula ku bantu bendi bakakufutulukila
1Nyambi ya Ngula ngayi,
“Oho Ishalela ashili kanuke na muhakile.
Mwanami namwihanine ngayi afume mu Engepita.
2Ha kubehana bafumine kukwami na kuya na
kukombelela ba Mbaalu kuhokesha incence ku tunankishi twabo.
3Ami nalongeshele baka Efulemu kwenda,
na bakwatile mu maboko Ami.
Ngoboni kaliha bandimukile ngayi
Ami na banyongomanishile.
4Na batwamininine na nyimbwa za shikeketima,
na maboko a shishemo.
Nengile ngo umo wa ncencununanga mpongoho ku mimbanga yabo,
pe na nyongamine na ku balisha.
5“Bakabokela ku litunga lya Engepita, pe Ashiliya ukenga mwene yabo, ndaba banakana kutengulukila kukwami. 6Mukwale ukalwisha zinkena zabo, ukavutula tupatisho twa mapangati abo na kunongesha bantu ba kubela kwa mahalo. 7Bantu bami bonzela kufuma kukwami, haya hinge ndi bakehana kukwendi, kuka bayuvwa ufwako.
8Nikukuleha nahiti obe Efulemu?#11:8 Kwinika ha wene wa Ishalela waku ncelele wa mishobo likumi.
Nikukuyumbila nahiti ku bamalamo Obe Ishalela?
Nikutwesha nahiti ku kutenda ngonehi natendele Andima?
Nikutwesha nahiti kumitenda ngonehi natendele Zemboyima?
Mutima wami wabokamokale,
shikeketima shami shinanenehe.
9Nifwako kutenda omu munayili wukali wakupilama kwami,
nifwako kukalobesha Efulemu kami,
ndaba Ami Nyambi, kaliha ngayi nili muntu.
Ami wa Kuyela nili mukati kenu,
pe nifwako kukeza kukwenu na kupilama.
10“Bantu bami baka nkonka, oho nikubuluma ngo shimbwi. Oho nikubuluma, bana bami bakeza kufuma ku mponci na kukanka. 11Bakeza na kukanka nehi tuyoni twa Engepita, kami nehi matela aku Ashiliya. Nikababwesha ku minzi yabo kami. Eshe nisho anamba Nyambi ya Ngula.
Ishalela na Yunda banayatiwi
12Nyambi ya Ngula ngayi, “Bantu ba Efulemu bananzinguluku na mahalo na kwongeza, ngoboni bantu ba Yunda bakwenda na Nyambi nakwinga bakukulupila ku ba kuyela. Ami Nyambi Wakwoloka na kuyela.”
Currently Selected:
Hoshiya 11: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
