Ezekiyele 15
15
Nguli ya mukolobozi wa Shinyanca
1Nyambi ya Ngula wambile kukwami ngayi, 2“Mwana muntu, mukolobozi wa shinyanca ukulyezeka na mutondo ndi? Wuwahe ngani wa mwahi wa mukabo wa mukolobozi wa shinyanca wakufwekesha na mitondo ya lishaka? 3Kati ukutwesha kutendeshasho ha kutenda shuma shamina ndi? Kati ukutwesha kubazaho zimpimpi za kukolekangaho byuma ndi? 4Nisho shinengi shashiwahe tuhu kuyibikishasho mundilo. Haya oho zinkumo zinahoko na hakati hana hoko, obe ukutwesha kutendaho shuma ndi? 5Oho shilolo shihoke shengile showa. Haya mundilo unashibabulu na ku shihokesha, shengakale hishowa shikuma.”
6Haya eshe nisho ali na kwamba Nyambi ya Ngula ngayi, “Ngonehi mukolobozi wa shinyanca ukushimbiwa mu lishaka na kuhokeshiwa, nohobene ami nikashimba aba bantu bekalilenga mu Yelushalema na kubashushula. 7Nibo banatini ku mundilo ngoboni mundilo ukabahokesha, oho nikabashushula. Enu mukalimuka ngayi Ami nili Nyambi ya Ngula. 8Banengi bakubula kukulupila kukwami, nohobene nikafutula litunga lyabo kwinga lipembe.” Eshe nisho anamba Nyambi ya Ngula.
Currently Selected:
Ezekiyele 15: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
