Livitike 7
7
1Tiyenu lushimbi lwamulambu wakutanya; wajila nankashi.
2Mulambu wakutanya akawujahili kwajahilaŋawu himulambu wakushita; mashi awu akayisampuli hakameŋa kwi-ndo. 3Akanonuhu manji ejima, akayilambuli, nimukila wamanji, nimanji ajikaŋa hayuma yamwivumu, 4ninshiya mujiyedi, nimanji aduku adi kumasweswa, nichibutamuchima, aka alwili hamu nanshiya; 5kapristu akayishiti hakameŋa bwi-i, hihimulambu wakumwilila Yehova nakesi, hihimulambu wakutanya. 6Amayala ejima ahadi atupristu diwu akawidyaŋa; akawudiili kwajila, wajila nankashi. 7Neyi chiwudi himulambu wahanshidi, dichi wudi nawa nihimulambu wakutanya, lushimbi lwayu lwolumu hohu, kapristu wakela yakubuta nachudiyi akawutambuli windi. 8Kapristu wukumulambwila muntu himulambu wakushita, diyi akatambuli nichitembi chindi chamulambu wakushita wanalambuliyi. 9Nyilambu yawuŋa yakwocha mwijiku yejima, helayakwila hakameŋa yejima, niyahachikaŋau yejima, yakekalaŋa yakapristu wakayilambulaŋa. 10Nyilambu yawuŋa yejima, hela yakubomba namanji, hela yawuma, anyana kaAroni amayala ejima akayitambulaŋa yawu, muntuhimuntu.
11Tiya lushimbi lwachimuna chakaketulaŋawu chanyilambu yakuwundayaka himulambu laŋawu Yehova. 12Neyi wakalambula chakusakilila nachu, chakalambulayi chimuna chakusakilila, akalambwili kumu namankendi akadi iluŋi akubomba namanji, nitumankendi twawubasa twakadi iluŋi twakukwita manji, nimankendi akubomba namanji awuŋa walembuluka wakwombeka dehi. 13Chakalambulayi himulambu windi, akalambwilikumu namankendi akweti iluŋi, hamu nachimuna chanyilambu yindiyakuwunda kulonda kusakililaŋa nachu. 14Hanyilambu yejima akanona ŋahudinkendi dimu dimu, akadilambulaŋa hihimulambu wakuleleka kudi Yehova, wakekalaŋa wambala wakapristu wasampulapa mashi anyilambu yakuwunda. 15Mbŋi yachimuna chanyilambu yindi yakuwunda yakasakililaŋayi nachu akayidyi hohefuku dakayilambulayi, kushiyahu yakashiki nikubudidi nehi. 16Neyi chimuna chamulambu windi wakekala wakudishi ilamu, indi kwiji wamulambu wakudilambwila chakumuchima windiyomweni, akawidyi hefuku dakalambulayi chimuna chindi, yakashalahu wakayidyi tuhu hakucha; 17kwinza mbiji yachimuna yakashalahu yakashika kwifuku damu chisatu akayishiti mukesi bwi-i. 18Neyi mbiji yachimuna chanyilambu yindi yakuwunda akayidya nawa nimwifuku damu chisatu, hiyakayiitijaku, hela wukulambula hiyakamufuukwila mwokuku; chakekalichuma chakushimana, muntu wakadyaku wakakoola kuluwa kwindi.
19Mbŋi yakakunka kuchuma hichuma chamajilu, kuyidya chinjila; akayishiti mukesi bwi-i. Hakwila mbiji yi kwawu akayidyi kudi atooka fejima. 20Mbŋi yachimuna chanyilambu yambala yaYehova yakuwunda, muntu wakadyaku, iku saŋa adiyi namajilu kumujimba windi, muntu owuhadi akwawu akamufumishuhu. 21Muntu wakakunka kuchuma hichumachamajilu, hela kumajilu amuntu, hela kukanyama kamajilu, hela kuchumacha majilu chakushimana, hakadya kumbiji yachimuna chanyilambu yambala yaYehova yakuwunda, muntu owu hadi akwawu akamufumishuhu.
22Yehova wahosheli naMosi, 23nindi, Hoshaku nawanyana kaIsarela, neyi, Manji aŋombi, hela amukoku, hela ampembi, enu kuyidya chinjila. 24Manji akanyama wakudifwila, nimanji akanyama kamukoka, kukalakala nachu nyidimu yacheŋi akatwesha tuhu, ilaŋa kuyidya kutwesha nehi, chinjila. 25Muntu wakadya manji akanyama kahimulambu laŋawu Yehova himulambu wakulambula nakesi, muntu owu wakayidya, hadi akwawu akamufumishuhu. 26Kudyahu mashi munyikala yenu yejima, hela akajila hela akanyama, chinjila. 27Muntu wakadyahu mashi, yena muntuowu hadi akwawu akamufumishuhu.
28Yehova wahosheli naMosi, 29nindi, Hoshaku nawanyana kaIsarela, neyi, Muntu wakahimulambu la Yehova chimuna chakuketula chanyilambuyindi yakuwunda, akaleti kudi Yehova himulambu windi wakuchimu nachanyilambu yindi yakuwunda. 30Nyilambu yakumwilila Yehova nakesi akaleti kuchikasa chindi yomweni, akaleti nimanji niibwambu hamu, kulonda ibwambu akadinyinkeshi dakekali himulambu wakunyinkesha kumesu aYehova. 31Kapristu akashiti manji hakameŋa bwi-i; ilaŋa ibwambudakekalaŋa daAroni nawanyanindi amayala. 32Chipeha chachidi iluchakuyimuna yanyilambu yenu yakuwunda, mwakamwinkaŋa kapristu chamulambu wakuleleka. 33Wahadi anyana kaAroni wakalambula mashianyilambu yakuwunda, nimanji ayu, diyi wakadyaŋa chipeha chindi chachidiilu. 34Muloŋa ibwambu dakunyinkesha, nichipeha chakuleleka, natambulikwami kudi anyana kaIsarela, kuyimuna yanyilambu yawu yakuwunda, nenki dehi kapristu Aroni nawanyanindi amayala, hikidya kwawu kwahayanyaka kwakutambula iŋakudi anyana kaIsarela. 35Dimu mwakudiilaŋayi Aroni nanochu chamuwayishiluwu, dimu nawa mwakudiilaŋawu anyanindi amayala nanochu chayiwayishiluwu, yakunyilambu yakumwilila Yehova nakesi, yayinkeluwu mwifuku dayishikijiliyi nindi amukala kelaŋi Yehova mudimu wawupristu; 36dimu mwashimwiniyi Yehova nindi akayinkaŋa kudi anyana kaIsarela mwifuku dayiwayishiliyi. Hikudya kwawu kwahayanyaka mwamba kavwali kilaŋawu anyanawu.
37Dilu lushimbi lwamulambu wakushita, nilwamulambu wawuŋa, nilwamulambu wahanshidi, nilwamulambu wakutanya, nilwakudikunjika, nilwachimuna chanyilambu yakuwunda; 38lwolwa mulejeluwu Mosikudi Yehova hampidi yaSinayi, mwifuku dalejeliyi anyana kaIsarela kuhimulambu la Yehova, mwisaŋa daSinayi.
Currently Selected:
Livitike 7: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
