Livitike 6
6
1Yehova wahosheli naMosi, 2nindi, Neyi muntu wakavulumuna, nakumumotoka Yehova, hakumudimba mukwawu nachuma chanamwinkiyi kuhemba, indi kwiji nakapopu, indi kwiji namubuwi dehi chuma, indi kwiji namudyi dehi mukwawu mbalakanyi, 3indi kwiji nanoni dehi chuma chambala chajimbeli, hakudimbenamu, hakusanyika chakutwamba, neyi muntu nakoŋi chuma chimu chayuma yejimiyi yakoŋaŋawu antu nakuvulumwinamu, 4chakela neyi navulumuni dehi, neyi natanyi dehi, akafuti ochu chuma chanabuwiyi, indi kwiji chanamudiiliyi mukwawumbalakanyi, indi kwiji chamwinkeluwu kuhemba, indi kwiji chajimbeli hakuchinona, 5indi kwiji chasanyikiliyi chakutwamba; akafuti mwejimamuchashikila akashuhu nichibalu chamuchitanu; akamwinki mukwachumachindi mwifuku dakamutanyishawu. 6Akaleti kudi Yehova himulambu windi wakutanya, chizamba chamukoku chamwiyinda wakadi hataminayi, ndandu yindi yakashiki mwomuwakamwesekela wamulambu wakutanya, akashikiji kudi kapristu; 7kapristu akamwilili kumesu aYehova yakubuta nachu, akamwanakena yuma yejima yakoŋeliyi yatanyiniyi nachu.
8Yehova wahosheli naMosi, 9nindi, Kaleji Aroni nawanyanindi, neyi, Tiyenu lushimbi lwamulambu wakushita; himulambu wakushita wakekalaŋahejiku dahakameŋa wufuku wejima anamutuukishi kubudidi, kesi kahakameŋasaŋa kakwatila. 10Kapristu akavwali chi kovwelu chindi chawanda wawuwahihamujimba windi; akavwali nikaputula kindi kawanda wawuwahi; akanoni mawuti ananoŋeli himulambu wakushita nakesi hakameŋa, akayishikumbadi yakameŋa. 11Akavúuli yuma yindi yakuvwala, akavwali yakuvwala yacheŋi, akatwali mawuti kunsa yachilombu kutooka. 12Kesi chiŋa kukakundakeshaŋa hakameŋa, sapa kakwatila hohu, bayi kakajimaku; kapristu akakundakeshaŋahu nchawa habudidi habudidi, hefuku hefuku; aka aluhu chachiwahi himulambu wakushita, akashitiluhu nimanji anyilambu yakuwunda. 13Kesi chiŋa kukakundakeshaŋa hohu mafuku ejima hakameŋa, bayi kakajimaku.
14Tiyenu lushimbi lwamulambu wawuŋa; anyana kaAroni akawulambulaŋa kumesu aYehova, kumesu akameŋa. 15Akazomonuhu chikasa chindito-o chawuŋa walembuluka wahahimulambu wawuŋa, nimanji awu, nilibonayejima yidi hahimulambu wawuŋa, akamushitili Yehova hakameŋa bwi-i, kulonda ivumba dadiwahi dakwanukisha nachu; 16wakashalahu akawidyikudi aAroni nawanyanindi, akawudiili kwajila chakadi iluŋi, akawudiili muchipapu chetenti dakubulakena. 17Bayi akawocha neluŋuku. Nayinki dehi hiiseka dawu danyilambu yami yakwila nakesi, wajila nankashi neyichiwudi himulambu wahanshidi, neyi chiwudi nihimulambu wakutanya. 18Amayala ejima ahadi anyana kaAroni diwu akawidyaŋa, hichuma chawuchakudyaŋa haya nyaka mwamba kavwalikilaŋawu anyanenu, chahanyilambu yakumwilila Yehova nakesi; yowu wakakwataku nekali dehi wajila.
19Yehova wahosheli naMosi, 20nindi, Tiya himulambu waAroni nawanyanindi amayala wakahimulambu lawu Yehova hefuku dakamuwayi shawumanji; akalambuli ibaŋu dawuŋa walembuluka, wamulambu wawuŋawamafuku ejima, kwambulamu chibalu chimu chahabudidi, chibalu chikwawu chahamelela, yibalu yejima yakesekani. 21Akawili namanji hachikaŋau; neyi anawombeki dehi akawiŋiji, neyi anawochi dehi chachiwahi himulambu wawupa hayibalu hayibalu akawushikŋi kwakwihi naYehova, wevumba dadiwahi. 22Kapristu awayishawu dehi manji, yowu mwanindi wakamuswana, diyi wakawulambulaŋa; hichidika chahaya nyaka chakumushitila Yehova bwi-i. 23Nyilambu yawatupristu yawuŋa yejima chiŋa ayishitaŋa yejima bwi-i, bayi akayidyapaku.
24Yehova wahosheli naMosi, 25nindi, Hoshaku naAroni nawanyanindi, neyi, Tiyenu lushimbi lwamulambu wahanshidi; kwoku kwajahilaŋawuhimulambu wakushita diku kwamujahilaŋawu Yehova himulambu wahanshidi, wajila nankashi. 26Akawidyi kudi kapristu wakawulambwila nshidi; akawudiili mwajila, mwomu muchipaŋu chetenti dakubulakena. 27Wakakunkakumbiji yawu nekali dehi wajila; neyi mashi anasampukili hehina, ihina dinasampukili mashi akadikoseli kwajila. 28Kwinza inuŋu yawumba yatelekawu akayi fumpi; neyi ateleka mwinuŋu yawuneŋu chiŋa akayikoola nakuyikosolola nameji. 29Amayala ejima ahadi atupristu diwu akawidyaŋa; wajila nankashi. 30Nyilambu yahanshidi yejima yikweti mashi anatwaluwu mwitenti dakubulakena akubuta nachu mwajila, kuyidya chinjila; akayishitaŋa mukesi bwi-i.
Currently Selected:
Livitike 6: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
