Livitike 2
2
1Neyi muntu wakalambula Yehova himulambu wawuŋa, himulambu windi wakekali wawupa walembuluka, akahuŋunwinuhu manji, akashuhulibona. 2Akawuleti kudi atupristu anyana kaAroni, akazomonu muchikasa to-o chawupa walembuluka, windi yomweni, nimanji awu, niinsensi yawu yejima; kapristu akawushiti hakameŋa bwi-i, wakwanuka nachu, hihimulambu wakumwilila Yehova nakesi, wevumba dadiwahi. 3Mulambu waya kudya wukushalahu wakekalaŋa waAroni nawanyanindi amayala, hichuma chabadika kujila hanyilambu yakumwilila Yehova nakesi.
4Neyi wakalambula himulambu wawuŋa wakwocha mwijiku, wakekali wamankendi akadi iluŋi awuŋa walembuluka wakubomba namanji, helawatumankendi twawubasa twakukwita manji. 5Neyi wakalambula himulambu weyi wawuŋa wahachikaŋau, wakekali wawuŋa walembuluka wakadiilupi wakubomba namanji. 6Wakawamboli yikunku yikunku, wakahuŋu nwinuhu manji, hihimulambu wawuŋa. 7Neyi himulambu weyi wakekalawawuŋa wahameŋa, akawili nawuŋa walembuluka namanji. 8Mulambu wawuŋa wakwila nayumiyi wakaleti kudi Yehova, akawushikŋi kudikapristu, yena akawuleti kukameŋa. 9Hahimulambu wawuŋa kapristu kanonuhu wakwanuka nachu, akawushiti hakameŋa bwi-i, hihimulambu wa kumwilila Yehova nakesi wevumba dadiwahi. 10Mulambu wawuŋawukushalahu wakekalaŋa waAroni nawanyanindi amayala, hichuma chabadika kujila hanyilambu yaYehova yakwila nakesi.
11Nyilambu yawupa yimwa kavula mbula Yehova kulambulahu wumuneluŋi chinjila, muloŋa enu kushita hela iluŋi, hela wuchi, wikali himulambu wa kumwilila Yehova nakesi, chinjila. 12Mwakamula mbula payi Yehova neyi chimwalambulaŋa mbutu jakahila, ilaŋa kuyishikija hakameŋa yakeliyevumba dadiwahi, chinjila. 13Nyilambu yeyi yawuŋa yisakala mbulaŋa yejima chiŋa kushahu mupwa, bayi waketija kubula kusha muŋwa wachitiyaŋenu chaNzambi yeyi hahimulambu weyi wawuŋaku; nyilambu yeyi yejima wakalambula namuŋwa.
14Neyi wakahimulambu la Yehova himulambu wawuŋa wambutu jakahila, owu himulambu wawuŋa wuwakalambula wakalambuli mbutu jakahila nyituyatidiku yakwocha hakesi, nyitu yatidiku yituuta yakuhula. 15Wakashuhumanji, wakashuhu nilibona nawa; hihimulambu wawuŋa. 16Kapristu akanonuhu yakwanuka nachu, hatidiku anonahu, hamanji anonahu, anoninilibona yiduhu yejima; hihimulambu wakumwilila Yehova nakesi.
Currently Selected:
Livitike 2: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
