Livitike 1
1
1Yehova watambikili Mosi, wahosheli nindi; izu dindi hidi kufuma mwitenti dakubulakena, 2hakwila nindi, Hoshaku nawanyana kaIsarela, wuyili neyi, Neyi hadi mukwenu wakahimulambu la Yehova, mwakala mbulaŋa himulambu wachimuna, hela wakwitaŋa hela wakwiyinda.
3Neyi himulambu windi wakekala himulambu wakushita wakwitaŋa, akalambuli ŋombi weyala wakadi hataminayi; akamulambwili kuchisu chetenti dakubulakena, kulonda akamwitiji kumesu aYehova. 4Akanaŋiki chi kasachindi hanamutu wamulambu wakushita, akawitija hamujimba windi, wakubutanachu. 5Ŋombi akamujahili kumesu aYehova. Atupristu anyana kaAroni akashikiji mashi, owu mashi akayisampuli hakameŋa kwi-ndo, kokameŋa kekala kuchisu chetenti dakubulakena. 6Owu himulambu wakushita akawuwi, akawuhaboli. 7Anyana kakapristu Aroni akashikesi hakameŋa, akafwiki nchawa hakesi. 8Atupristu anyana kaAroni aka ali chachiwahi, ninamutu, nimanji hanchawa jidi hakesi kadi hakameŋa. 9Niya mwivumu, ninyendu, nimakasa, akayikosi nameji; kapristu akawushiti wejima muwukuma hakameŋa bwi-i, hihimulambu wakumwilila Yehova nakesi, wevumba dadiwahi.
10Neyi himulambu windi wakekala wakwiyinda hela wamukoku helawampembi, wamulambu wakushita, akalambuli chizamba wakadi hataminayi. 11Akamujahili kumesu aYehova kumbadi yakameŋa yatala kuka beta kaku chidiilu, anyana kaAroni akasampuli mashindi hakameŋa kwi-ndo.
12Akamuhaboli ninamutu windi nimanji indi kumu, kapristu aka ali chachiwahi yejima hanchawa jidi hakesi kadi hakameŋa. 13Niya mwivumu, ninyendu, nimakasa, akayikosi nameji; kapristu akalambuli weji mamu wukuya, akawushiti hakameŋa bwi-i, hihimulambu wakushita, himuza mbuwa kumwilila Yehova nakesi, wevumba dadiwahi.
14Neyi himulambu windi wakala mbulayi Yehova wakekala himulambu wakushita watujila, akalambuli himulambu windi wakushita hela tutela, hela nyana katupompa. 15Kapristu akakaleti kukameŋa, akakanyotomoni namutu akawufu mishuku, akakashiti hakameŋa bwi-i; mashi aku akayi kamwili kumbadi yakameŋa; 16akafumishuku isakwila dindi nimajilu adumu, akadi natili kumbadi yakameŋa yatala kumujika kwasukwilaŋawu mawuti; 17akakabaluli lupúula iku, lupúula iku, bayi akaambula hachikupuku; kapristu akakashiti hakameŋa bwi-i, hanchawa jidi hakesi, hihimulambu wakushita, hihimulambu wakumwilila Yehova nakesi, wevumba dadiwahi.
Currently Selected:
Livitike 1: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
