Exoda 9
9
1Yehova wamwilili Mosi, nindi, Iŋilaku mudi Fwaro, wumwili neyi, Tiya chanahoshiyi Yehova, Nzambi yawaHeberu, nindi, Yileki antu ami ayi akankalakeli. 2Neyi kwonti kweyi kuyileka, neyi saŋa wayikakelahohu, 3wakamona chikasa chaYehova chakakwata hayimuna yeyi yidimumpata; nihatuwalu, nihayimbulu, nianŋameli, nihaŋombi, nihayimunayanyanya; kwakela musoŋu watama nankashi. 4Hayimuna yawaIsarelana yimuna yawaEjipitu Yehova waka ambula hakachi, hayimuna yejima yawanyana kaIsarela hihakafwa hoku niwumuku. 5Yehova nakani dehi nihakachi koŋelayi, nindi, Kumadiki Yehova wakakoŋa chumichi munumwituŋa.
6Dichi chikwachili Yehova welili chumochu, yimuna yejima yamuEjipitu yafwili; ilaŋa hayimuna yawanyana kaIsarela hihafwili hoku niwumuku. 7Fwaro watemesheluku nakwihula, komana chalala, hayimunaya waIsarela hihafwili hoku chimunaku, niwumuhu ntahi. Ilaŋa muchima waFwaro saŋa wadi kaŋila mbe, hayilekeli antuku.
8Yehova wayilili aMosi naAroni, nindi, Zomonenu wuti wamulutenina makasenu, Mosi awufukumuni mwiwulu Fwaro chochamutalayi. 9Wukwi kala lunkupu lwapepela nankashi mwejima mwahita ituŋa daEjipitu, wukubalumuka mahuti akubujika, niyilonda hamu, nihadi antunihadi anyama, mwejima mwahita ituŋa daEjipitu. 10Azomweni wutiwa muluteŋi, ayili nakwimana kumesu aFwaro. Mosi wawufukumwini mwiwulu, wabalumukili himahuti akubujika, niyilonda hamu nihadi antunihadi anyama. 11Niatutepa akaŋenyi kwimana kumesu aMosi muloŋawa mahuti; muŋa niatutepa adiŋi namahuti, ni aEjipitu ejima adiŋi nawu. 12Yehova wachinchikishili muchima waFwaro, haytŋiluku, mwomwahosheliyi Yehova naMosi.
13Yehova wamwilili Mosi, nindi, Wakamenekeshapa budidi, wakayinakwimana kumesu aFwaro, wakamwili neyi, Tiya chanahoshiyi Yehova, Nzambi yawaHeberu, nindi, Yileki antu ami, ayi akankalakeli.
14Ichi dinunukutemesha hamuchima weyi, nihadi ambuŋeyi, nihadi antu eyi, yipupuyami yejima, kulonda wiluki neyi hanu hamaseki hejima hikudi wakwesekananamuku. 15Nukwolola kwami chikasa chami dinu kulonda ni kubabeshinineyi niantu eyi ejima nanyisoŋu; akakufumisha hanu hamaseki. 16Chalala dichi chinakulemesheli kulonda nikumwekesheli Ŋovu yami, kulonda ijina dami dakatiyakani mwejima mwahita maseki. 17Nihanu wudi kaŋaŋatuhu nawantu ami chakadi kuyumbaku, tahindi? 18Tiya, itaŋwa dakuma di kichidakashika itaŋwa hohenohu hidinashiki, nakanokesha nvula yamalola yeneni nankashi, antu kanda dehi amonaŋahu nvula yidi chochochumunu muEjipitu, kufumisha hamwaka wakusambila nakushika kwitaŋwadaleluku. 19Dichi dinu temeshaku wiŋiji swayi swayi yimuna yeyi, niyuma yeyi yejima yidi mumpata, muloŋa niantu ejima, nianyama ejima aka shintakeshawu mumpata, akabula kuletawu hamukala, nvula yamalola yakayinoka, akafwa. 20Ahadi ambuŋa Fwaro atiyili woma wezu daYehova atemwishili ni aŋamba jawu niyimuna yawu nakuyiŋa mumatala; 21abulili kwakama izu daYehova ashiyili ni aŋamba jawu niyimuna yawu mumpata.
22Yehova wamwilili Mosi, nindi, Ololaku chikasa cheyi kwiwulu kulondanvula yamalola yinoki mwituŋa dejima daEjipitu, yinoki niantu ni anyamani nyitondu yayisakola yakudima yejima yekala mumaha, mwejima mwahita ituŋa daEjipitu. 23Mosi wolweli chikasa chindi kwiwulu nimbwechiyindi; Yehova watemesheli nikudidima ninvula yamalola, ni kesi kahitililufuchi nakuholokela hamaseki; Yehova wanokesheli hetuŋa daEjipitu nvula yamalola. 24Kwadiŋi nimalola, ni kesi kadibomba namalola, kakala nankashi, kanda dehi achimonaŋahu dehi mwituŋa daEjipitu dejima kufumisha hatachi kiluwu aEjipitu kutuŋa nyikalaku. 25Mwejima mwahitili ituŋa daEjipitu nvula yamalola yahumpwili yejima yadiŋi mumaha, niantuni anyama; nvula yamalola yahumpwili ninyitondu yayisakola yakudi mayamumaha, yakotweli ninyitondu yamaneni yejima yamumaha namumasaŋa. 26Chiŋa mwituŋa daGosheni hohu, mwashakaminuwu anyana kaIsarela, mwomwabulili nvula yamalola.
27Fwaro watemesheli nakutambika aMosi naAroni, wayilili nindi, Ichinavulumuni dehi; Yehova diyi waloŋa, ninami niantu ami twatama. 28Mulembelelenu Yehova; iku kudidima kweneni ninvula yamalola yinawani dehi, nukuyileka kwami, himwakashakama nawa cheŋuku. 29Mosiwa mwilili nindi, Chinukufuma hamukala nukumwolwela Yehova makasami, nikudidima kwakamwena, hikwakela nawa cheŋi ninvula yamalolaku, kulonda wakeluki neyi maseki ambala aYehova. 30Hakwinza nineyini ambuŋeyi nayiiluki nami himwaka mutiya Yehova Nzambi womaku, kanda. 31Nifwalakisi nibali yachikekeli, bali yadiŋi yasoŋa dehi, fwalakisi yadiŋiyakenuka dehi. 32Hakwinza tidiku namakundi hiyachikekeluku, muloŋa yachidiŋi kanda yikuli.
33Mosi washiyili Fwaro, wafumini hamukala, wamwolweleli Yehova makasindi, nikudidima kwamweneni, ninvula yamalola yaketukili, ninvula yayeni hiyachabu mukili cheŋi hamasekuku. 34Fwaro chamweniyi nvula yinaketuki dehi, nimalola nikudidima kunakumi dehi, wavulumwini cheŋi, wadikaŋili mumuchima windi, niyena ni ambuŋindi. 35Muchima waFwarowa wachinchikili, hayitijili anyana kaIsarela kuyaku, mwomwahosheliyi Yehova naMosi.
Currently Selected:
Exoda 9: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
