Exoda 7
7
1Yehova wamwilili Mosi, nindi, Tala, nakubalumuni wikali nzambi kudi Fwaro, nimana kweyi Aroni wakekala kaprofwetu keyi. 2Wakahoshi mwejima munakakuleja; nimana kweyi Aroni akahoshi naFwaro, akamwili nindi, Yileki anyana kaIsarela afumi mwituŋa deyi. 3Ami nakachinchi kishamuchima waFwaro, nakavulisha yinjikijilu yami nayihayamishayami mwituŋa daEjipitu. 4Fwaro kwindi hakatŋiaku, ninami nakakwatachikasa chami hetuŋa daEjipitu, nakedishamu yendu yawantu ami, anyana kaIsarela, nakayiidisha mwituŋa daEjipitu nakusompesha kwakweni kwabadika. 5Chinakolola chikasa chami hetuŋa daEjipitu nakwidishamu anyana kaIsarela mukachi kawu, aEjipitu akeluka nawu ami yami Yehova. 6Mosi naAroni elili mwenomu. Mwomwayilejeliyi Yehova dimu mweliluwu. 7Nyaka yaMosi yashi kili mumakumi atanu nasatu, nyaka yaAroniyashi kili mumakumi atanu nasatu nayisatu, hahosheluwu naFwaro.
8Yehova wahosheli naMosi naAroni, 9nindi, Chakayi hoshayi Fwaro, nindi, Nlejenu chihayamisha chenu, eyi wakamwili Aroni, neyi, Nonakumbwechi yeyi, wuyinati hamaseki kumesu aFwaro kulonda yibalumuki kapela. 10Mosi naAroni epilili mwadiŋiyi Fwaro, elili mwomuna mwayilejeliyi Yehova; Aroni wanatili mbwechi yindi hamaseki kumesu aFwaro, ni kumesu awambuŋindi, yabalumukili kapela. 11Fwaro niyena watambikili niakwamaana niakwakupanda, wowu atutepa amuEjipitu, niwena nawa nelili mwomumu nawana wawu. 12Wejima wawu anatili mbwechi jawuhamaseki, jabalumukili tupela. Ilaŋa mbwechi yaAroni yaminyini mbwechi jawu. 13Muchima waFwaro wadi kapili, haytŋiluku, mwomwahosheliyi.
14Yehova wamwilili Mosi, nindi, Muchima waFwaro wunadikaŋili mbe, kwonti kwindi kuyileka antu. 15Wakayi kudi Fwaro habudidi, wakamuwanawudi nakuya kukaloŋa, wakemani kuchi kumu chakaloŋa kulonda wubulakani nindi, wakakwati muchikasa cheyi mbwechi yabalumukili kapela. 16Wakamwili neyi, Yehova, Nzambi yawaHeberu, nantemeshikudeyi, nindi, Yileki antu ami ayi akankalakeli mwisaŋa; hakwila eyinihanu kwitŋia kanda. 17Tiya chanahoshiyi Yehova, nindi, Tiya chuma chiwakeluka nachu neyi ami yami Yehova, ami nukweta meji adi mukaloŋa nambwechi yidi kuchikasa chami, akubalumuka mashi. 18Anshi adimu kaloŋa akufwa, ni kaloŋa kakununka chatama, ni aEjipitu akutiya kutamanankashi kunwa meji amukaloŋa. 19Yehova wamwilili Mosi, nindi, Mwili Aroni neyi, Sendaku mbwechi yeyi, wololi chikasa cheyi hameji muEjipitu, nihatuloŋa twawu twamaneni, nihatuloŋa twawu twanyanya, nihamajiya awu, nihayibweti yawu, kulonda abalumuki mashi; mwejima mwahita ituŋa daEjipitu mukwi kala mashi hohu, nimuyuma yanyitondu, nimuyuma yamalola.
20Mosi naAroni elili mwayilejeliyi Yehova; yena wanoneni mbwechi, weteli meji adiŋi mukaloŋa kumesu aFwaro, ni kumesu awambuŋindi; mejiejima adiŋi mukaloŋa abalumukili mashi. 21Anshi adiŋi mukaloŋa afwili, kaloŋa kanunkili chatama, aEjipitu hiyatwesheli kunwa meji amukaloŋaku; mwejima mwahitili ituŋa daEjipitu mwadiŋi kwamashi hohu. 22Atutepa amuEjipitu niwena elili chochimu nawapa wawu; muchima waFwaro wachinchikili, haytŋiluku, mwahosheliyi Yehova. 23Fwaro wabalumukili, wepilili mwitala dindi, hela chumochu hachishili kwindi kumuchimaku. 24AEjipitu ejima atapwili kwakwihi nakaloŋa kulonda akamoni meji akunwa, muloŋa meji amukaloŋa hiyatwesheli kuyinwaku.
25Mwahitili mafuku atanu nayedi nanochu heteliyi Yehova kaloŋa.
Currently Selected:
Exoda 7: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
