Loma 2
2
Kalunga ahisa vatu mwakwoloka
1Shikaho ove mutu, ove weji kuhisanga mukwenu, kaweshi naaha hakulihakwilako, mwomwo oho wéji kuhishilanga mukwenu, hakiko weji kulihishilanga ove ivene, mwomwo ovyo wéji kuhishilanga mukwenu vikiko walinga nayove nawa.
2Jino tunatachikiza ngwetu, kuhisa chaKalunga hali vaze veji kulinganga vyangocho, chaya mwaya muchano.
3Kaha ove mutu, ove weji kuhisanga ava valinga vyangana, oloze ove nawa weji kuvilinganga, unashinganyeka ngwove, naukahasa kuchina kuhisa chaKalunga numba?
4Nyi kumana weji kulumbilisanga kutohwa chakukokweza chenyi tahi, nomu ashipwokela kutenuka, nomu atalijiza mukuunda, hakuzeneka ove kutachikiza omu kukokweza chaKalunga chili nakukutwaminyina kukukunyuka hashili nakwalumuka mumuchima?
5Oloze hakukaluhwa chamuchima wove wakukana kukunyuka hashili nakwalumuka mumuchima, hakiko vene uli nakulilunjikila ove ivene utenu halikumbi lyautenu, haze nahakasoloka kuhisa chaKalunga chakwoloka,
6Ou
Mwakahana mutu himutu kutesa navilinga vyenyi.
7Vaze veji kukakachilanga kulinga mwamwenemwene nakusaka-sakanga upahu naulemu nakuzeneka kufwa, mwakavahana mwono wázeneka kukuma.
8Oloze vaka-kutakilika, vaze vakana muchano, vaze vononoka kukuhenga — utenu nakulundundu,
9naluyando, navihuli — vyosena evi navikapwa hali mutu himutu éji kulinganga mwamupi, kuvangila hali vaYuleya, numbanyi vaHelase nawa.
10Oloze kuli mutu himutu éji kulinganga mwamwenemwene nakukapwanga upahu naulemu nakuunda, kuvangila kuli vaYuleya, numbanyi vaHelase nawa.
11Mwomwo Kalunga katwama nachihandwako.
12Mwomwo veshovo vánavulumuna chakuzeneka Jishimbi navakanonga nawa chakuzeneka Jishimbi. Kaha veshovo vánavulumwina muJishimbi navakavahisa naJishimbi —
13Mwomwo vaka-kwivwilila Jishimbi, keshi vakiko vaka-kwoloka kumeso aKalungako, shina vaka-kulinga mwaya Jishimbi, vakiko navakapwa vakusamba#2:13 Nge ngwavo, kuvanga ou mwalama jishimbi josena ikiye mwahasa kusamba kumeso aKalunga. Oloze nou ahasa kuzeneka kuvulumuna wauchi. Shikaho kusamba hakulama jishimbi kachahashiwako. —
14Mwomwo vaka-mafuchi, vaze kavatwama naJishimbiko, omu veji kulinganga mwaya Jishimbi kuchisemwa chavo, vakiko, chipwe Jishimbi kaveshi najoko, vanapu lushimbi lwakuliyula vavene.
15Veji kusololanga omu milimo yaJishimbi yapwa yakusoneka mumichima yavo, oku vivezu vyavo vili nakuvahana unjiho, kaha vishinganyeka vyavo vili nakuvatwika mulonga, chipwe kuvahakwila —
16 mwomwo halikumbi lize, nge omu mwaya mujimbu wami wamwaza, Kalunga mwakahisa vatu muli Kulishitu Yesu havyavo vyakusweka.
VaYuleya naJishimbi
17Oloze nge ove walivuluka ngwove ukaYuleya, kaha wakundamina haJishimbi, walisashila muli Kalunga,
18watachikiza mwaya muchima wenyi, wetavila kwoloka chavize vyahambakana kuwaha hakukunangula Jishimbi,
19kaha nge walimona chikupu ngwove utwamina yatupuputa, umumunyi wakumunyikila ava váli mumilima,
20umuka-kulongesa vazeneka mangana, umuka-kunangula vakemba, mwomwo ukwechi kulumbunuka chachinyingi namuchano evi vyatwama mujishimbi.
21Shikaho, ove wéji kunangulanga vakwenu, kawalinangula ove iveneko tahi? Ove weji kunangulanga ngwove, Kanda naukevako, kawevako tahi?
22Ove weji kwambanga ngwove, Kanda naukalinga ujilako, kawalinga ujilako tahi? Ove wahunga makombelo, kaweva mujiTembele javoko tahi?
23Ove wéji kulisashilanga muJishimbi, wasaula Kalunga hakuzombwojoka chove Jishimbi!
24Mwomwo vasoneka ngwavo,
Lijina lyaKalunga veji kulisaulanga muli vaka-mafuchi hali enu.
25Mwomwo nge umuka-kulinga mwaya Jishimbi, kaha ungalami wove naukuwahisa vene. Oloze nge umuka-kuzombwojoka Jishimbi, kaha ungalami wove unalumuka lyehi kupwa ujiji.
26Shikaho nge ou kanda vajihane mwalama mazu akuyula akuJishimbi, kaha kumana ujiji wenyi kaveshi kuumona ngwavo ungalamiko?
27Nge ava vapwa vijiji kuchisemwa chavo navatesamo mwaya Jishimbi, kumana kaveshi kukuhisako, ove ukwechi Mazu-vasoneka-ajila naungalami hamwe, hakuzombwojoka chove Jishimbi?
28Mwomwo kaYuleya kapwa ou navejivila kumeso kahako, chipwe haungalami wakumujimba kahako,
29oloze kaYuleya ivene, apwa wamutulo — kaha ungalami, wapwa wakumuchima, wakuli Shipilitu, keshi wamuvasona vaJishimbi kahako. Vamwalisa kuli Kalunga, keshi kuli vatuko.
Currently Selected:
Loma 2: LUE
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia
Loma 2
2
Kalunga ahisa vatu mwakwoloka
1Shikaho ove mutu, ove weji kuhisanga mukwenu, kaweshi naaha hakulihakwilako, mwomwo oho wéji kuhishilanga mukwenu, hakiko weji kulihishilanga ove ivene, mwomwo ovyo wéji kuhishilanga mukwenu vikiko walinga nayove nawa.
2Jino tunatachikiza ngwetu, kuhisa chaKalunga hali vaze veji kulinganga vyangocho, chaya mwaya muchano.
3Kaha ove mutu, ove weji kuhisanga ava valinga vyangana, oloze ove nawa weji kuvilinganga, unashinganyeka ngwove, naukahasa kuchina kuhisa chaKalunga numba?
4Nyi kumana weji kulumbilisanga kutohwa chakukokweza chenyi tahi, nomu ashipwokela kutenuka, nomu atalijiza mukuunda, hakuzeneka ove kutachikiza omu kukokweza chaKalunga chili nakukutwaminyina kukukunyuka hashili nakwalumuka mumuchima?
5Oloze hakukaluhwa chamuchima wove wakukana kukunyuka hashili nakwalumuka mumuchima, hakiko vene uli nakulilunjikila ove ivene utenu halikumbi lyautenu, haze nahakasoloka kuhisa chaKalunga chakwoloka,
6Ou
Mwakahana mutu himutu kutesa navilinga vyenyi.
7Vaze veji kukakachilanga kulinga mwamwenemwene nakusaka-sakanga upahu naulemu nakuzeneka kufwa, mwakavahana mwono wázeneka kukuma.
8Oloze vaka-kutakilika, vaze vakana muchano, vaze vononoka kukuhenga — utenu nakulundundu,
9naluyando, navihuli — vyosena evi navikapwa hali mutu himutu éji kulinganga mwamupi, kuvangila hali vaYuleya, numbanyi vaHelase nawa.
10Oloze kuli mutu himutu éji kulinganga mwamwenemwene nakukapwanga upahu naulemu nakuunda, kuvangila kuli vaYuleya, numbanyi vaHelase nawa.
11Mwomwo Kalunga katwama nachihandwako.
12Mwomwo veshovo vánavulumuna chakuzeneka Jishimbi navakanonga nawa chakuzeneka Jishimbi. Kaha veshovo vánavulumwina muJishimbi navakavahisa naJishimbi —
13Mwomwo vaka-kwivwilila Jishimbi, keshi vakiko vaka-kwoloka kumeso aKalungako, shina vaka-kulinga mwaya Jishimbi, vakiko navakapwa vakusamba#2:13 Nge ngwavo, kuvanga ou mwalama jishimbi josena ikiye mwahasa kusamba kumeso aKalunga. Oloze nou ahasa kuzeneka kuvulumuna wauchi. Shikaho kusamba hakulama jishimbi kachahashiwako. —
14Mwomwo vaka-mafuchi, vaze kavatwama naJishimbiko, omu veji kulinganga mwaya Jishimbi kuchisemwa chavo, vakiko, chipwe Jishimbi kaveshi najoko, vanapu lushimbi lwakuliyula vavene.
15Veji kusololanga omu milimo yaJishimbi yapwa yakusoneka mumichima yavo, oku vivezu vyavo vili nakuvahana unjiho, kaha vishinganyeka vyavo vili nakuvatwika mulonga, chipwe kuvahakwila —
16 mwomwo halikumbi lize, nge omu mwaya mujimbu wami wamwaza, Kalunga mwakahisa vatu muli Kulishitu Yesu havyavo vyakusweka.
VaYuleya naJishimbi
17Oloze nge ove walivuluka ngwove ukaYuleya, kaha wakundamina haJishimbi, walisashila muli Kalunga,
18watachikiza mwaya muchima wenyi, wetavila kwoloka chavize vyahambakana kuwaha hakukunangula Jishimbi,
19kaha nge walimona chikupu ngwove utwamina yatupuputa, umumunyi wakumunyikila ava váli mumilima,
20umuka-kulongesa vazeneka mangana, umuka-kunangula vakemba, mwomwo ukwechi kulumbunuka chachinyingi namuchano evi vyatwama mujishimbi.
21Shikaho, ove wéji kunangulanga vakwenu, kawalinangula ove iveneko tahi? Ove weji kunangulanga ngwove, Kanda naukevako, kawevako tahi?
22Ove weji kwambanga ngwove, Kanda naukalinga ujilako, kawalinga ujilako tahi? Ove wahunga makombelo, kaweva mujiTembele javoko tahi?
23Ove wéji kulisashilanga muJishimbi, wasaula Kalunga hakuzombwojoka chove Jishimbi!
24Mwomwo vasoneka ngwavo,
Lijina lyaKalunga veji kulisaulanga muli vaka-mafuchi hali enu.
25Mwomwo nge umuka-kulinga mwaya Jishimbi, kaha ungalami wove naukuwahisa vene. Oloze nge umuka-kuzombwojoka Jishimbi, kaha ungalami wove unalumuka lyehi kupwa ujiji.
26Shikaho nge ou kanda vajihane mwalama mazu akuyula akuJishimbi, kaha kumana ujiji wenyi kaveshi kuumona ngwavo ungalamiko?
27Nge ava vapwa vijiji kuchisemwa chavo navatesamo mwaya Jishimbi, kumana kaveshi kukuhisako, ove ukwechi Mazu-vasoneka-ajila naungalami hamwe, hakuzombwojoka chove Jishimbi?
28Mwomwo kaYuleya kapwa ou navejivila kumeso kahako, chipwe haungalami wakumujimba kahako,
29oloze kaYuleya ivene, apwa wamutulo — kaha ungalami, wapwa wakumuchima, wakuli Shipilitu, keshi wamuvasona vaJishimbi kahako. Vamwalisa kuli Kalunga, keshi kuli vatuko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia