Loma 3
3
1Kaha kaYuleya nahambakanyina halihi? Nyi ungalami unalemena halihi?
2Hali kuwanyinaho chikuma mwosena. Chakavanga, mwomwo vavahanyine uselwa#3:2 Uselwa wapwa kulama vyuma muunyoji. wamazu aIvene Kalunga.
3Nyi ngachilihi nge vamwe vakanyine kufwelela? Kumana, kuzeneka chavo kufwelela nachihonesa kushishika chaKalunga numba?
4Chijilocho! Kalunga apwa wamuchano, chipwe mutu himutu apwa muka-makuli, nge muze vasoneka ngwavo,
Mangana usambe kumazu ove,
Nakufungulula hakukusopesa.
5Oloze nge kuhengesa chetu nachisolola kwoloka chaKalunga, kaha jino natwamba muka? Ngwetu, Kalunga kolokako hakusolola utenu hali etu, tahi? ( Ngunahanjika mwautu.)
6Chijilocho! Nge chapwa ngocho, kaha Kalunga mwakahisa vaka-kaye ngachilihi?
7Oloze nge hakwonga chami hakiko hanavulila muchano waKalunga nakusolwelaho upahu wenyi, kaha vachili nakunguhishila ika nge ngumuka-shili?
8Kaha natuzenekela ika kulinganga mwamupi mangana hasolokele vyamwenemwene? (Nge omu veji kutuvangijikilanga vamwe ngwavo mukiko vene tweji kuhanjikanga.) Vatu vangocho kuvahisa namulonga, choloka.
Kakweshi muka-kwoloka naumweko
9Kaha ngachilihi? Etu vaYuleya tunahambakana vakiko tahi? Nduma, nahamwe hauchi. Mwomwo tunahisa lyehi vosena, navaYuleya navaHelase nawa, ngwetu, vosena vali muundungo washili.
10Nge muze vasoneka ngwavo,
Kakweshi muka-kwolokako, naumwe wauchi,
11Kakweshi nou anangakanako,
Kakweshi nou amusaka-saka Kalungako.
12Vosena vapyapumuka,
Vosena valumukila hamwe kupwa vamokomoko.
Kakweshi naumwe eji kulinganga mwamwazako, chipwe naumwe wauchi.
13 Miliu yavo yapwa vimbumbe vyawashi,
Veji kumbembejekanga vakwavo namalimi avo.
Ulembe wamanoka uli kumivumbo yavo,
14 Mutunwa twavo mwazala mbe nakwangula namazu amasasu.
15 Mahinji avo eji kwanguhwisanga kukumwanga manyinga.
16Kwenyeka namakava vyatwama mujijila javo,
17Kaha mwaya jila yakuunda kavatachikizamoko.
18 Kumeso avo kakweshi woma waKalungako.
19Jino tunatachikiza ngwetu, vyosena ovyo jamba Jishimbi javivulukila ava vali muJishimbi, mangana jijike tunwa twosena, mangana vaka-kaye vosena vapwenga vavahisa lyehi kuli Kalunga.
20Shikaho kuvilinga vyakuJishimbi kakweshi mutu umwe navavuluka kupwa wakwoloka kumeso aKalungako, mwomwo muJishimbi mukiko mutu mwatachikijila kanawa shili.
Kwoloka chahakufwelela
21Oloze makumbi ano Kalunga nasolola kwoloka chenyi, kacheshi chakuJishimbiko, chipwe tuhu vachivuluka naunjiho wakuJishimbi nakuli vapolofweto.
22Chikiko vene kwoloka chakuli Kalunga hakufwelela Yesu Kulishitu echi chavaka-kufwelela vosena, mwomwo kaheshi chihandwako.
23Mwomwo vosena vavulumuna, kaha vakuminamo kuupahu waKalunga,
24oloze mwavavuluka kupwa vakwoloka chawana kaha halikoji lyenyi, hakusokoka echi chili muli Kulishitu Yesu,
25 Ou Kalunga áhana kupwa Likuka hamanyinga enyi, hakumufwelela. Echi chasolola kwoloka chaKalunga mwomwo, omu avatalilile chikoki, azombokele milonga yavo yize vavulumwine kumwaka#3:25 Shimbu kanda Mwata afwenga, Kalunga kazangamishile vaka-shili vamufwelelele hashili yavo, oloze avandaminyine kwiza chaKulishitu, mangana akapwe likuka hamilonga yosena..
26Evi vinapu vyakusolwelaho kwoloka chaKalunga myaka yino, mangana vamuvuluke kupwa wakwoloka, nomu apwa nawa Muka-kuvuluka ou mwafwelela Yesu ngwenyi wakwoloka.
27Shikaho kulisasa chinalemena halihi? Vanachikane. Vanachikanyina haka#3:27 MuchiHelase ngwavo, halushimbi muka?? Havilinga tahi? Nduma, hakufwelela kaha.
28Shikaho tunamono ngwetu, mutu navamuvuluka kupwa wakwoloka hakufwelela kaha, keshi havilinga vyahakulama Jishimbiko.
29 Nyi kumana Kalunga apwa wavaYuleya kaha numba? Kumana kapwa Kalunga kavaka-mafuchi nawako numba? Mukiko vene, apwa Kalunga kavaka-mafuchi nawa,
30mwomwo apwa Kalunga Umwe kaha — Ou mwavuluka vangalami navijiji nawa kupwa vakwoloka hakufwelela.
31Nyi kumana tweji kuhonesanga jishimbi hakufwelela kana tahi? Chijilocho! Olozenyi tweji kuzamisanga Jishimbi.
Currently Selected:
Loma 3: LUE
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia
Loma 3
3
1Kaha kaYuleya nahambakanyina halihi? Nyi ungalami unalemena halihi?
2Hali kuwanyinaho chikuma mwosena. Chakavanga, mwomwo vavahanyine uselwa#3:2 Uselwa wapwa kulama vyuma muunyoji. wamazu aIvene Kalunga.
3Nyi ngachilihi nge vamwe vakanyine kufwelela? Kumana, kuzeneka chavo kufwelela nachihonesa kushishika chaKalunga numba?
4Chijilocho! Kalunga apwa wamuchano, chipwe mutu himutu apwa muka-makuli, nge muze vasoneka ngwavo,
Mangana usambe kumazu ove,
Nakufungulula hakukusopesa.
5Oloze nge kuhengesa chetu nachisolola kwoloka chaKalunga, kaha jino natwamba muka? Ngwetu, Kalunga kolokako hakusolola utenu hali etu, tahi? ( Ngunahanjika mwautu.)
6Chijilocho! Nge chapwa ngocho, kaha Kalunga mwakahisa vaka-kaye ngachilihi?
7Oloze nge hakwonga chami hakiko hanavulila muchano waKalunga nakusolwelaho upahu wenyi, kaha vachili nakunguhishila ika nge ngumuka-shili?
8Kaha natuzenekela ika kulinganga mwamupi mangana hasolokele vyamwenemwene? (Nge omu veji kutuvangijikilanga vamwe ngwavo mukiko vene tweji kuhanjikanga.) Vatu vangocho kuvahisa namulonga, choloka.
Kakweshi muka-kwoloka naumweko
9Kaha ngachilihi? Etu vaYuleya tunahambakana vakiko tahi? Nduma, nahamwe hauchi. Mwomwo tunahisa lyehi vosena, navaYuleya navaHelase nawa, ngwetu, vosena vali muundungo washili.
10Nge muze vasoneka ngwavo,
Kakweshi muka-kwolokako, naumwe wauchi,
11Kakweshi nou anangakanako,
Kakweshi nou amusaka-saka Kalungako.
12Vosena vapyapumuka,
Vosena valumukila hamwe kupwa vamokomoko.
Kakweshi naumwe eji kulinganga mwamwazako, chipwe naumwe wauchi.
13 Miliu yavo yapwa vimbumbe vyawashi,
Veji kumbembejekanga vakwavo namalimi avo.
Ulembe wamanoka uli kumivumbo yavo,
14 Mutunwa twavo mwazala mbe nakwangula namazu amasasu.
15 Mahinji avo eji kwanguhwisanga kukumwanga manyinga.
16Kwenyeka namakava vyatwama mujijila javo,
17Kaha mwaya jila yakuunda kavatachikizamoko.
18 Kumeso avo kakweshi woma waKalungako.
19Jino tunatachikiza ngwetu, vyosena ovyo jamba Jishimbi javivulukila ava vali muJishimbi, mangana jijike tunwa twosena, mangana vaka-kaye vosena vapwenga vavahisa lyehi kuli Kalunga.
20Shikaho kuvilinga vyakuJishimbi kakweshi mutu umwe navavuluka kupwa wakwoloka kumeso aKalungako, mwomwo muJishimbi mukiko mutu mwatachikijila kanawa shili.
Kwoloka chahakufwelela
21Oloze makumbi ano Kalunga nasolola kwoloka chenyi, kacheshi chakuJishimbiko, chipwe tuhu vachivuluka naunjiho wakuJishimbi nakuli vapolofweto.
22Chikiko vene kwoloka chakuli Kalunga hakufwelela Yesu Kulishitu echi chavaka-kufwelela vosena, mwomwo kaheshi chihandwako.
23Mwomwo vosena vavulumuna, kaha vakuminamo kuupahu waKalunga,
24oloze mwavavuluka kupwa vakwoloka chawana kaha halikoji lyenyi, hakusokoka echi chili muli Kulishitu Yesu,
25 Ou Kalunga áhana kupwa Likuka hamanyinga enyi, hakumufwelela. Echi chasolola kwoloka chaKalunga mwomwo, omu avatalilile chikoki, azombokele milonga yavo yize vavulumwine kumwaka#3:25 Shimbu kanda Mwata afwenga, Kalunga kazangamishile vaka-shili vamufwelelele hashili yavo, oloze avandaminyine kwiza chaKulishitu, mangana akapwe likuka hamilonga yosena..
26Evi vinapu vyakusolwelaho kwoloka chaKalunga myaka yino, mangana vamuvuluke kupwa wakwoloka, nomu apwa nawa Muka-kuvuluka ou mwafwelela Yesu ngwenyi wakwoloka.
27Shikaho kulisasa chinalemena halihi? Vanachikane. Vanachikanyina haka#3:27 MuchiHelase ngwavo, halushimbi muka?? Havilinga tahi? Nduma, hakufwelela kaha.
28Shikaho tunamono ngwetu, mutu navamuvuluka kupwa wakwoloka hakufwelela kaha, keshi havilinga vyahakulama Jishimbiko.
29 Nyi kumana Kalunga apwa wavaYuleya kaha numba? Kumana kapwa Kalunga kavaka-mafuchi nawako numba? Mukiko vene, apwa Kalunga kavaka-mafuchi nawa,
30mwomwo apwa Kalunga Umwe kaha — Ou mwavuluka vangalami navijiji nawa kupwa vakwoloka hakufwelela.
31Nyi kumana tweji kuhonesanga jishimbi hakufwelela kana tahi? Chijilocho! Olozenyi tweji kuzamisanga Jishimbi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia