Loma 1
1
Paulu mwavameneka
1Ami Paulu, ngundungo yaKulishitu Yesu, vangusanyika kupwa kaposetolo, vanguhandwila kumujimbu wamwaza waKalunga,
2ou áshikile hakavanga muli vapolofweto jenyi haMazu-vasoneka-ajila,
3wakuvuluka Mwanenyi asemukile kumbuto yaNdavichi mwaya chisemwa chamujimba wanyama,
4Ou vajimbwile kupwa MwanaKalunga nangolo mwaya Shipilitu wakujila, hakusanguka chenyi muvafu, Ikiye Yesu Kulishitu Mwata wetu.
5Muli Ikiye mukiko vene twatambwilile likoji nauposetolo, mangana halijina lyenyi tukanehe vaka-mafuchi osena kukwononoka mujimbu wamwaza hakufwelela#1:5 Chipwe ngwavo, kukwononoka vyalufwelelo..
6Muli vakiko mukiko muli nayenu nawa, vaze vásanyika kupwa vambala vaYesu Kulishitu.
7 Nguli nakusonekela enu muvosena mwatwama kuLoma, enu vazanga kuli Kalunga, enu vásanyika kupwa vaka-kujila— uselewa nakuunda vyakuli Kalunga Setu naMwata Yesu Kulishitu vipwenga nayenu.
Omu asakile Paulu kulimona navakaLoma
8Chakavanga, ngweji kusakwililanga Kalunga kami muli Yesu Kulishitu hali enu muvosena, mwomwo kufwelela chenu vali nakuchambulula mumafuchi osena.
9Mwomwo Kalunga Ikiye Chinjiho chami, Ou ngweji kuzachilanga nashipilitu yami mumujimbu wamwaza waMwanenyi, omu ngweji kumivulukanga mukulomba chami chakuzeneka kulitwamina.
10Mukulomba chami ngweji kulembelelanga Kalunga ngwami, nge chinahase, hamakumbi ano anguhashise kwiza okwo kuli enu mwaya muchima wenyi.
11Mwomwo ngwafwila kumimona mangana ngwami, ngukamihane wana wakulikoji wakuya mwaya Shipilitu, mangana mukazame mbe.
12Mangana tukalizamikise mukufwelela chetu, enu nayami.
13Kaha enu vandumbwami, ami kangwasakile muzeneke kutachikizako, mwomwo ngwajinyinenga kakavulu kwiza kuli enu, (oloze vanguhungika palanga nakulelo). Ngwajinyine kwiza mangana nguwane mihako yimwe namuli enu nawa, ngana omu ngunawane muli vakwenu vaka-mafuchi.
14 Ngumuka-mukuli, kuli vaHelase navaka-malimi eka, nakuli vaka-mangana naava vazeneka mangana.
15Shikaho, ngwalizanga lyehi kwambulula mujimbu wamwaza nakuli enu muli kuLoma nawa.
Ngolo jamujimbu wamwaza
16Mwomwo mujimbu wamwaza kangwawivwila sonyiko, mwomwo ukiko vene ngolo jaKalunga jakuneha ulwilo kuli weshowo mwafwelela, kuvangila kuli vaYuleya, numbanyi kuli vaHelase.
17Mwomwo mukiko vene mwasolokela kwoloka chakuli Kalunga chahalufwelelo kaha, ngana omu vasoneka ngwavo,
Muka-kwoloka mwayoyelanga halufwelelo.
Kuhya chavatu kumeso aKalunga
18Mwomwo Kalunga nasolola utenu wenyi kufuma mwilu hakazamuzamu kosena veji kumuzamukilanga, nahakuhengesa chavaze veji kushinyinyikanga muchano hakuhengesa chavo.
19Mwomwo vize vanahase kutachikiza vyaKalunga, vili hatoma kuli vakiko, mwomwo Kalunga avasolwelavyo lyehi.
20Mwomwo kupwa chenyi echi kavahasa kumonako — ngolo jenyi jázeneka kukuma naUKalunga wenyi — kufuma kukutanga kaye vyasoloka kanawa, vyavalumbunukila havyevi atengele, mangana vazeneke kupwa nahakulihakwila.
21Mwomwo vakiko, chipwe vamwijivile Kalunga, kavamwalishile haupahu wenyi nge Kalungako, chipwe kumusakwilila nduma. Oloze valumukile kupwa vaka-kushinganyeka vyaufwefwelekete — namichima yavo yakuzeneka mangana yengilile mumilima.
22Vakiko, hakulivuluka ngwavo vaka-mangana, valumukile kupwa vileya,
23kaha upahu waKalunga ázeneka kupola, vautambasanyine nakaponya wakulifwana namutu wakuya nakupola, natujila, natunyama vamahinji awana awana, navakuhalala hamavu.
24Shikaho Kalunga avasuvilile mumajilo ájize jipeha jamichima yavo, mangana vasawisenga mijimba yavo mwavo mwavo.
25Muchano waKalunga vautambasanyine namakuli, kaha vavumbikile nakuzachila chikuma tengeso, kuhambakana kuvumbika Samatanga, Ou vakisula nakisu yazeneka kukuma! Amene.
26Hakiko avasuvililile Kalunga kujipeha jakusauka. Mwomwo mapwevo vasezele mwaya chilongeselo chaKalunga hali pwevo nalunga, nakulikahukila mwavo mwavo.
27Ngocho namalunga nawa, hakuseza mwaya chilongeselo chaKalunga hali lunga napwevo, valivwililile peha chikuma navakwavo malunga, nakulinga mwakwivwisa sonyi mwavo mwavo, kaha fweto yakwesekesa nakuhungumuka chavo vayitambwilenga mumijimba yavo.
28Kaha mwomwo vakanyine kukomoka Kalunga, shikaho Kalunga nawa avasuvililile kuvishinganyeka vyakupuya, mangana valingenga evi kavyatamoko.
29Vakiko vazalile naupapwoki wosena, nakupihya, naukenya, nalukamakama, nakufunyina vakwavo. Vazala nalushiushiu#1:29 Nge ngwavo, muchima wakulikangila vyosena vipwenga vyenyi., nakujiha vatu, navikokojola, namakuli, nakoko. Vapwa vaka-kutúngula,
30vaka-kusaula vakwavo, vaka-kuhunga Kalunga, vaka-ukenya, vaka-kutangalala, vaka-kulitukwojola, vaka-kutaka vyavipi, vaka-kulikanga kuli visemi javo,
31vakuzeneka mangana, vaka-kuzeneka kulama vyakulishika, vavakalu michima, vaka-kukana kukonekela, vaka-kuzeneka kutetela vakwavo.
32Vakiko, chipwe vatachikiza kanawa omu ayula Kalunga mwakwoloka hakwamba ngwenyi, Vaka-kulinga vyangana vatela kufwa, kavakumina hakuvilinga kahako, oloze veji kulikundwizanga navaze veji kuvilinganga nawa.
Currently Selected:
Loma 1: LUE
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia
Loma 1
1
Paulu mwavameneka
1Ami Paulu, ngundungo yaKulishitu Yesu, vangusanyika kupwa kaposetolo, vanguhandwila kumujimbu wamwaza waKalunga,
2ou áshikile hakavanga muli vapolofweto jenyi haMazu-vasoneka-ajila,
3wakuvuluka Mwanenyi asemukile kumbuto yaNdavichi mwaya chisemwa chamujimba wanyama,
4Ou vajimbwile kupwa MwanaKalunga nangolo mwaya Shipilitu wakujila, hakusanguka chenyi muvafu, Ikiye Yesu Kulishitu Mwata wetu.
5Muli Ikiye mukiko vene twatambwilile likoji nauposetolo, mangana halijina lyenyi tukanehe vaka-mafuchi osena kukwononoka mujimbu wamwaza hakufwelela#1:5 Chipwe ngwavo, kukwononoka vyalufwelelo..
6Muli vakiko mukiko muli nayenu nawa, vaze vásanyika kupwa vambala vaYesu Kulishitu.
7 Nguli nakusonekela enu muvosena mwatwama kuLoma, enu vazanga kuli Kalunga, enu vásanyika kupwa vaka-kujila— uselewa nakuunda vyakuli Kalunga Setu naMwata Yesu Kulishitu vipwenga nayenu.
Omu asakile Paulu kulimona navakaLoma
8Chakavanga, ngweji kusakwililanga Kalunga kami muli Yesu Kulishitu hali enu muvosena, mwomwo kufwelela chenu vali nakuchambulula mumafuchi osena.
9Mwomwo Kalunga Ikiye Chinjiho chami, Ou ngweji kuzachilanga nashipilitu yami mumujimbu wamwaza waMwanenyi, omu ngweji kumivulukanga mukulomba chami chakuzeneka kulitwamina.
10Mukulomba chami ngweji kulembelelanga Kalunga ngwami, nge chinahase, hamakumbi ano anguhashise kwiza okwo kuli enu mwaya muchima wenyi.
11Mwomwo ngwafwila kumimona mangana ngwami, ngukamihane wana wakulikoji wakuya mwaya Shipilitu, mangana mukazame mbe.
12Mangana tukalizamikise mukufwelela chetu, enu nayami.
13Kaha enu vandumbwami, ami kangwasakile muzeneke kutachikizako, mwomwo ngwajinyinenga kakavulu kwiza kuli enu, (oloze vanguhungika palanga nakulelo). Ngwajinyine kwiza mangana nguwane mihako yimwe namuli enu nawa, ngana omu ngunawane muli vakwenu vaka-mafuchi.
14 Ngumuka-mukuli, kuli vaHelase navaka-malimi eka, nakuli vaka-mangana naava vazeneka mangana.
15Shikaho, ngwalizanga lyehi kwambulula mujimbu wamwaza nakuli enu muli kuLoma nawa.
Ngolo jamujimbu wamwaza
16Mwomwo mujimbu wamwaza kangwawivwila sonyiko, mwomwo ukiko vene ngolo jaKalunga jakuneha ulwilo kuli weshowo mwafwelela, kuvangila kuli vaYuleya, numbanyi kuli vaHelase.
17Mwomwo mukiko vene mwasolokela kwoloka chakuli Kalunga chahalufwelelo kaha, ngana omu vasoneka ngwavo,
Muka-kwoloka mwayoyelanga halufwelelo.
Kuhya chavatu kumeso aKalunga
18Mwomwo Kalunga nasolola utenu wenyi kufuma mwilu hakazamuzamu kosena veji kumuzamukilanga, nahakuhengesa chavaze veji kushinyinyikanga muchano hakuhengesa chavo.
19Mwomwo vize vanahase kutachikiza vyaKalunga, vili hatoma kuli vakiko, mwomwo Kalunga avasolwelavyo lyehi.
20Mwomwo kupwa chenyi echi kavahasa kumonako — ngolo jenyi jázeneka kukuma naUKalunga wenyi — kufuma kukutanga kaye vyasoloka kanawa, vyavalumbunukila havyevi atengele, mangana vazeneke kupwa nahakulihakwila.
21Mwomwo vakiko, chipwe vamwijivile Kalunga, kavamwalishile haupahu wenyi nge Kalungako, chipwe kumusakwilila nduma. Oloze valumukile kupwa vaka-kushinganyeka vyaufwefwelekete — namichima yavo yakuzeneka mangana yengilile mumilima.
22Vakiko, hakulivuluka ngwavo vaka-mangana, valumukile kupwa vileya,
23kaha upahu waKalunga ázeneka kupola, vautambasanyine nakaponya wakulifwana namutu wakuya nakupola, natujila, natunyama vamahinji awana awana, navakuhalala hamavu.
24Shikaho Kalunga avasuvilile mumajilo ájize jipeha jamichima yavo, mangana vasawisenga mijimba yavo mwavo mwavo.
25Muchano waKalunga vautambasanyine namakuli, kaha vavumbikile nakuzachila chikuma tengeso, kuhambakana kuvumbika Samatanga, Ou vakisula nakisu yazeneka kukuma! Amene.
26Hakiko avasuvililile Kalunga kujipeha jakusauka. Mwomwo mapwevo vasezele mwaya chilongeselo chaKalunga hali pwevo nalunga, nakulikahukila mwavo mwavo.
27Ngocho namalunga nawa, hakuseza mwaya chilongeselo chaKalunga hali lunga napwevo, valivwililile peha chikuma navakwavo malunga, nakulinga mwakwivwisa sonyi mwavo mwavo, kaha fweto yakwesekesa nakuhungumuka chavo vayitambwilenga mumijimba yavo.
28Kaha mwomwo vakanyine kukomoka Kalunga, shikaho Kalunga nawa avasuvililile kuvishinganyeka vyakupuya, mangana valingenga evi kavyatamoko.
29Vakiko vazalile naupapwoki wosena, nakupihya, naukenya, nalukamakama, nakufunyina vakwavo. Vazala nalushiushiu#1:29 Nge ngwavo, muchima wakulikangila vyosena vipwenga vyenyi., nakujiha vatu, navikokojola, namakuli, nakoko. Vapwa vaka-kutúngula,
30vaka-kusaula vakwavo, vaka-kuhunga Kalunga, vaka-ukenya, vaka-kutangalala, vaka-kulitukwojola, vaka-kutaka vyavipi, vaka-kulikanga kuli visemi javo,
31vakuzeneka mangana, vaka-kuzeneka kulama vyakulishika, vavakalu michima, vaka-kukana kukonekela, vaka-kuzeneka kutetela vakwavo.
32Vakiko, chipwe vatachikiza kanawa omu ayula Kalunga mwakwoloka hakwamba ngwenyi, Vaka-kulinga vyangana vatela kufwa, kavakumina hakuvilinga kahako, oloze veji kulikundwizanga navaze veji kuvilinganga nawa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia