Hose'a 3

Misaalu no Joomiraawo yiɗiri himɓe Isira'iila

1Joomiraawo baddimmi min Hose'a, wi'i: Mi yaha, mi yiɗa kade debbo am, baa no oo wondi e gorko goɗɗo, go oo waɗa jeenu. Mi yiɗa mo hande no kanko Joomiraawo o yiɗiri himɓe Isira'iila, baa no ɓee caafa tooruuje, go ɓee jiɗi tame innabooje jorɗe ɗe tooruuje ɗen saafirtee. 2Go jahumi, joɓumi ceede cardi sappo e joy, e saakiya orju goota e feccere gam mi jaɓitoo mo. 3Go batu moo mi bi'umi: Accu gondaa e am faa balɗe ɗuuɗɗe. Taa waɗu kade jeenu. Taa fukkoda bo e gorko goɗɗo. Min bo mi hawtataa e maa.

4Gam himɓe Isira'iila ɓooyan ɓe galaa laamiiɗo, ɓe galaa ardiiɗo, ɓe gaɗataa bo kiiseteeɗi, ɓe galaa nokkuure to tooruure safetee, ɓe galaa bo dansikiire hooreejo *liimaamiiɓe tooruure, ɓe galaa bo tooruure gom. 5Ɓaawo mum ɓe tuuban, ɓe bitta to Alla Joomiraawo maɓɓe, e to laamiiɗo maɓɓe Dawda. Der wakkati garoohi, ɓe dartan Joomiraawo e kulol, gam ɓe keɓa barka makko.

Currently Selected:

Hose'a 3: BFB

Highlight

Copy