Daniyel 8
8
Jiiki ɗiɗaɓi ki Alla holli Daniyel
1Der laamaare Belisasaa duuɓol mum tataɓol, min Daniyel mi yi'ii kade jiiki gom baka ki ji'unoomi. 2Ji'umi mii darii takkol gooruwol bi'eteeŋol Ulay gonuŋol der wanŋarde mawne wi'eteene Suusa der leydi Elamu. 3Ɓantumi gite, go ji'umi jawdiiri baala e darii fonŋo gooruwol ŋol. Enii woodi galarɗi juutuɗi ɗiɗi. Walardu cakitiiŋol fuɗugo e ɓuri artuŋol fuɗi juutugo. 4Ji'umi jawdiiri nin e giƴƴira far to gorgal, e far to soɓɓiire, e far to hoore fuɗo. Walaa mareefu baawoowu haɓugo e mayri. Walaa baawoowo teetugo mareefu ŋu ni ummanii. Nii waɗa ko ni yiɗi, nii yaha nii mawna.
5Wakkati gonumi mii miijanoo ɗum, ji'umi ginniiri be'a gom e ummoy diga gorgal. Ni woosoyno nun der duuniyaaru fu, baa koyɗe mayri meemay leydi gam sabbu yaawugo mayri. Nii woodi walardu manŋol hakkune gite mayri. 6Ni doggoy ni wari faa takkol jawdiiri ni galarɗi ɗiɗi ni ji'unoomi e darii fonŋo gooruwol nin. Ni yaakanii jawdiri nin e semme. 7Ji'umi nii yaha nii ɓattoo jawdiri nin, nii haari mone. Ni giƴƴi jawdiiri nin ni helti galarɗi mum. Ni doƴƴi ni e leydi, ni wami ni. Jawdiiri nin sobbii, tampi waɗugo goɗɗum. Goɗɗo bo teetay ni. 8Ginniiri nin mawni sanne. Amma wakkati ni waɗi semme, walardu mayri manŋol ŋol heltii. Go galarɗi naay mawɗi goɗɗi fuɗi to ŋol wonunoo. Gootol e daari far to lettugal, gootol e daari far to gorgal, gootol daari far to soɓɓiire, gootol bo e daari far to hoore fuɗo.
9Galargel pettel gom fuɗi e galarɗi ɗin gootol mum. Ŋol ummii ŋol mawni ŋol waɗiri semme far to hoore fuɗo, e far to lettugal e far to leydi ɓuruni leyɗe fu wooɗugo. 10Ŋol waɗi semme faa ŋol ummanii ko woni dow kammu. Ŋol doƴƴi ɗuuɗɗum majjum e leydi. Ŋol doƴƴi bo koode ɗuuɗɗe ŋol wami ɗe. 11Ŋol yahi du ŋol haɓi e hooreejo ko woni dow kammu. Ŋol haɗi himɓe waɗango mo kiiseteeɗi ɗi o waɗantee finne fu. Ŋol soɓini nokkuure makko seniine. 12E baadiiji maggol bonɗi ŋol jaalorii ko woni dow kammu, ŋol haɗi himɓe waɗugo kiiseteeɗi gaɗeteeɗi finne fu. Ŋol haɗi diina gooŋaha. Ko ŋol waɗata fu e yaha yeeso.
13Ɓaawo mum, nanumi malaykaajo gom e bata. Go malaykaajo goɗɗo ƴami mo wi'i: Dey nun kujje ji'aaɗe ɗee ɗo haggotoo? Dey nun himɓe accetee e waɗa kiiseteeɗi gaɗeteeɗi finne fu? Dey nun baadiiji bonɗi kalkooji huune fu ɗin accetee waɗeego? Dey nun nokkuure seniine nen accetee soɓineego? Dey nun ko woni dow kammu ɗum accetee yaaɓeego? 14O toontii o wi'i: Sey to jaka wakkati kaanunooki kiiseteeɗi gaɗeteeɗi subaka e kiikiiɗe faa ujune ɗiɗi e keme tati (2 300) hebbii.
Fasara jiiki ɗiɗaɓi ki Alla holli Daniyel
15Min Daniyel, wakkati gonumi mii daara ɗum, mii darta mi faama ɗum, goɗɗum nanduɗum e neɗɗo cuusuɗo wari darii yeeso am. 16Go nanumi daane gom e nodda diga der gooruwol Ulay, e wi'a: #8:16 Jibiriila: Inne nen nun wi'etee kade Gabiriyeli Jibiriila, waɗan neɗɗo oo ɗon fasara ko o yi'i on. 17Go Jibiriila ɓattii to gonumi. No o ɓattii, kulumi sanne, go jicciimi tuggumi tiine am e leydi. Go o wi'immi: Ɓii Aadama, annu no ko ji'uɗaa on batanan nun heennyitoode duuniyaaru fu. 18Wakkati o baddatammi, hakkillo am fu majji, mii fukkii mii tuggi tiine am e leydi. Go o meemimmi, o umminimmi, o darnimmi to pukkinon ɗon. 19Go o wi'immi: Mi anninte ko waroyta to mone Alla deƴƴii, gam wakkati mum yesaama. 20Jawdiiri wooduni galarɗi ɗiɗi ni ji'uɗaa nin filliti nun laamiiɓe Mediya e Persiya. 21Ginniiri nin bo filliti nun laamu Yunaninkeeɓe. Walardu manŋol puɗuŋol hakkune gite mayri filliti nun laamiiɗo maɓɓe arandeejo. 22No walardu ŋol heltii, galarɗi naay puɗuɗi to ŋol wonunoo, filliti nun laamuuji naay laamoytooɗi e gurol laamu ŋuu ɗon. Amma ɗi potataa ŋu semme. 23To laamaare laamiiɓe ɓee ɗon heennyii, to kalluɗum ɗum himɓe waɗata sattii, laamiiɗo gom ummoyto. O woodan manŋu hoore, o jammoto himɓe sanne. 24Laamaare makko semmiɗan, amma semme nen ƴiwataa diga e baawɗe makko. O halkan huune fu halkere mawne. Ko o waɗata fu yahan yeeso. O waran himɓe semmenteeɓe e himɓe Alla. 25O jammoto himɓe, gam sabbu ƴoyre ne o woodi. Mawnitaare makko accan o wara himɓe ɗuuɓɓe miilunooɓe e woni e deƴƴere. O ummanto laamiiɗo laamiiɓe fu. Wakkati mum nun o halketee. Amma hinaa e semme neɗɗo. 26Jiiki batanoohi kiiseteeɗi gaɗeteeɗi subaka e kiikiiɗe kin bo laati nun gooŋa. Amma taa batu ki goɗɗo, gam ko ki batanta waɗataa duuɓi jooni. 27E wakkatiire nee ɗon, min Daniyel nyawumi gaɗumi balɗe ɗuuɗɗe mii fukkii. No joofiimi, ummiimi mii gollanoo laamiiɗo. Jiiki kin accii mii jiiɓii sanne gam sabbu mi faamay ki.
Currently Selected:
Daniyel 8: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Daniyel 8
8
Jiiki ɗiɗaɓi ki Alla holli Daniyel
1Der laamaare Belisasaa duuɓol mum tataɓol, min Daniyel mi yi'ii kade jiiki gom baka ki ji'unoomi. 2Ji'umi mii darii takkol gooruwol bi'eteeŋol Ulay gonuŋol der wanŋarde mawne wi'eteene Suusa der leydi Elamu. 3Ɓantumi gite, go ji'umi jawdiiri baala e darii fonŋo gooruwol ŋol. Enii woodi galarɗi juutuɗi ɗiɗi. Walardu cakitiiŋol fuɗugo e ɓuri artuŋol fuɗi juutugo. 4Ji'umi jawdiiri nin e giƴƴira far to gorgal, e far to soɓɓiire, e far to hoore fuɗo. Walaa mareefu baawoowu haɓugo e mayri. Walaa baawoowo teetugo mareefu ŋu ni ummanii. Nii waɗa ko ni yiɗi, nii yaha nii mawna.
5Wakkati gonumi mii miijanoo ɗum, ji'umi ginniiri be'a gom e ummoy diga gorgal. Ni woosoyno nun der duuniyaaru fu, baa koyɗe mayri meemay leydi gam sabbu yaawugo mayri. Nii woodi walardu manŋol hakkune gite mayri. 6Ni doggoy ni wari faa takkol jawdiiri ni galarɗi ɗiɗi ni ji'unoomi e darii fonŋo gooruwol nin. Ni yaakanii jawdiri nin e semme. 7Ji'umi nii yaha nii ɓattoo jawdiri nin, nii haari mone. Ni giƴƴi jawdiiri nin ni helti galarɗi mum. Ni doƴƴi ni e leydi, ni wami ni. Jawdiiri nin sobbii, tampi waɗugo goɗɗum. Goɗɗo bo teetay ni. 8Ginniiri nin mawni sanne. Amma wakkati ni waɗi semme, walardu mayri manŋol ŋol heltii. Go galarɗi naay mawɗi goɗɗi fuɗi to ŋol wonunoo. Gootol e daari far to lettugal, gootol e daari far to gorgal, gootol daari far to soɓɓiire, gootol bo e daari far to hoore fuɗo.
9Galargel pettel gom fuɗi e galarɗi ɗin gootol mum. Ŋol ummii ŋol mawni ŋol waɗiri semme far to hoore fuɗo, e far to lettugal e far to leydi ɓuruni leyɗe fu wooɗugo. 10Ŋol waɗi semme faa ŋol ummanii ko woni dow kammu. Ŋol doƴƴi ɗuuɗɗum majjum e leydi. Ŋol doƴƴi bo koode ɗuuɗɗe ŋol wami ɗe. 11Ŋol yahi du ŋol haɓi e hooreejo ko woni dow kammu. Ŋol haɗi himɓe waɗango mo kiiseteeɗi ɗi o waɗantee finne fu. Ŋol soɓini nokkuure makko seniine. 12E baadiiji maggol bonɗi ŋol jaalorii ko woni dow kammu, ŋol haɗi himɓe waɗugo kiiseteeɗi gaɗeteeɗi finne fu. Ŋol haɗi diina gooŋaha. Ko ŋol waɗata fu e yaha yeeso.
13Ɓaawo mum, nanumi malaykaajo gom e bata. Go malaykaajo goɗɗo ƴami mo wi'i: Dey nun kujje ji'aaɗe ɗee ɗo haggotoo? Dey nun himɓe accetee e waɗa kiiseteeɗi gaɗeteeɗi finne fu? Dey nun baadiiji bonɗi kalkooji huune fu ɗin accetee waɗeego? Dey nun nokkuure seniine nen accetee soɓineego? Dey nun ko woni dow kammu ɗum accetee yaaɓeego? 14O toontii o wi'i: Sey to jaka wakkati kaanunooki kiiseteeɗi gaɗeteeɗi subaka e kiikiiɗe faa ujune ɗiɗi e keme tati (2 300) hebbii.
Fasara jiiki ɗiɗaɓi ki Alla holli Daniyel
15Min Daniyel, wakkati gonumi mii daara ɗum, mii darta mi faama ɗum, goɗɗum nanduɗum e neɗɗo cuusuɗo wari darii yeeso am. 16Go nanumi daane gom e nodda diga der gooruwol Ulay, e wi'a: #8:16 Jibiriila: Inne nen nun wi'etee kade Gabiriyeli Jibiriila, waɗan neɗɗo oo ɗon fasara ko o yi'i on. 17Go Jibiriila ɓattii to gonumi. No o ɓattii, kulumi sanne, go jicciimi tuggumi tiine am e leydi. Go o wi'immi: Ɓii Aadama, annu no ko ji'uɗaa on batanan nun heennyitoode duuniyaaru fu. 18Wakkati o baddatammi, hakkillo am fu majji, mii fukkii mii tuggi tiine am e leydi. Go o meemimmi, o umminimmi, o darnimmi to pukkinon ɗon. 19Go o wi'immi: Mi anninte ko waroyta to mone Alla deƴƴii, gam wakkati mum yesaama. 20Jawdiiri wooduni galarɗi ɗiɗi ni ji'uɗaa nin filliti nun laamiiɓe Mediya e Persiya. 21Ginniiri nin bo filliti nun laamu Yunaninkeeɓe. Walardu manŋol puɗuŋol hakkune gite mayri filliti nun laamiiɗo maɓɓe arandeejo. 22No walardu ŋol heltii, galarɗi naay puɗuɗi to ŋol wonunoo, filliti nun laamuuji naay laamoytooɗi e gurol laamu ŋuu ɗon. Amma ɗi potataa ŋu semme. 23To laamaare laamiiɓe ɓee ɗon heennyii, to kalluɗum ɗum himɓe waɗata sattii, laamiiɗo gom ummoyto. O woodan manŋu hoore, o jammoto himɓe sanne. 24Laamaare makko semmiɗan, amma semme nen ƴiwataa diga e baawɗe makko. O halkan huune fu halkere mawne. Ko o waɗata fu yahan yeeso. O waran himɓe semmenteeɓe e himɓe Alla. 25O jammoto himɓe, gam sabbu ƴoyre ne o woodi. Mawnitaare makko accan o wara himɓe ɗuuɓɓe miilunooɓe e woni e deƴƴere. O ummanto laamiiɗo laamiiɓe fu. Wakkati mum nun o halketee. Amma hinaa e semme neɗɗo. 26Jiiki batanoohi kiiseteeɗi gaɗeteeɗi subaka e kiikiiɗe kin bo laati nun gooŋa. Amma taa batu ki goɗɗo, gam ko ki batanta waɗataa duuɓi jooni. 27E wakkatiire nee ɗon, min Daniyel nyawumi gaɗumi balɗe ɗuuɗɗe mii fukkii. No joofiimi, ummiimi mii gollanoo laamiiɗo. Jiiki kin accii mii jiiɓii sanne gam sabbu mi faamay ki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.