Daniyel 7
7
Jiiki arandehi ki Alla holli Daniyel
1Der laamaare Belisasaa laamiiɗo Babiila duuɓol mum arandewol, Daniyel hoyɗi wakkati fukkii e banni mum. Ɓaawo mum, o winni ko o yi'i der koyɗool ŋol. Nani ɗo koyɗool makko ŋol o winni ŋol. 2O wi'i: Der koyɗool am ŋol koyɗumi jemma ŋol, ji'umi hennu ummoy diga becce duuniyaaru ɗe fu naay, ŋol wari eŋol lawta maayo manŋo. 3Ji'umi mareefuho mawko nayo wurtoy diga der maayo ŋon, gonŋa nandaa e gonŋa. 4Arandeya e nandi e jaggere, amma ŋa woodu nun bippooɗe hande digaareya. Wakkati daaranmi ŋa ji'umi bippooɗe magga ɗen ɗoofaa. Ŋa ettaa dow ŋa darnaa e koyɗe ɗiɗi hande neɗɗo. Ŋa wattanaa hakkillo neɗɗo. 5Mareefuwa ɗiɗaɓa e nandi e tewwa ladde kalluŋa. Eŋaa darorii wecco magga wooto, eŋaa wuufi ƴi'e becce tati. Go wi'aa ŋa ummoo ŋa ƴakka tew ɗuuɗɗum. 6Ɓaawo mum, ji'umi mareefuwa tataɓa. Eŋaa nandi e muusuuru ladde. Eŋaa woodi bippooɗe naay dow ɓaawo magga. Eŋaa woodi ko'e naay. Go ŋa hokkaa baawɗe dawrango duuniyaaru fu. 7Ji'umi kade der koyɗool am ŋol mareefuwa nayaɓa. Eŋaa halli, eŋaa hulnii, eŋaa woodi semme sanne. Eŋaa woodi nyiiko janni mawko. To ŋa happii mareefu, ŋa ƴakkan ɗum nun, ŋa pusa ƴi'e mum, den ŋa yaaɓa tew koriiɗum. Ŋa nandaa e mareefuho tato koriiko. Eŋaa woodi galarɗi sappo. 8No mii daara galarɗi ɗin ji'umi galargel pettel gom e fuɗa caka majji. Ŋel ɗoofi tati majji. Eŋel woodi gite iri no neɗɗo. Eŋel woodi hunnuko batooho haalaaji baanjaaji.
Kiita Alla
9No mii daara, ji'umi kittaaje laamu yesaa, dottiijo nayeejo gom wari jooɗii e gootal majje. Kolte makko e rawni tar hande malamalluuje. Gaasa makko e rawni hande hottollo. Kiittal makko e nandi e ɗelle yiite. Koyɗe maggal e nandi e koyɗe laana pucci, eɗee jalba hande yiite manŋe. 10Yiite e woni yeeso dottiijo on hande gooruwol iloowol. Himɓe ujuneeje ɗuuɗɗe e gollanoo mo. Himɓe miliyooji ɗuuɗɗi e darii yeeso makko. Go hiitotooɓe wari jooɗii, dewte maɓɓitaa.
11Mii tinnii mii daara, go ji'umi mareefuwa nayaɓa ŋan waraa gam sabbu haalaaji baanjaaji ɗi galargel magga pettel ŋel batannoo. Ŋa ettaa ŋa wattaa der yiite ŋa jaɓi ŋa halki son. 12Mareefuho tato koriiko, baawɗe mum heennyi. Amma ko acca ekoo buuri faa to wakkati ki ko taƴanaa yottake.
13Der koyɗool am ŋol koyɗumi jemma ŋol, ji'umi goɗɗo gom nanduɗo e ɓii Aadama e woni caka duula e wara. Oo fonnoy dottiijo nayeejo on. O waddaa yeeso dottiijo on. 14O hokkaa baawɗe, e tedduŋal, e laamaare. Lenyi fu, e leyɗe fu, e ɗelle fu yanti e gollanoo mo. Baawɗe makko tabitinto faa e baadey, ɗe keennyataa. Laamaare makko yanataa sam.
Fasara huune arandeere ne Alla holli Daniyel
15Min Daniyel jiɓiimi sanne. Go ji'umi on e hulnii sanne. 16Der himɓe dariiɓe ɗon, ɓattiimi gooto mum ƴamu moo mi, ume ko ji'umi on fu fillitii e gooŋa. Go o batimmi ko ɗum fillitii o wi'i: 17Mareefuho nayo kon filliti nun laamiiɓe nayo laamoytooɓe der duuniyaaru. 18Ɓaawo maɓɓe, himɓe Alla mo dow, jeytan laamaare faa e baadey. 19Go bi'umi sey mi anna ko mareefuwa nayaɓa ŋa nandaa e mareefuho koriiko kon fillitii. Eŋaa hulnii sanne, eŋaa woodi nyiiko janni ɓaleeri e peɗelo janni boɗeeri. To ŋa happii mareefu, ŋa ƴakkan ɗum nun, ŋa pusa ƴi'e mum, den ŋa yaaɓa tew koriiɗum. 20Ƴamumi ko galarɗi magga sappo ɗin fillitii. Ƴamumi bo ko galargel magga pettel ɗoofuŋel galarɗi magga tati ɗin fillitii. Eŋel woodi gite e hunnuko batooho haalaaji baanjaaji. Eŋel ɓuri galarɗi koriiɗi semme. 21Ji'umi galargel ŋel e haɓa konu e himɓe Alla, faa eŋel yiɗi jaalaago ɓe. 22Go dottiijo nayeejo on wari hokki himɓe Alla ɓen gooŋa. No wakkati hebbi, ɓe jeyti laamaare.
23Mo ƴamumi on toontii am wi'i: Mareefuwa nayaɓa ŋan filliti nun laamu nayaɓu der duuniyaaru. Ŋu nandaa e laamuuji koriiɗi fu. Ŋu nyaaman ko tawaa der duuniyaaru fu. Ŋu yaaɓan ɗum ɗum fu ŋu sikkita. 24Galarɗi magga sappo ɗin filliti nun laamiiɓe sappo ummoytooɓe der laamu ŋun. Laamiiɗo goɗɗo ummoyto, o nandataa e maɓɓe. O doƴƴan tato caka maɓɓe o teeta laamaare. 25O yennan Alla mo dow, o holla himɓe mum semme. O dartan o waylita nyalaaɗe juulɗeeji himɓe Alla e sariyaaji mum. O laamanto ɓe faa duuɓi tati e feccere. 26Ɓaawo mum, o hiite, laamaare makko doƴƴee, ne waata faa e baadey. 27Baawɗe laamuuji duuniyaaru, e laamaare majji, e manŋu majji fu teetete, himɓe Alla mo dow kammu ɓen hokkee. Laamaare himɓe Alla nen tabitinto faa baadey. Laamuuji duuniyaaru fu tokkan ɓe e gollanoo ɓe.
28Ɗoo nun haala koyɗool am ŋol ɗon darii min Daniyel. Mi hulii sanne faa yeeso am fu e jiiɓii, jantumi mii miilana ɗum.
Currently Selected:
Daniyel 7: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Daniyel 7
7
Jiiki arandehi ki Alla holli Daniyel
1Der laamaare Belisasaa laamiiɗo Babiila duuɓol mum arandewol, Daniyel hoyɗi wakkati fukkii e banni mum. Ɓaawo mum, o winni ko o yi'i der koyɗool ŋol. Nani ɗo koyɗool makko ŋol o winni ŋol. 2O wi'i: Der koyɗool am ŋol koyɗumi jemma ŋol, ji'umi hennu ummoy diga becce duuniyaaru ɗe fu naay, ŋol wari eŋol lawta maayo manŋo. 3Ji'umi mareefuho mawko nayo wurtoy diga der maayo ŋon, gonŋa nandaa e gonŋa. 4Arandeya e nandi e jaggere, amma ŋa woodu nun bippooɗe hande digaareya. Wakkati daaranmi ŋa ji'umi bippooɗe magga ɗen ɗoofaa. Ŋa ettaa dow ŋa darnaa e koyɗe ɗiɗi hande neɗɗo. Ŋa wattanaa hakkillo neɗɗo. 5Mareefuwa ɗiɗaɓa e nandi e tewwa ladde kalluŋa. Eŋaa darorii wecco magga wooto, eŋaa wuufi ƴi'e becce tati. Go wi'aa ŋa ummoo ŋa ƴakka tew ɗuuɗɗum. 6Ɓaawo mum, ji'umi mareefuwa tataɓa. Eŋaa nandi e muusuuru ladde. Eŋaa woodi bippooɗe naay dow ɓaawo magga. Eŋaa woodi ko'e naay. Go ŋa hokkaa baawɗe dawrango duuniyaaru fu. 7Ji'umi kade der koyɗool am ŋol mareefuwa nayaɓa. Eŋaa halli, eŋaa hulnii, eŋaa woodi semme sanne. Eŋaa woodi nyiiko janni mawko. To ŋa happii mareefu, ŋa ƴakkan ɗum nun, ŋa pusa ƴi'e mum, den ŋa yaaɓa tew koriiɗum. Ŋa nandaa e mareefuho tato koriiko. Eŋaa woodi galarɗi sappo. 8No mii daara galarɗi ɗin ji'umi galargel pettel gom e fuɗa caka majji. Ŋel ɗoofi tati majji. Eŋel woodi gite iri no neɗɗo. Eŋel woodi hunnuko batooho haalaaji baanjaaji.
Kiita Alla
9No mii daara, ji'umi kittaaje laamu yesaa, dottiijo nayeejo gom wari jooɗii e gootal majje. Kolte makko e rawni tar hande malamalluuje. Gaasa makko e rawni hande hottollo. Kiittal makko e nandi e ɗelle yiite. Koyɗe maggal e nandi e koyɗe laana pucci, eɗee jalba hande yiite manŋe. 10Yiite e woni yeeso dottiijo on hande gooruwol iloowol. Himɓe ujuneeje ɗuuɗɗe e gollanoo mo. Himɓe miliyooji ɗuuɗɗi e darii yeeso makko. Go hiitotooɓe wari jooɗii, dewte maɓɓitaa.
11Mii tinnii mii daara, go ji'umi mareefuwa nayaɓa ŋan waraa gam sabbu haalaaji baanjaaji ɗi galargel magga pettel ŋel batannoo. Ŋa ettaa ŋa wattaa der yiite ŋa jaɓi ŋa halki son. 12Mareefuho tato koriiko, baawɗe mum heennyi. Amma ko acca ekoo buuri faa to wakkati ki ko taƴanaa yottake.
13Der koyɗool am ŋol koyɗumi jemma ŋol, ji'umi goɗɗo gom nanduɗo e ɓii Aadama e woni caka duula e wara. Oo fonnoy dottiijo nayeejo on. O waddaa yeeso dottiijo on. 14O hokkaa baawɗe, e tedduŋal, e laamaare. Lenyi fu, e leyɗe fu, e ɗelle fu yanti e gollanoo mo. Baawɗe makko tabitinto faa e baadey, ɗe keennyataa. Laamaare makko yanataa sam.
Fasara huune arandeere ne Alla holli Daniyel
15Min Daniyel jiɓiimi sanne. Go ji'umi on e hulnii sanne. 16Der himɓe dariiɓe ɗon, ɓattiimi gooto mum ƴamu moo mi, ume ko ji'umi on fu fillitii e gooŋa. Go o batimmi ko ɗum fillitii o wi'i: 17Mareefuho nayo kon filliti nun laamiiɓe nayo laamoytooɓe der duuniyaaru. 18Ɓaawo maɓɓe, himɓe Alla mo dow, jeytan laamaare faa e baadey. 19Go bi'umi sey mi anna ko mareefuwa nayaɓa ŋa nandaa e mareefuho koriiko kon fillitii. Eŋaa hulnii sanne, eŋaa woodi nyiiko janni ɓaleeri e peɗelo janni boɗeeri. To ŋa happii mareefu, ŋa ƴakkan ɗum nun, ŋa pusa ƴi'e mum, den ŋa yaaɓa tew koriiɗum. 20Ƴamumi ko galarɗi magga sappo ɗin fillitii. Ƴamumi bo ko galargel magga pettel ɗoofuŋel galarɗi magga tati ɗin fillitii. Eŋel woodi gite e hunnuko batooho haalaaji baanjaaji. Eŋel ɓuri galarɗi koriiɗi semme. 21Ji'umi galargel ŋel e haɓa konu e himɓe Alla, faa eŋel yiɗi jaalaago ɓe. 22Go dottiijo nayeejo on wari hokki himɓe Alla ɓen gooŋa. No wakkati hebbi, ɓe jeyti laamaare.
23Mo ƴamumi on toontii am wi'i: Mareefuwa nayaɓa ŋan filliti nun laamu nayaɓu der duuniyaaru. Ŋu nandaa e laamuuji koriiɗi fu. Ŋu nyaaman ko tawaa der duuniyaaru fu. Ŋu yaaɓan ɗum ɗum fu ŋu sikkita. 24Galarɗi magga sappo ɗin filliti nun laamiiɓe sappo ummoytooɓe der laamu ŋun. Laamiiɗo goɗɗo ummoyto, o nandataa e maɓɓe. O doƴƴan tato caka maɓɓe o teeta laamaare. 25O yennan Alla mo dow, o holla himɓe mum semme. O dartan o waylita nyalaaɗe juulɗeeji himɓe Alla e sariyaaji mum. O laamanto ɓe faa duuɓi tati e feccere. 26Ɓaawo mum, o hiite, laamaare makko doƴƴee, ne waata faa e baadey. 27Baawɗe laamuuji duuniyaaru, e laamaare majji, e manŋu majji fu teetete, himɓe Alla mo dow kammu ɓen hokkee. Laamaare himɓe Alla nen tabitinto faa baadey. Laamuuji duuniyaaru fu tokkan ɓe e gollanoo ɓe.
28Ɗoo nun haala koyɗool am ŋol ɗon darii min Daniyel. Mi hulii sanne faa yeeso am fu e jiiɓii, jantumi mii miilana ɗum.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.