Daniyel 11
11
1Min e hoore am, mi walliino Miseeli on, cemmiɗin moo mi der laamaare Dariyusu Mediyankeejo duuɓol mum arandewol.
Hawre laamiiɓe
2Jooni, nani ɗo haala gooŋaha ka batan maa mi:
Laamiiɓe tato gom hokkontiran laamaare der leydi Peresiya. Ɓaawo maɓɓe, laamiiɗo nayaɓo laamoto. O ɓuran laamiiɓe artuɓe mo laamaago jawdi sanne. Jawdi makko nin accan laamaare makko waɗa semme sanne. To o waɗii semme o heennyii, o ummanto laamiiɗo Yunaninkeeɓe. 3Amma laamiiɗo cuusuɗo gom laamanto Yunaninkeeɓe. Laamaare makko waɗan semme sanne, den o waɗa ko o yiɗi fu. 4Wakkati laamaare makko waɗi semme, ne yanan, ne seenna geɓe naay. Woore wonoo far to lettugal, woore far to gorgal, woore far to soɓɓiire, woore bo far to hoore fuɗo. Ɓiɓɓe makko bane laamotoo e gurol makko. Himɓe feereeɓe nun laamotoo e gurol makko to ne seennii. Amma laamaare maɓɓe fotataa laamaare makko semme.
5Laamiiɗo mo far to hoore fuɗo waɗan semme sanne. Amma doogariiɓe makko gooto mum ɓuran mo semme. Laamaare doogariijo on ɓuran laamaare makko semme. 6Ɓaawo duuɓi ɗuuɗɗi, laamiiɗo mo hoore fuɗo haɓɓontiran alkawal joonne jam e laamiiɗo mo soɓɓiire. Laamiiɗo mo soɓɓiire ɓaŋan suka laamiiɗo mo hoore fuɗo on gam tabbitiningo alkawal maɓɓe ŋal. Amma baawɗe debbo ɓaŋaaɗo on heennyan. Himɓe waran gorko makko, e suka makko. Wakkati mum, kanko bo, ɓe baran mo kanko e baaba makko, e wallooɓe mo. 7Mo lenyol debbo on laamoto e gurol baaba mum. Joomum yantan soogeeji laamiiɗo mo far to soɓɓiire der wanŋarɗe majji mahanaaɗe biriniiji O yantan soogeeji laamiiɗo mo soɓɓiire on, o jaaloo ɗi. 8O ettan tooruuje maɓɓe, e tooruuje maɓɓe gaɗiraaɗe e janni taayinaani, e kujje maɓɓe gaɗiraaɗe e cardi, e kanŋeeri, o hoora leydi Misira. O accan haɓugo e laamiiɗo mo soɓɓiire faa duuɓi ɗuuɗɗi. 9Ɓaawo mum, laamiiɗo mo soɓɓiire on yahan leydi laamiiɗo mo hoore fuɗo, den haɓa e makko. Ɓaawo mum, o woƴƴitoo o hoota e leydi makko.
10Sukaaɓe makko waɗan siri haɓoygo konu. Ɓe kawritan soogeeji ɗuuɗɗi. Gooto maɓɓe e soogeeji mum yahan haɓoygo konu. Ɓe ƴartoto keerol leydi maɓɓe hande gooruwol kebbuŋol faa ƴartii powte mum. To ɓee garta, ɓe jantan wanŋarde laamiiɗo mo hoore fuɗo mahanaane biriniwol cemmiɗinŋol. 11Mone waɗan laamiiɗo mo hoore fuɗo, den o yaha haɓoygo e laamiiɗo mo soɓɓiire. Laamiiɗo mo soɓɓiire on hawritan soogeeji ɗuuɗɗi, amma laamiiɗo mo hoore fuɗo on waran ɗi. 12Laamiiɗo mo hoore fuɗo on mawnitinto gam sabbu soogeeji ɗuuɗɗi ɗi wari. Amma enon fu, o jaalataako laamiiɗo mo soɓɓiire on. 13Laamiiɗo mo soɓɓiire on hawritan soogeeji goɗɗi ɓuruɗi arandeeji ɗuuɗugo. Ɓaawo duuɓi seɗɗa, o ettan soogeeji ɗin, e gineeji kaɓirɗi semmenteeji, o yaha o haɓa e laamiiɗo mo hoore fuɗo on. 14Wakkati mum, himɓe ɗuuɓɓe ummanto laamiiɗo mo hoore fuɗo on. An Daniyel, baa himɓe laatiiɓe halluɓe der lenyol maa ummanto mo gam haala jiiki kii ɗo hebba. Amma ɓe jaalataako. 15Laamiiɗo mo soɓɓiire waɗan tintimiije gam naata der wanŋarde laamiiɗo mo hoore fuɗo mahanaane biriniwol den o jaaloo ne. Baa no soogeeji laamiiɗo mo hoore fuɗo woodiri semme fu, ɗi baawataa saloraago ko'e majji. Ɗi galaa semme ne ɗi daɗinirta ko'e majji. 16Laamiiɗo mo soɓɓiire waran waɗa ko yiɗi fu der leydi laamiiɗo mo hoore fuɗo. Goɗɗo waawataa haɗa mo ko o yiɗi waɗugo. To oo warta o jooɗoto der leydi ɓuruni wooɗugo den o halka ko o yi'i ɗon fu. 17O yesan ɓe jaha kanko e soogeeji makko fu ɓe kaɓɓida alkawal joonne jam e laamiiɗo mo hoore fuɗo. O ettan suka makko debbo o hokka laamiiɗo mo hoore fuɗo on ɓaŋa gam o heɓa no o halkirta leydi laamiiɗo on. Amma dabare ne o fukkini ɗon waɗataako. 18Ɓaawo mum, o yahan o haɓa e leyɗe jooɗiiɗe der dunɗe, o jaaloo ɗuuɗɗe majje. Amma soogeeru mawnu gom heennyan mawnitaare makko faa o tampa wattaago ko soogeeru nun waɗani mo. 19Den mum, o wittan der leydi makko gam o suuɗoo der wanŋarɗe mahanaaɗe biriniiji Amma o yanan o maaya. Goɗɗo yi'ataa mo kade. 20Laamotooɗo e gurol makko lilaan nyaamoowo himɓe semme. Nyaamoowo himɓe semme on waran der nokkuure ɓurune wooɗugo der leydi nin, o doola himɓe mayre yoɓugo ceede faada. Amma der balɗe seɗɗa, laamiiɗo oo ɗon bo warete. O warirtaake e mone. O warataake bo der konu.
21Laamotooɗo e gurol makko laatoto neɗɗo mo walaa tedduŋal. O woodaa laawol ronugo laamaare. O waran wakkati himɓe jooɗii e deƴƴere, o jammoo ɓe, o teeta laamaare nen. 22O jaaloto soogeeji ɗuuɗɗi garuɗi haɓugo e makko. O naman ɗi ɗi fu. O waran du ardiiɗo lenyol ŋol Alla haɓɓani alkawal. 23O haɓɓontiran alkawal e himɓe, den o yanta oo jammoo ɓe. Semme laamaare makko yahan e ɓeydoo baa no himɓe seɗɗa tan nun tokki mo. 24Wakkati himɓe jooɗii e deƴƴere, o yahan nokkuuje to nafa rimata sanne der leydi nin, o waɗa ton ko baabiraaɓe makko, e maamiraaɓe makko waɗayno daɗey. O teetan jawdi himɓe, e keɓal mum, den o seennana ni tokkuɓe mo. O fukkinan dabareeji no o yantirta wanŋarɗe mahanaaɗe biriniiji Amma wakkati seɗɗa tan nun o waɗata ɗum.
25O ettan soogeeji ɗuuɗɗi, o yaha haɓoygo e laamiiɗo mo hoore fuɗo gam sabbu oo hoolii semme makko, e cuusal makko. Laamiiɗo mo hoore fuɗo on bo ettan soogeeji semmenteeji, ɗuuɗɗi sanne, gam haɓugo e makko. Amma laamiiɗo mo hoore fuɗo on jaalataako mo gam sabbu himɓe fukkinanan laamiiɗo mo hoore fuɗo on jamma. 26Himɓe makko, nyaamidooɓe e makko nun jammotoo mo. Soogeeji makko heɓataa jaalorgal. Ɗuuɗɗi majji warete der konu ŋun. 27Laamiiɓe ɗiɗo ɓen jooɗoto nokkuure woore gam nyaama. Amma moy fu suuɗanan banniraawo mum jamma wakkati ɓe nyaamata ɗon. Moy fu fewanan banniraawo mum. Amma haala ka ɓe desi ɗon fu waɗataako gam wakkati timmoode yottaaki taw. 28Laamiiɗo mo soɓɓiire hootan leydi mum e jawdi ɗuunni. To oo hoota leydi makko, o yaalan o haɓa e lenyol ŋol Alla haɓɓani alkawal. Ɓaawo mum, o hootan leydi makko.
29To wakkati desaaki yottake, laamiiɗo mo soɓɓiire waran kade haɓa e laamiiɗo mo hoore fuɗo. Amma wakkati kii ɗon kan, o jaalataako hande no o jaalorinoo arande. 30Himɓe ummoto diga leydi Kitimu e laanaaji diyam, wara haɓa e makko. O hulan sanne, den o wonƴitoo o hoota. Mone waɗan mo sanne den o ummanoo lenyol ŋol Alla haɓɓani alkawal. O weldan e firtuɓe alkawal ŋal Alla haɓɓidi e himɓe mum. 31O lilan soogeeji yaha soɓina suudu Joomiraawo. Ɗi kaɗan himɓe waɗugo ɗon kiiseteeɗi ɗi Alla waɗantee nyalaane fu. Ɗi tiggan ɗon tooruure haramune, fooɗanoore himɓe halkere. 32O jammorto himɓe e haalaaji belɗi faa ɓe pirta alkawal ŋal Alla haɓɓani ɓe. Amma takkiiɓe Alla fu woodan darande semmiɗinne, e cuusal. 33Der maɓɓe, wooduɓe faamu ekkitinan himɓe ɗuuɓɓe. Amma der wakkati seɗɗa, woɓɓe maɓɓe warete der konu, woɓɓe bo faɗɗee der yiite, woɓɓe bo nanŋee maccuŋaaku, woɓɓe bo jawdi mum teetee. 34Wakkati ɓe tooretee ɗon, ɓe keɓataa ballal manŋal, gam himɓe ɗuuɓɓe yahooɓe walloygo ɓe fu waɗiran ɗum nun e munaafitaare. 35Wooduɓe faamu der maɓɓe, ɗuuɓɓe mum warete. Maaydere maɓɓe laaɓinan himɓe pay pay. Maaydere maɓɓe nen laaɓinan himɓe faa wakkati timmoode waɗa. Ɗum waɗan to wakkati timmoode yottake.
36Laamiiɗo mo soɓɓiire on waɗan ko yiɗi fu. O mawnitinto. O wi'an oo ɓuri tooruuje fu. O yennan Alla ɓuruɗo tooruuje fu. Ko o waɗata fu yahan yeeso faa nyanne mone Alla yowii dow hoore makko, gam Alla hebbinan ko wi'unoo waɗan. 37Laamiiɗo on saafataa tooruuje ɗe kookiraaɓe mum saafannoo. O saafataa tooruure ne rewɓe ɓuri yiɗugo. O saafataa baa woore mum. O wi'an oo ɓuri ɗe ɗe fu. 38Amma o saafan tooruure deenoore wanŋarɗe mahanaaɗe biriniiji ne kookiraaɓe makko annaano. O waddanan ne kanŋeeri, e cardi, e kaaƴe ɗe ceede, e kujje feere feere ɗe ceede. 39Tooruure hoɗere ne o saafata nen accan o haɓa e wanŋarɗe mahanaaɗe biriniiji O mawninan saafooɓe ne fu. O laatinan ɓe ardiiɓe jama'aare ɗuunne. O seennanan ɓe leydi, ni laatoo joddi maɓɓe.
40To wakkati timmoode yottake, laamiiɗo mo hoore fuɗo ummanto laamiiɗo mo soɓɓiire on. Amma laamiiɗo mo soɓɓiire on ummanto laamiiɗo mo hoore fuɗo e laanaaji pucci konu, e waɗɗotooɓe pucci, e laanaaji diyam ɗuuɗɗi. Laamiiɗo mo soɓɓiire on naatan der leyɗe fu. O ƴartoto keerol majje hande gooruwol kebbuŋol faa ƴartii powte mum. 41O ummanto leydi ɓuruni leyɗe fu wooɗugo. O waran himɓe ɗuuɓɓe. Amma Edominkeeɓe, e Mo'abinkeeɓe, e ardiiɓe Ammoninkeeɓe kan daɗan mo. 42O jaaloto leyɗe fu, den o laamanoo ɗe. Baa leydi Misira daɗataa mo. 43O teetan kanŋeeri leydi Misira, e cardi mum, e kujje mum ɗe ceede fu. Himɓe Libiya, e ɓe Kusi jagganto mo. 44Amma o nanan habaru ƴiwoyŋu diga far to lettugal, e far to soɓɓiire. O hulan sanne, den o ummoo e mone mawne, o yaha o wara himɓe ɗuuɓɓe. 45O tiggan bukaaji laamu makko hakkune maayo e waanne seniine gonune der leydi ɓuruni leyɗe fu wooɗugo. Ɗon nun maaydere juhata mo. Walaa balloowo mo.
Currently Selected:
Daniyel 11: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Daniyel 11
11
1Min e hoore am, mi walliino Miseeli on, cemmiɗin moo mi der laamaare Dariyusu Mediyankeejo duuɓol mum arandewol.
Hawre laamiiɓe
2Jooni, nani ɗo haala gooŋaha ka batan maa mi:
Laamiiɓe tato gom hokkontiran laamaare der leydi Peresiya. Ɓaawo maɓɓe, laamiiɗo nayaɓo laamoto. O ɓuran laamiiɓe artuɓe mo laamaago jawdi sanne. Jawdi makko nin accan laamaare makko waɗa semme sanne. To o waɗii semme o heennyii, o ummanto laamiiɗo Yunaninkeeɓe. 3Amma laamiiɗo cuusuɗo gom laamanto Yunaninkeeɓe. Laamaare makko waɗan semme sanne, den o waɗa ko o yiɗi fu. 4Wakkati laamaare makko waɗi semme, ne yanan, ne seenna geɓe naay. Woore wonoo far to lettugal, woore far to gorgal, woore far to soɓɓiire, woore bo far to hoore fuɗo. Ɓiɓɓe makko bane laamotoo e gurol makko. Himɓe feereeɓe nun laamotoo e gurol makko to ne seennii. Amma laamaare maɓɓe fotataa laamaare makko semme.
5Laamiiɗo mo far to hoore fuɗo waɗan semme sanne. Amma doogariiɓe makko gooto mum ɓuran mo semme. Laamaare doogariijo on ɓuran laamaare makko semme. 6Ɓaawo duuɓi ɗuuɗɗi, laamiiɗo mo hoore fuɗo haɓɓontiran alkawal joonne jam e laamiiɗo mo soɓɓiire. Laamiiɗo mo soɓɓiire ɓaŋan suka laamiiɗo mo hoore fuɗo on gam tabbitiningo alkawal maɓɓe ŋal. Amma baawɗe debbo ɓaŋaaɗo on heennyan. Himɓe waran gorko makko, e suka makko. Wakkati mum, kanko bo, ɓe baran mo kanko e baaba makko, e wallooɓe mo. 7Mo lenyol debbo on laamoto e gurol baaba mum. Joomum yantan soogeeji laamiiɗo mo far to soɓɓiire der wanŋarɗe majji mahanaaɗe biriniiji O yantan soogeeji laamiiɗo mo soɓɓiire on, o jaaloo ɗi. 8O ettan tooruuje maɓɓe, e tooruuje maɓɓe gaɗiraaɗe e janni taayinaani, e kujje maɓɓe gaɗiraaɗe e cardi, e kanŋeeri, o hoora leydi Misira. O accan haɓugo e laamiiɗo mo soɓɓiire faa duuɓi ɗuuɗɗi. 9Ɓaawo mum, laamiiɗo mo soɓɓiire on yahan leydi laamiiɗo mo hoore fuɗo, den haɓa e makko. Ɓaawo mum, o woƴƴitoo o hoota e leydi makko.
10Sukaaɓe makko waɗan siri haɓoygo konu. Ɓe kawritan soogeeji ɗuuɗɗi. Gooto maɓɓe e soogeeji mum yahan haɓoygo konu. Ɓe ƴartoto keerol leydi maɓɓe hande gooruwol kebbuŋol faa ƴartii powte mum. To ɓee garta, ɓe jantan wanŋarde laamiiɗo mo hoore fuɗo mahanaane biriniwol cemmiɗinŋol. 11Mone waɗan laamiiɗo mo hoore fuɗo, den o yaha haɓoygo e laamiiɗo mo soɓɓiire. Laamiiɗo mo soɓɓiire on hawritan soogeeji ɗuuɗɗi, amma laamiiɗo mo hoore fuɗo on waran ɗi. 12Laamiiɗo mo hoore fuɗo on mawnitinto gam sabbu soogeeji ɗuuɗɗi ɗi wari. Amma enon fu, o jaalataako laamiiɗo mo soɓɓiire on. 13Laamiiɗo mo soɓɓiire on hawritan soogeeji goɗɗi ɓuruɗi arandeeji ɗuuɗugo. Ɓaawo duuɓi seɗɗa, o ettan soogeeji ɗin, e gineeji kaɓirɗi semmenteeji, o yaha o haɓa e laamiiɗo mo hoore fuɗo on. 14Wakkati mum, himɓe ɗuuɓɓe ummanto laamiiɗo mo hoore fuɗo on. An Daniyel, baa himɓe laatiiɓe halluɓe der lenyol maa ummanto mo gam haala jiiki kii ɗo hebba. Amma ɓe jaalataako. 15Laamiiɗo mo soɓɓiire waɗan tintimiije gam naata der wanŋarde laamiiɗo mo hoore fuɗo mahanaane biriniwol den o jaaloo ne. Baa no soogeeji laamiiɗo mo hoore fuɗo woodiri semme fu, ɗi baawataa saloraago ko'e majji. Ɗi galaa semme ne ɗi daɗinirta ko'e majji. 16Laamiiɗo mo soɓɓiire waran waɗa ko yiɗi fu der leydi laamiiɗo mo hoore fuɗo. Goɗɗo waawataa haɗa mo ko o yiɗi waɗugo. To oo warta o jooɗoto der leydi ɓuruni wooɗugo den o halka ko o yi'i ɗon fu. 17O yesan ɓe jaha kanko e soogeeji makko fu ɓe kaɓɓida alkawal joonne jam e laamiiɗo mo hoore fuɗo. O ettan suka makko debbo o hokka laamiiɗo mo hoore fuɗo on ɓaŋa gam o heɓa no o halkirta leydi laamiiɗo on. Amma dabare ne o fukkini ɗon waɗataako. 18Ɓaawo mum, o yahan o haɓa e leyɗe jooɗiiɗe der dunɗe, o jaaloo ɗuuɗɗe majje. Amma soogeeru mawnu gom heennyan mawnitaare makko faa o tampa wattaago ko soogeeru nun waɗani mo. 19Den mum, o wittan der leydi makko gam o suuɗoo der wanŋarɗe mahanaaɗe biriniiji Amma o yanan o maaya. Goɗɗo yi'ataa mo kade. 20Laamotooɗo e gurol makko lilaan nyaamoowo himɓe semme. Nyaamoowo himɓe semme on waran der nokkuure ɓurune wooɗugo der leydi nin, o doola himɓe mayre yoɓugo ceede faada. Amma der balɗe seɗɗa, laamiiɗo oo ɗon bo warete. O warirtaake e mone. O warataake bo der konu.
21Laamotooɗo e gurol makko laatoto neɗɗo mo walaa tedduŋal. O woodaa laawol ronugo laamaare. O waran wakkati himɓe jooɗii e deƴƴere, o jammoo ɓe, o teeta laamaare nen. 22O jaaloto soogeeji ɗuuɗɗi garuɗi haɓugo e makko. O naman ɗi ɗi fu. O waran du ardiiɗo lenyol ŋol Alla haɓɓani alkawal. 23O haɓɓontiran alkawal e himɓe, den o yanta oo jammoo ɓe. Semme laamaare makko yahan e ɓeydoo baa no himɓe seɗɗa tan nun tokki mo. 24Wakkati himɓe jooɗii e deƴƴere, o yahan nokkuuje to nafa rimata sanne der leydi nin, o waɗa ton ko baabiraaɓe makko, e maamiraaɓe makko waɗayno daɗey. O teetan jawdi himɓe, e keɓal mum, den o seennana ni tokkuɓe mo. O fukkinan dabareeji no o yantirta wanŋarɗe mahanaaɗe biriniiji Amma wakkati seɗɗa tan nun o waɗata ɗum.
25O ettan soogeeji ɗuuɗɗi, o yaha haɓoygo e laamiiɗo mo hoore fuɗo gam sabbu oo hoolii semme makko, e cuusal makko. Laamiiɗo mo hoore fuɗo on bo ettan soogeeji semmenteeji, ɗuuɗɗi sanne, gam haɓugo e makko. Amma laamiiɗo mo hoore fuɗo on jaalataako mo gam sabbu himɓe fukkinanan laamiiɗo mo hoore fuɗo on jamma. 26Himɓe makko, nyaamidooɓe e makko nun jammotoo mo. Soogeeji makko heɓataa jaalorgal. Ɗuuɗɗi majji warete der konu ŋun. 27Laamiiɓe ɗiɗo ɓen jooɗoto nokkuure woore gam nyaama. Amma moy fu suuɗanan banniraawo mum jamma wakkati ɓe nyaamata ɗon. Moy fu fewanan banniraawo mum. Amma haala ka ɓe desi ɗon fu waɗataako gam wakkati timmoode yottaaki taw. 28Laamiiɗo mo soɓɓiire hootan leydi mum e jawdi ɗuunni. To oo hoota leydi makko, o yaalan o haɓa e lenyol ŋol Alla haɓɓani alkawal. Ɓaawo mum, o hootan leydi makko.
29To wakkati desaaki yottake, laamiiɗo mo soɓɓiire waran kade haɓa e laamiiɗo mo hoore fuɗo. Amma wakkati kii ɗon kan, o jaalataako hande no o jaalorinoo arande. 30Himɓe ummoto diga leydi Kitimu e laanaaji diyam, wara haɓa e makko. O hulan sanne, den o wonƴitoo o hoota. Mone waɗan mo sanne den o ummanoo lenyol ŋol Alla haɓɓani alkawal. O weldan e firtuɓe alkawal ŋal Alla haɓɓidi e himɓe mum. 31O lilan soogeeji yaha soɓina suudu Joomiraawo. Ɗi kaɗan himɓe waɗugo ɗon kiiseteeɗi ɗi Alla waɗantee nyalaane fu. Ɗi tiggan ɗon tooruure haramune, fooɗanoore himɓe halkere. 32O jammorto himɓe e haalaaji belɗi faa ɓe pirta alkawal ŋal Alla haɓɓani ɓe. Amma takkiiɓe Alla fu woodan darande semmiɗinne, e cuusal. 33Der maɓɓe, wooduɓe faamu ekkitinan himɓe ɗuuɓɓe. Amma der wakkati seɗɗa, woɓɓe maɓɓe warete der konu, woɓɓe bo faɗɗee der yiite, woɓɓe bo nanŋee maccuŋaaku, woɓɓe bo jawdi mum teetee. 34Wakkati ɓe tooretee ɗon, ɓe keɓataa ballal manŋal, gam himɓe ɗuuɓɓe yahooɓe walloygo ɓe fu waɗiran ɗum nun e munaafitaare. 35Wooduɓe faamu der maɓɓe, ɗuuɓɓe mum warete. Maaydere maɓɓe laaɓinan himɓe pay pay. Maaydere maɓɓe nen laaɓinan himɓe faa wakkati timmoode waɗa. Ɗum waɗan to wakkati timmoode yottake.
36Laamiiɗo mo soɓɓiire on waɗan ko yiɗi fu. O mawnitinto. O wi'an oo ɓuri tooruuje fu. O yennan Alla ɓuruɗo tooruuje fu. Ko o waɗata fu yahan yeeso faa nyanne mone Alla yowii dow hoore makko, gam Alla hebbinan ko wi'unoo waɗan. 37Laamiiɗo on saafataa tooruuje ɗe kookiraaɓe mum saafannoo. O saafataa tooruure ne rewɓe ɓuri yiɗugo. O saafataa baa woore mum. O wi'an oo ɓuri ɗe ɗe fu. 38Amma o saafan tooruure deenoore wanŋarɗe mahanaaɗe biriniiji ne kookiraaɓe makko annaano. O waddanan ne kanŋeeri, e cardi, e kaaƴe ɗe ceede, e kujje feere feere ɗe ceede. 39Tooruure hoɗere ne o saafata nen accan o haɓa e wanŋarɗe mahanaaɗe biriniiji O mawninan saafooɓe ne fu. O laatinan ɓe ardiiɓe jama'aare ɗuunne. O seennanan ɓe leydi, ni laatoo joddi maɓɓe.
40To wakkati timmoode yottake, laamiiɗo mo hoore fuɗo ummanto laamiiɗo mo soɓɓiire on. Amma laamiiɗo mo soɓɓiire on ummanto laamiiɗo mo hoore fuɗo e laanaaji pucci konu, e waɗɗotooɓe pucci, e laanaaji diyam ɗuuɗɗi. Laamiiɗo mo soɓɓiire on naatan der leyɗe fu. O ƴartoto keerol majje hande gooruwol kebbuŋol faa ƴartii powte mum. 41O ummanto leydi ɓuruni leyɗe fu wooɗugo. O waran himɓe ɗuuɓɓe. Amma Edominkeeɓe, e Mo'abinkeeɓe, e ardiiɓe Ammoninkeeɓe kan daɗan mo. 42O jaaloto leyɗe fu, den o laamanoo ɗe. Baa leydi Misira daɗataa mo. 43O teetan kanŋeeri leydi Misira, e cardi mum, e kujje mum ɗe ceede fu. Himɓe Libiya, e ɓe Kusi jagganto mo. 44Amma o nanan habaru ƴiwoyŋu diga far to lettugal, e far to soɓɓiire. O hulan sanne, den o ummoo e mone mawne, o yaha o wara himɓe ɗuuɓɓe. 45O tiggan bukaaji laamu makko hakkune maayo e waanne seniine gonune der leydi ɓuruni leyɗe fu wooɗugo. Ɗon nun maaydere juhata mo. Walaa balloowo mo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.