Golle Lilaaɓe 9
9
No Sol tuubiri
1Wakkati mum Sol accay wi'ugo tooran aahiiɓe Joomiraawo, wara ɓe. O yahi to hooreejo *Liimaamiiɓe, 2o eeli mo o winnana mawɓe juulirɗe Damasi ɗereeji, gam to o tawii tokkuɓe laawol Joomiraawo ton, worɓe naa bo rewɓe, o nanŋa ɓe, o haɓɓa, o yaara *Urusaliima.
3No o yahata, o ɓattii Damasi, ɗon de woore jayŋol ƴiwi dow kammu filfitii mo. 4O yani e leydi, go o nani daane gom e wi'a mo: «Sol, Sol, gam ume ko aa toorammi?» 5O ƴami: «An nun moy, Joomiraawo?» Go o toontaa: «Min nun, Yeesu mo toorataa. 6Amma, umma naatu der siire, a batete ko haani gaɗaa.»
7Worɓe yaadooɓe e makko, nani daane nen, amma ɓe ji'ay goɗɗo go ɓee gonii ɗon, ɓee jeeɗii. 8Sol ummii e fattini gite, amma o yi'ataa bo goɗɗum. Den o jogaa juunŋo o yaaraa Damasi. 9O waɗi balɗe tati o yi'ataa, o nyaamay, o yaray.
10Goonɗinɗo bi'eteeɗo Ananiyasi e wonnoo Damasi. Joomiraawo baddi mo der koyɗool, wi'i mo: «Ananiyasi!» O toontii, o wi'i: «Mi nani Joomiraawo.» 11Joomiraawo wi'i mo: «Umma, yahu tokku laawol bi'eteeŋol Laawol Poonnitiiŋol, naataa wuro Yahuuda, ƴamanaa gorko bi'eteeɗo Sol, mo Tarsusu, o na'on du'oo. 12O yi'i der koyɗool gorko bi'eteeɗo Ananiyasi e naati, yowi juuɗe mum dow makko, heɓa o wumta.» 13Ananiyasi toontii, wi'i: «Joomiraawo, himɓe ɗuuɓɓe batanii am habaru gorko on e tooraaji ɗuuɗɗi ɗi o toori seniiɓe wonɓe *Urusaliima. 14O wardii ɗo e ɗereeji hooreeɓe *Liimaamiiɓe, gam o happa noddooɓe inne maa fu.» 15Joomiraawo wi'i mo: «Yahu, gam gorko on laati nun gollirɗum ɗum cuɓumi gam o annina lenyi janani e laamiiɓe, e ɓiɓɓe Isira'iila inne am. 16Mi hollan mo min e hoore am no o tooroto gam inne am.»
17Den, Ananiyasi yahi, naatoy suudu ŋol, yowi mo juuɗe muuɗum, wi'i: «Banniraawo am Sol, Yeesu Joomiraawo birnitaniiɗo maa dow laawol ŋol tokkoyɗaa, liloy am gam bumtaa, keewaa Ruuhu Ceniiɗo.» 18Ɗon nun de woore goɗɗum hande koɓitaaje yani diga e gite Sol, o wumti, o ummii, o waɗanaa *batisi. 19No o nyaami, go semme makko wittoy.
O jooɗodii e goonɗinɓe wonɓe Damasi balɗe seɗɗa.
Sol e waajoo der Damasi
20Ɗon maa ɗon o fuɗɗi waajaago haala Yeesu der baajorɗe, oo wi'a: «Yeesu woni lalley Ɓii Alla.» 21Haaynaare nanŋi hettinaniiɓe mo fu, ɓee bi'a: «Kanko bane wonnoo e halka noddooɓe inne Yeesu wonɓe der *Urusaliima na? Hinaa gam o happa ɓe o yaara to hooreeɓe *Liimaamiiɓe waddi mo ɗo na?»
22Semme waaji Sol e ɓeydoo, faa *Yahuduuɓe wonɓe Damasi fu waaway yeddugo haala makko, o laaɓinani ɓe Yeesu woni *Almasiihu.
23No balɗe ɗuuɗɗe yawti *Yahuduuɓe dawri ɓe bara Sol. 24Sol anniti dabare maɓɓe. Jemma e nyalooma ɓee deeni dammuɗe wanŋarde nen, gam ɓe keɓa ɓe bara mo to oo wurtoo. 25Jemmaare gom goonɗinɓe etti Sol, watti e killaal, haɓɓi e ɓoggol, ƴartini biriniwol piiliiŋol wanŋarde nen.
Sol der *Urusaliima
26No Sol yottii *Urusaliima, o yiɗi hawtugo e goonɗinɓe Yeesu, amma ɓe fu ɓe kuli mo, ɓe koolaaki naa e gooŋa o laatake aahiijo Yeesu. 27Den Barnabasi hocci mo, yaari mo to lilaaɓe, o bati ɓe no Sol yi'iri Joomiraawo e badda e mum dow laawol, e no o waajorii haala Yeesu der Damasi e cuusal. 28Ɓaawo mum Sol wondi e maɓɓe, oo woosodoo e maɓɓe der *Urusaliima, oo waajoo haala Joomiraawo e cuusal. 29Kade, oo badda e *Yahuduuɓe batooɓe yunaninkeere, oo yeddontira e maɓɓe, amma kamɓe ɓee daarta warugo mo. 30No banniraaɓe makko nani ka, ɓe jaari mo Kaysariya, go ɓe jawtini mo Tarsusu.
31Den eklesiya heɓi jam der Yahudiya, e Galili, e Samariya fu. Ka semmiɗi, kaa yaha der kulol Joomiraawo, kaa ɓeydoo ɗuuɗugo gam sabbu ballal Ruuhu Ceniiɗo.
Nyawtugo Ayneyasi
32Piyer e woositoo der leydi nii fu, go o yahi daaroygo himɓe Alla wonɓe Lidda. 33O tawi ton gorko nyawɗo mo ɓannu muuɗum fu waati, bi'eteeɗo Ayneyasi. Ɗum waɗii duuɓi jeetati oo fukkii. 34Piyer wi'i mo: «Ayneyasi, Yeesu *Almasiihu nyawtii maa! Umma, taggu daago maa!»
Ɗon maa ɗon o ummii. 35Wonɓe siire Lidda e weccoore leydi Saron fu yi'i ɗum, tuubi, goonɗini Joomiraawo.
Dorkasi fintinaama
36Der siire Yoppe, e woodunoo debbo goonɗinɗo bi'eteeɗo Tabita. (E yunaninkeere ɗum wi'ay maa Dorkasi, waato Taakawre.) Oo waɗa golleeji ɗuuɗɗi booɗɗi, oo walla talkaaɓe sanne. 37Der balɗe ɗen o yontaa, o maayi, go o lootaa, o fukkinaa der suudu dowrowol. 38Lidda woɗɗidaa e Yoppe. Goonɗinɓe nani Piyer na'on ton, ɓe lili worɓe ɗiɗo to makko ɓe eela mo o wara lallaw. 39Piyer ummii, yaadi e maɓɓe law. No o yottii, ɓe eencini mo suudu dowrowol. Rewɓe gowniiɓe fu wari to makko e wulla e holla mo gineeji e jabbaaje ɗe Dorkasi nyo'unoo wakkati o wuurunoo. 40Piyer wurtini himɓe fu, diccii, du'ii. Den o wonƴitii o daari maayɗo on, o wi'i: «Tabita, umma!»
Tabita omti gite muuɗum, yi'i Piyer, ummii jooɗii. 41Piyer nanŋi juunŋo makko, ummini mo. Ɓaawo majjum o noddi goonɗinɓe e gowniiɓe, o holli ɓe Tabita, mo o fintini. 42Ka sankitii der Yoppe fu, ɗuuɓɓe goonɗini Joomiraawo. 43Piyer waɗi balɗe der Yoppe der wuro kunkunɗo bi'eteeɗo Simon.
Currently Selected:
Golle Lilaaɓe 9: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Golle Lilaaɓe 9
9
No Sol tuubiri
1Wakkati mum Sol accay wi'ugo tooran aahiiɓe Joomiraawo, wara ɓe. O yahi to hooreejo *Liimaamiiɓe, 2o eeli mo o winnana mawɓe juulirɗe Damasi ɗereeji, gam to o tawii tokkuɓe laawol Joomiraawo ton, worɓe naa bo rewɓe, o nanŋa ɓe, o haɓɓa, o yaara *Urusaliima.
3No o yahata, o ɓattii Damasi, ɗon de woore jayŋol ƴiwi dow kammu filfitii mo. 4O yani e leydi, go o nani daane gom e wi'a mo: «Sol, Sol, gam ume ko aa toorammi?» 5O ƴami: «An nun moy, Joomiraawo?» Go o toontaa: «Min nun, Yeesu mo toorataa. 6Amma, umma naatu der siire, a batete ko haani gaɗaa.»
7Worɓe yaadooɓe e makko, nani daane nen, amma ɓe ji'ay goɗɗo go ɓee gonii ɗon, ɓee jeeɗii. 8Sol ummii e fattini gite, amma o yi'ataa bo goɗɗum. Den o jogaa juunŋo o yaaraa Damasi. 9O waɗi balɗe tati o yi'ataa, o nyaamay, o yaray.
10Goonɗinɗo bi'eteeɗo Ananiyasi e wonnoo Damasi. Joomiraawo baddi mo der koyɗool, wi'i mo: «Ananiyasi!» O toontii, o wi'i: «Mi nani Joomiraawo.» 11Joomiraawo wi'i mo: «Umma, yahu tokku laawol bi'eteeŋol Laawol Poonnitiiŋol, naataa wuro Yahuuda, ƴamanaa gorko bi'eteeɗo Sol, mo Tarsusu, o na'on du'oo. 12O yi'i der koyɗool gorko bi'eteeɗo Ananiyasi e naati, yowi juuɗe mum dow makko, heɓa o wumta.» 13Ananiyasi toontii, wi'i: «Joomiraawo, himɓe ɗuuɓɓe batanii am habaru gorko on e tooraaji ɗuuɗɗi ɗi o toori seniiɓe wonɓe *Urusaliima. 14O wardii ɗo e ɗereeji hooreeɓe *Liimaamiiɓe, gam o happa noddooɓe inne maa fu.» 15Joomiraawo wi'i mo: «Yahu, gam gorko on laati nun gollirɗum ɗum cuɓumi gam o annina lenyi janani e laamiiɓe, e ɓiɓɓe Isira'iila inne am. 16Mi hollan mo min e hoore am no o tooroto gam inne am.»
17Den, Ananiyasi yahi, naatoy suudu ŋol, yowi mo juuɗe muuɗum, wi'i: «Banniraawo am Sol, Yeesu Joomiraawo birnitaniiɗo maa dow laawol ŋol tokkoyɗaa, liloy am gam bumtaa, keewaa Ruuhu Ceniiɗo.» 18Ɗon nun de woore goɗɗum hande koɓitaaje yani diga e gite Sol, o wumti, o ummii, o waɗanaa *batisi. 19No o nyaami, go semme makko wittoy.
O jooɗodii e goonɗinɓe wonɓe Damasi balɗe seɗɗa.
Sol e waajoo der Damasi
20Ɗon maa ɗon o fuɗɗi waajaago haala Yeesu der baajorɗe, oo wi'a: «Yeesu woni lalley Ɓii Alla.» 21Haaynaare nanŋi hettinaniiɓe mo fu, ɓee bi'a: «Kanko bane wonnoo e halka noddooɓe inne Yeesu wonɓe der *Urusaliima na? Hinaa gam o happa ɓe o yaara to hooreeɓe *Liimaamiiɓe waddi mo ɗo na?»
22Semme waaji Sol e ɓeydoo, faa *Yahuduuɓe wonɓe Damasi fu waaway yeddugo haala makko, o laaɓinani ɓe Yeesu woni *Almasiihu.
23No balɗe ɗuuɗɗe yawti *Yahuduuɓe dawri ɓe bara Sol. 24Sol anniti dabare maɓɓe. Jemma e nyalooma ɓee deeni dammuɗe wanŋarde nen, gam ɓe keɓa ɓe bara mo to oo wurtoo. 25Jemmaare gom goonɗinɓe etti Sol, watti e killaal, haɓɓi e ɓoggol, ƴartini biriniwol piiliiŋol wanŋarde nen.
Sol der *Urusaliima
26No Sol yottii *Urusaliima, o yiɗi hawtugo e goonɗinɓe Yeesu, amma ɓe fu ɓe kuli mo, ɓe koolaaki naa e gooŋa o laatake aahiijo Yeesu. 27Den Barnabasi hocci mo, yaari mo to lilaaɓe, o bati ɓe no Sol yi'iri Joomiraawo e badda e mum dow laawol, e no o waajorii haala Yeesu der Damasi e cuusal. 28Ɓaawo mum Sol wondi e maɓɓe, oo woosodoo e maɓɓe der *Urusaliima, oo waajoo haala Joomiraawo e cuusal. 29Kade, oo badda e *Yahuduuɓe batooɓe yunaninkeere, oo yeddontira e maɓɓe, amma kamɓe ɓee daarta warugo mo. 30No banniraaɓe makko nani ka, ɓe jaari mo Kaysariya, go ɓe jawtini mo Tarsusu.
31Den eklesiya heɓi jam der Yahudiya, e Galili, e Samariya fu. Ka semmiɗi, kaa yaha der kulol Joomiraawo, kaa ɓeydoo ɗuuɗugo gam sabbu ballal Ruuhu Ceniiɗo.
Nyawtugo Ayneyasi
32Piyer e woositoo der leydi nii fu, go o yahi daaroygo himɓe Alla wonɓe Lidda. 33O tawi ton gorko nyawɗo mo ɓannu muuɗum fu waati, bi'eteeɗo Ayneyasi. Ɗum waɗii duuɓi jeetati oo fukkii. 34Piyer wi'i mo: «Ayneyasi, Yeesu *Almasiihu nyawtii maa! Umma, taggu daago maa!»
Ɗon maa ɗon o ummii. 35Wonɓe siire Lidda e weccoore leydi Saron fu yi'i ɗum, tuubi, goonɗini Joomiraawo.
Dorkasi fintinaama
36Der siire Yoppe, e woodunoo debbo goonɗinɗo bi'eteeɗo Tabita. (E yunaninkeere ɗum wi'ay maa Dorkasi, waato Taakawre.) Oo waɗa golleeji ɗuuɗɗi booɗɗi, oo walla talkaaɓe sanne. 37Der balɗe ɗen o yontaa, o maayi, go o lootaa, o fukkinaa der suudu dowrowol. 38Lidda woɗɗidaa e Yoppe. Goonɗinɓe nani Piyer na'on ton, ɓe lili worɓe ɗiɗo to makko ɓe eela mo o wara lallaw. 39Piyer ummii, yaadi e maɓɓe law. No o yottii, ɓe eencini mo suudu dowrowol. Rewɓe gowniiɓe fu wari to makko e wulla e holla mo gineeji e jabbaaje ɗe Dorkasi nyo'unoo wakkati o wuurunoo. 40Piyer wurtini himɓe fu, diccii, du'ii. Den o wonƴitii o daari maayɗo on, o wi'i: «Tabita, umma!»
Tabita omti gite muuɗum, yi'i Piyer, ummii jooɗii. 41Piyer nanŋi juunŋo makko, ummini mo. Ɓaawo majjum o noddi goonɗinɓe e gowniiɓe, o holli ɓe Tabita, mo o fintini. 42Ka sankitii der Yoppe fu, ɗuuɓɓe goonɗini Joomiraawo. 43Piyer waɗi balɗe der Yoppe der wuro kunkunɗo bi'eteeɗo Simon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.