Golle Lilaaɓe 10
10
No Korney tuubiri
1Gorko bi'eteeɗo Korney e wonnoo Kaysariya. O laati nun mawɗo waalde konunkeeɓe bi'eteene Italiire. 2O laati nun kulɗo Alla, kanko e himɓe wuro makko fu ɓee cujidana Alla. Oo sakka *Yahuduuɓe sadakaaji ɗuuɗɗi, oo du'oo wakkati fu. 3Kiikiiɗeere gom wakkati janni tati, o yi'i der jiiki, malaykaajo Alla naati der suudu makko, wi'i mo: «Korney!» 4O tiggi mo gite gam sabbu kulol, o wi'i: «Joomiraawo, ume nun?» Malaykaajo on wi'i mo: «Alla jaɓii du'aaje maa e sadakaaji maa, o yeggitanay maa bo. 5Jooni lilu himɓe faa siire Yoppe, ɓe noddanee bi'eteeɗo Simon, innitirteeɗo Piyer. 6O na'on weeri wuro kunkunɗo bi'eteeɗo Simon, mo wuro muuɗum woni takkol maayo.»
7No malaykaajo baddanɗo mo on yawti, o noddi jaggiiɓe makko ɗiɗo, e soogeeru wooru kulnu Alla, ɓurunu takkaago mo. 8O fillanii ɓe ko malaykaajo on wi'i fu, den o lili ɓe siire Yoppe.
9No weeti, ɓee gonii e laawol, ɓe paanii siire nen, tawi Piyer eencii dow suudu muuɗum caka nyalooma oo du'oo. 10Rafo waɗi mo go oo yiɗi nyaamugo. No ɓe gaɗanta mo nafa, Alla holli mo ko haayni. 11O yi'i kammu maɓɓitii, go huune nandune e wudere mawne, e haɓɓaa e gawarɗe mum naay e jippoo faa leydi. 12Der mayre e woodi bisaaji feere feereeji ɗi koyɗe naay, e ladooji, e pooli. 13Daane gom wi'i mo: «Piyer, umma, hiisu nyaamaa!» 14Piyer wi'i: «Aawo, Joomiraawo! Abada, mi nyaamay ko harmi, naa bo ko soɓi.» 15Daane nen wi'i mo kade: «Taa harmin ko Alla laaɓini.»
16Non ɗum waɗi faa laabi tati. Den wudere nen safaa dow kammu.
17Wakkati Piyer jiɓii, e ƴama hoore mum ko jiiki mum kin yiɗi wi'ugo, wakkati den himɓe ɓe Korney liloy ɓen, e ƴamana wuro Simon faa ɓe gari takkol dammugal. 18Ɓe noddi wonɓe ɗon, ɓe ƴami ɓe to ɗon nun Simon, noddeteeɗo Piyer weeri. 19No Piyer miijoto dow ko yi'i, Ruuhu wi'i mo: «Nani himɓe tato e daarte. 20Umma, jippa, jaadaa e maɓɓe taa waɗu seko, gam min nun liloy ɓe.» 21Piyer jippii, wi'i himɓe ɓen: «Mi nani, min woni mo daartoton. Ume waddi on?» 22Ɓe toonti ɓe bi'i: «Korney mawɗo waalde konunkeeɓe nun liloy men. Gorko on gooŋaajo nun, kulɗo Alla, mo lenyol *Yahuduuɓe fu seedantoo geeta. Malaykaajo ceniiɗo holli mo o waɗa men gara men nodde, garaa wuro makko, gam heɓa o nana waaju maa.» 23Piyer naanni ɓe, werni ɓe.
No weeti, o ummii, o yaadi e maɓɓe. Goonɗinɓe woɓɓe, tawaaɓe Yoppe yaadi e makko. 24No weetitii, ɓe jottii Kaysariya. Tawi Korney noddiino himɓe mum, e igooɓe mum ɓattiiɓe ɗum, e hettinii ɓe. 25No Piyer yottii, Korney taɓɓitoy mo, diccanii mo. 26Piyer bati mo, wi'i: «Umma, gam min bo mi tagaaɗo nun.»
27Piyer e badda e makko, faa ɓe naati e suudu, ɓe tawi ton himɓe ɗuuɓɓe e hawritii. 28O wi'i ɓe: «Oon anni laawol hokkay *Yahuduujo tokkontira mo laataaki *Yahuduujo, naa bo naatugo wuro muuɗum. Amma Alla hollii am to mi daaru goɗɗo coɓuɗo naa bo karmuɗo. 29Kan waɗi no lilanɗaa am, garumi, mi salaaki. Jooni, batee am, ko noddirɗon am.»
30Korney toontii, wi'i: «Hanne waɗi balɗe naay, mii du'oo der suudu am, jaka janni tati, ɗon maa ɗon, gorko mo gineeji jalbooji wari darii yeeso am, 31wi'immi: "Korney, Alla jaɓii du'aare maa, o yeggitanay sadakaaji maa. 32To non lilu goɗɗo der siire bi'eteene Yoppe, noddaneɗaa gorko bi'eteeɗo Simon, innitirteeɗo Piyer. O na'on weeri wuro kunkunɗo bi'eteeɗo Simon, mo wuro muuɗum woni takkol maayo." 33Kan waɗi lilumi law noddeɗaa. No garuɗaa, a wooɗinii sanne. Jooni men fu men nani yeeso Alla gam men kettinoo ko Joomiraawo batu maa baajoɗaa men.»
Waaji Piyer der wuro Korney
34Den Piyer fuɗɗi waajaago, wi'i: «Mi faamii e gooŋa Alla daaray maa himɓe fu gootum. 35Neɗɗo kulɗo mo, poonnitiiɗo, o yiɗan mo baa to lenyol ŋole nun o laatii. 36Alla lildoy ɓiɓɓe Isira'iila haala, o waajii ɓe habaru jam diga e Yeesu *Almasiihu, laatiiɗo Joomiraawo himɓe fu. 37Oon anni ko waɗii leydi Yahudiya fu, diga Galili ɗum fuɗɗi ɓaawo Yuhaana waajii himɓe waɗee *batisi. 38Oon anni no Alla suɓiri Yeesu Nasaratuujo, no o jippiniri Ruuhu Ceniiɗo dow makko, e no o hokkiri mo baawɗe. Oon anni bo no Yeesu woositorii nokkuuje fu e golla golle booɗɗe, e nyawta wonuɓe e jeyaagu Seyɗan fu gam Alla e wondi e makko. 39Menen men seedeeɓe ko o waɗi der leydi *Yahuduuɓe e der *Urusaliima fu. Ɓe ɓilii mo dow *leggal palaaŋal , ɓe bari mo. 40Amma Alla fintinii mo nyalaane tatawre, hokki mo baawɗe hollitingo men hoore makko. 41Himɓe fu bane o wirnitanii, amma menen laatiiɓe seedeeɓe ɓe Alla arti suɓugo. Menen nyaamduɓe e makko, yardi e makko ɓaawo pintol makko, nun o wirnitanii. 42O yowanii men men baajoo himɓe, men ceedoo kanko woni mo Alla waɗi hiitoo wuuruɓe e maayɓe. 43*Annabiiɓe fu batii haala makko, wi'i: "Goonɗinɗo mo fu heɓan yaafuye hakkeeji muuɗum sabbu inne makko".»
Lenyi janani heɓii Ruuhu Ceniiɗo
44No Piyer batata haalaaji ɗin, Ruuhu Ceniiɗo jippii dow nanooɓe waaji makko fu. 45Haaynaare waɗi *Yahuduuɓe goonɗinɓe, wardunooɓe e Piyer, no Alla waanjiri Ruuhu Ceniiɗo der lenyi janani bo. 46Gam eɓe nana himɓe ɓen e bata e ɗelle goɗɗe, e maanta Alla. Den Piyer bati, wi'i: 47«Himɓe ɓen heɓii Ruuhu Ceniiɗo hande no meeɗen. Moy waawata ko haɗi ɓe waɗeego *batisi e diyam?»
48O wi'i ɓe gaɗanee *batisi e inne Yeesu *Almasiihu. Ɓaawo mum, ɓe eeli mo o jooɗodoo e maɓɓe balɗe seɗɗa.
Currently Selected:
Golle Lilaaɓe 10: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Golle Lilaaɓe 10
10
No Korney tuubiri
1Gorko bi'eteeɗo Korney e wonnoo Kaysariya. O laati nun mawɗo waalde konunkeeɓe bi'eteene Italiire. 2O laati nun kulɗo Alla, kanko e himɓe wuro makko fu ɓee cujidana Alla. Oo sakka *Yahuduuɓe sadakaaji ɗuuɗɗi, oo du'oo wakkati fu. 3Kiikiiɗeere gom wakkati janni tati, o yi'i der jiiki, malaykaajo Alla naati der suudu makko, wi'i mo: «Korney!» 4O tiggi mo gite gam sabbu kulol, o wi'i: «Joomiraawo, ume nun?» Malaykaajo on wi'i mo: «Alla jaɓii du'aaje maa e sadakaaji maa, o yeggitanay maa bo. 5Jooni lilu himɓe faa siire Yoppe, ɓe noddanee bi'eteeɗo Simon, innitirteeɗo Piyer. 6O na'on weeri wuro kunkunɗo bi'eteeɗo Simon, mo wuro muuɗum woni takkol maayo.»
7No malaykaajo baddanɗo mo on yawti, o noddi jaggiiɓe makko ɗiɗo, e soogeeru wooru kulnu Alla, ɓurunu takkaago mo. 8O fillanii ɓe ko malaykaajo on wi'i fu, den o lili ɓe siire Yoppe.
9No weeti, ɓee gonii e laawol, ɓe paanii siire nen, tawi Piyer eencii dow suudu muuɗum caka nyalooma oo du'oo. 10Rafo waɗi mo go oo yiɗi nyaamugo. No ɓe gaɗanta mo nafa, Alla holli mo ko haayni. 11O yi'i kammu maɓɓitii, go huune nandune e wudere mawne, e haɓɓaa e gawarɗe mum naay e jippoo faa leydi. 12Der mayre e woodi bisaaji feere feereeji ɗi koyɗe naay, e ladooji, e pooli. 13Daane gom wi'i mo: «Piyer, umma, hiisu nyaamaa!» 14Piyer wi'i: «Aawo, Joomiraawo! Abada, mi nyaamay ko harmi, naa bo ko soɓi.» 15Daane nen wi'i mo kade: «Taa harmin ko Alla laaɓini.»
16Non ɗum waɗi faa laabi tati. Den wudere nen safaa dow kammu.
17Wakkati Piyer jiɓii, e ƴama hoore mum ko jiiki mum kin yiɗi wi'ugo, wakkati den himɓe ɓe Korney liloy ɓen, e ƴamana wuro Simon faa ɓe gari takkol dammugal. 18Ɓe noddi wonɓe ɗon, ɓe ƴami ɓe to ɗon nun Simon, noddeteeɗo Piyer weeri. 19No Piyer miijoto dow ko yi'i, Ruuhu wi'i mo: «Nani himɓe tato e daarte. 20Umma, jippa, jaadaa e maɓɓe taa waɗu seko, gam min nun liloy ɓe.» 21Piyer jippii, wi'i himɓe ɓen: «Mi nani, min woni mo daartoton. Ume waddi on?» 22Ɓe toonti ɓe bi'i: «Korney mawɗo waalde konunkeeɓe nun liloy men. Gorko on gooŋaajo nun, kulɗo Alla, mo lenyol *Yahuduuɓe fu seedantoo geeta. Malaykaajo ceniiɗo holli mo o waɗa men gara men nodde, garaa wuro makko, gam heɓa o nana waaju maa.» 23Piyer naanni ɓe, werni ɓe.
No weeti, o ummii, o yaadi e maɓɓe. Goonɗinɓe woɓɓe, tawaaɓe Yoppe yaadi e makko. 24No weetitii, ɓe jottii Kaysariya. Tawi Korney noddiino himɓe mum, e igooɓe mum ɓattiiɓe ɗum, e hettinii ɓe. 25No Piyer yottii, Korney taɓɓitoy mo, diccanii mo. 26Piyer bati mo, wi'i: «Umma, gam min bo mi tagaaɗo nun.»
27Piyer e badda e makko, faa ɓe naati e suudu, ɓe tawi ton himɓe ɗuuɓɓe e hawritii. 28O wi'i ɓe: «Oon anni laawol hokkay *Yahuduujo tokkontira mo laataaki *Yahuduujo, naa bo naatugo wuro muuɗum. Amma Alla hollii am to mi daaru goɗɗo coɓuɗo naa bo karmuɗo. 29Kan waɗi no lilanɗaa am, garumi, mi salaaki. Jooni, batee am, ko noddirɗon am.»
30Korney toontii, wi'i: «Hanne waɗi balɗe naay, mii du'oo der suudu am, jaka janni tati, ɗon maa ɗon, gorko mo gineeji jalbooji wari darii yeeso am, 31wi'immi: "Korney, Alla jaɓii du'aare maa, o yeggitanay sadakaaji maa. 32To non lilu goɗɗo der siire bi'eteene Yoppe, noddaneɗaa gorko bi'eteeɗo Simon, innitirteeɗo Piyer. O na'on weeri wuro kunkunɗo bi'eteeɗo Simon, mo wuro muuɗum woni takkol maayo." 33Kan waɗi lilumi law noddeɗaa. No garuɗaa, a wooɗinii sanne. Jooni men fu men nani yeeso Alla gam men kettinoo ko Joomiraawo batu maa baajoɗaa men.»
Waaji Piyer der wuro Korney
34Den Piyer fuɗɗi waajaago, wi'i: «Mi faamii e gooŋa Alla daaray maa himɓe fu gootum. 35Neɗɗo kulɗo mo, poonnitiiɗo, o yiɗan mo baa to lenyol ŋole nun o laatii. 36Alla lildoy ɓiɓɓe Isira'iila haala, o waajii ɓe habaru jam diga e Yeesu *Almasiihu, laatiiɗo Joomiraawo himɓe fu. 37Oon anni ko waɗii leydi Yahudiya fu, diga Galili ɗum fuɗɗi ɓaawo Yuhaana waajii himɓe waɗee *batisi. 38Oon anni no Alla suɓiri Yeesu Nasaratuujo, no o jippiniri Ruuhu Ceniiɗo dow makko, e no o hokkiri mo baawɗe. Oon anni bo no Yeesu woositorii nokkuuje fu e golla golle booɗɗe, e nyawta wonuɓe e jeyaagu Seyɗan fu gam Alla e wondi e makko. 39Menen men seedeeɓe ko o waɗi der leydi *Yahuduuɓe e der *Urusaliima fu. Ɓe ɓilii mo dow *leggal palaaŋal , ɓe bari mo. 40Amma Alla fintinii mo nyalaane tatawre, hokki mo baawɗe hollitingo men hoore makko. 41Himɓe fu bane o wirnitanii, amma menen laatiiɓe seedeeɓe ɓe Alla arti suɓugo. Menen nyaamduɓe e makko, yardi e makko ɓaawo pintol makko, nun o wirnitanii. 42O yowanii men men baajoo himɓe, men ceedoo kanko woni mo Alla waɗi hiitoo wuuruɓe e maayɓe. 43*Annabiiɓe fu batii haala makko, wi'i: "Goonɗinɗo mo fu heɓan yaafuye hakkeeji muuɗum sabbu inne makko".»
Lenyi janani heɓii Ruuhu Ceniiɗo
44No Piyer batata haalaaji ɗin, Ruuhu Ceniiɗo jippii dow nanooɓe waaji makko fu. 45Haaynaare waɗi *Yahuduuɓe goonɗinɓe, wardunooɓe e Piyer, no Alla waanjiri Ruuhu Ceniiɗo der lenyi janani bo. 46Gam eɓe nana himɓe ɓen e bata e ɗelle goɗɗe, e maanta Alla. Den Piyer bati, wi'i: 47«Himɓe ɓen heɓii Ruuhu Ceniiɗo hande no meeɗen. Moy waawata ko haɗi ɓe waɗeego *batisi e diyam?»
48O wi'i ɓe gaɗanee *batisi e inne Yeesu *Almasiihu. Ɓaawo mum, ɓe eeli mo o jooɗodoo e maɓɓe balɗe seɗɗa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.