Golle Lilaaɓe 8
8
1Sol bo nootake barki Etiyen.
Sol e toora Eklesiya
Nyanne mum toora mawka tawi eklesiya *Urusaliima. Ɓe fu ɓe cankitii der leyɗe Yahudiya, e Samariya, lilaaɓe tan horii. 2Himɓe huluɓe Alla uwi Etiyen, ɓe bulli maayde makko sanne.
3Amma Sol e tinnii e halka eklesiya. Oo naata wuro e wuro, oo nanŋa goonɗinɓe worɓe e rewɓe, oo wurtina ɓe oo maɓɓaa der kasu.
Filippu e waajoo der leydi Samariya
4Sankitinooɓe ɓen e woosoo e waajoo *linjiila. 5Filippu yahi wanŋarde Samariya gom, e waajoo haala *Almasiihu. 6Jama'aare fu e hettinii e hakkillo ko Filippu waajotoo, ɓe ji'ii haaynaareeji ɗi o waɗi. 7Ginnaaji e wurtoo diga der ɗuuɓɓe e kalɓaali mawɗi. Moofooɓe ɗuuɓɓe e laƴooɓe yoofake. 8Ɗum laatii belɗum ɓerne sanne der wanŋarde nen.
9Gorko gom bi'eteeɗo Simon e tawanoo der wanŋarde nen. Oo waɗa dobo dobo kaaynotooɗum Samariyaaɓe sanne, oo daari hoore makko tedduɗo. 10Ɓe fu ɓee kettinanii mo, diga famarɓe faa mawɓe, ɓe bi'i: «Gorko oo ɗo woni baawɗe Alla bi'eteeɗe ‹Baawɗe Mawɗe›.»
11Ɓee kettinanoo mo, gam diga ko ɓooyi dobo dobo makko e haaynoo ɓe. 12Amma no Filippu waajii ɓe *linjiila Laamaare Alla, e haala Yeesu *Almasiihu, ɓe goonɗini, worɓe e rewɓe fu waɗanaa *batisi. 13Simon e hoore muuɗum goonɗini kanun bo. O waɗanaa *batisi, o tokki Filippu, ɗum haaynii mo sanne no o yi'i kaayeefiiji e haaynaareeji mawɗi e waɗee.
14Lilaaɓe wonɓe *Urusaliima nani Samariyaaɓe goonɗinii haala Alla. Ɓe lildani ɓe Piyer e Yuhaana. 15No ɓe jottii ton, ɓe du'anii goonɗinɓe ɓen, heɓa ɓe keɓa Ruuhu Ceniiɗo, 16gam Ruuhu Ceniiɗo jippaakino taw e goɗɗo maɓɓe, e inne Yeesu Joomiraawo tan nun ɓe gaɗiranaa *batisi. 17Ɗon nun Piyer e Yuhaana yowi juuɗe mum dow maɓɓe go ɓe keɓi Ruuhu Ceniiɗo.
18No Simon yi'i ɓe keɓii Ruuhu Ceniiɗo no lilaaɓe yowi juuɗe mum dow maɓɓe, o waddani lilaaɓe ɓen ceede, 19o wi'i: «Kokkee am min bo baawɗe ɗen gam mo jowanmi juuɗe fu heɓa Ruuhu Ceniiɗo.» 20Amma Piyer toontii mo, wi'i: «Alla halke, an e ceede maa, gam aa miilii soodugo dokkal Alla e ceede! 21A walaa geɗu, naa bo kawtal der haala kan, gam ɓerne maa laaɓaa yeeso Alla. 22Gam majjum tuubu e miijooji maa kalluɗi ɗin, du'a Joomiraawo yaafane ko miijotoɗaa der ɓerne maa, to waɗoto. 23Gam mi yi'ii suuno e hebbu maa, kalluɗum e haɓɓu maa.»
24Simon toontii, wi'i: «Eelanee am Joomiraawo, gam ko batuɗon to heɓanmi.»
25Ɓaawo no Piyer e Yuhaana seedanii Joomiraawo, ko ɓe baajii haala makko, ɓe bittiri *Urusaliima. E laawol ɓe baajii ci'e Samariyaaɓe ɗuuɗɗe *linjiila.
Filippu fottii e semmenteejo Etiyopiya gom
26Malaykaajo Joomiraawo wi'i Filippu: «Umma, yahu hoore fuɗo, laawol ƴiwuŋol *Urusaliima e fonnii Gaaja. Laawol ŋol, laddewol nun.» 27O ummii o yahi. Den o fotti gorko Etiyopiyankeejo semmenteejo, tappaaɗo. Kanko nun suuɗata ceede Kadanke, laamiiɗo Etiyopiya debbo. O yahiino *Urusaliima sujidanoygo Alla. 28No o hootata, oo jooɗii e laana pucci makko, oo janŋa der dewtere annabi Esaaya. 29Ruuhu wi'i Filippu: «Yahu, ɓatta laana ŋan.» 30Filippu doggi, hewtii Etiyopiya on, nani oo janŋa dewtere annabi Esaaya, wi'i: «E gooŋa aa faama ko janŋataa na?» 31Gorko on toontii, wi'i: «Noy baawiranmi faamugo to goɗɗo faaminay am?»
O eeli Filippu eenca, jooɗoo takkol makko. 32Daa ɗo aayaaje ɗe o janŋannoo e dewtere nen:
«Oo yaaree hande baala kiisoyteeŋa,
e hande no jawdiyel jeeɗortoo to leeɓi mum e taƴee.
Non non o jeeɗorii.#8:32-33 Esaaya 53:7-8
33O yawnaama, o hiitanaaka e gooŋaaku.
Moy waawata ko bati haala himɓe wakkati makko?
Gam yonki makko hikkinaama e duuniyaaru.»
34Semmenteejo on wi'i Filippu: «Mii eele, bataa am, moy *annabiijo on batanta kaa ɗon, hoore makko nun naa goɗɗo?»
35Filippu fuɗɗiri diga aayaaje ɗen, waajii mo *linjiila Yeesu. 36Ɓe tokki laawol maɓɓe faa ɓe jottii to diyam woni. Semmenteejo on wi'i: «Diyam nani! Ume haɗatammi waɗeego *batisi?» [37Filippu wi'i: «To a goonɗinii e ɓerne maa fu, walaa ko haɗete waɗeego *batisi.» O toontii, o wi'i: «Mii goonɗini Yeesu *Almasiihu woni Ɓii Alla.»]
38O waɗi laana ŋan darii. Ɓe fu ɗiɗo ɓe jippii, ɓe naati e diyam. Filippu waɗi mo *batisi. 39No ɓe burtii e diyam, Ruuhu Joomiraawo safi Filippu. Semmenteejo on yi'ay mo kade, tokki laawol muuɗum e belɗum ɓerne. 40Filippu tawi na'on Ajotusu. Diga ɗon faa Kaysariya, wanŋarde ne o yottii fu, oo waajoo *linjiila.
Currently Selected:
Golle Lilaaɓe 8: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Golle Lilaaɓe 8
8
1Sol bo nootake barki Etiyen.
Sol e toora Eklesiya
Nyanne mum toora mawka tawi eklesiya *Urusaliima. Ɓe fu ɓe cankitii der leyɗe Yahudiya, e Samariya, lilaaɓe tan horii. 2Himɓe huluɓe Alla uwi Etiyen, ɓe bulli maayde makko sanne.
3Amma Sol e tinnii e halka eklesiya. Oo naata wuro e wuro, oo nanŋa goonɗinɓe worɓe e rewɓe, oo wurtina ɓe oo maɓɓaa der kasu.
Filippu e waajoo der leydi Samariya
4Sankitinooɓe ɓen e woosoo e waajoo *linjiila. 5Filippu yahi wanŋarde Samariya gom, e waajoo haala *Almasiihu. 6Jama'aare fu e hettinii e hakkillo ko Filippu waajotoo, ɓe ji'ii haaynaareeji ɗi o waɗi. 7Ginnaaji e wurtoo diga der ɗuuɓɓe e kalɓaali mawɗi. Moofooɓe ɗuuɓɓe e laƴooɓe yoofake. 8Ɗum laatii belɗum ɓerne sanne der wanŋarde nen.
9Gorko gom bi'eteeɗo Simon e tawanoo der wanŋarde nen. Oo waɗa dobo dobo kaaynotooɗum Samariyaaɓe sanne, oo daari hoore makko tedduɗo. 10Ɓe fu ɓee kettinanii mo, diga famarɓe faa mawɓe, ɓe bi'i: «Gorko oo ɗo woni baawɗe Alla bi'eteeɗe ‹Baawɗe Mawɗe›.»
11Ɓee kettinanoo mo, gam diga ko ɓooyi dobo dobo makko e haaynoo ɓe. 12Amma no Filippu waajii ɓe *linjiila Laamaare Alla, e haala Yeesu *Almasiihu, ɓe goonɗini, worɓe e rewɓe fu waɗanaa *batisi. 13Simon e hoore muuɗum goonɗini kanun bo. O waɗanaa *batisi, o tokki Filippu, ɗum haaynii mo sanne no o yi'i kaayeefiiji e haaynaareeji mawɗi e waɗee.
14Lilaaɓe wonɓe *Urusaliima nani Samariyaaɓe goonɗinii haala Alla. Ɓe lildani ɓe Piyer e Yuhaana. 15No ɓe jottii ton, ɓe du'anii goonɗinɓe ɓen, heɓa ɓe keɓa Ruuhu Ceniiɗo, 16gam Ruuhu Ceniiɗo jippaakino taw e goɗɗo maɓɓe, e inne Yeesu Joomiraawo tan nun ɓe gaɗiranaa *batisi. 17Ɗon nun Piyer e Yuhaana yowi juuɗe mum dow maɓɓe go ɓe keɓi Ruuhu Ceniiɗo.
18No Simon yi'i ɓe keɓii Ruuhu Ceniiɗo no lilaaɓe yowi juuɗe mum dow maɓɓe, o waddani lilaaɓe ɓen ceede, 19o wi'i: «Kokkee am min bo baawɗe ɗen gam mo jowanmi juuɗe fu heɓa Ruuhu Ceniiɗo.» 20Amma Piyer toontii mo, wi'i: «Alla halke, an e ceede maa, gam aa miilii soodugo dokkal Alla e ceede! 21A walaa geɗu, naa bo kawtal der haala kan, gam ɓerne maa laaɓaa yeeso Alla. 22Gam majjum tuubu e miijooji maa kalluɗi ɗin, du'a Joomiraawo yaafane ko miijotoɗaa der ɓerne maa, to waɗoto. 23Gam mi yi'ii suuno e hebbu maa, kalluɗum e haɓɓu maa.»
24Simon toontii, wi'i: «Eelanee am Joomiraawo, gam ko batuɗon to heɓanmi.»
25Ɓaawo no Piyer e Yuhaana seedanii Joomiraawo, ko ɓe baajii haala makko, ɓe bittiri *Urusaliima. E laawol ɓe baajii ci'e Samariyaaɓe ɗuuɗɗe *linjiila.
Filippu fottii e semmenteejo Etiyopiya gom
26Malaykaajo Joomiraawo wi'i Filippu: «Umma, yahu hoore fuɗo, laawol ƴiwuŋol *Urusaliima e fonnii Gaaja. Laawol ŋol, laddewol nun.» 27O ummii o yahi. Den o fotti gorko Etiyopiyankeejo semmenteejo, tappaaɗo. Kanko nun suuɗata ceede Kadanke, laamiiɗo Etiyopiya debbo. O yahiino *Urusaliima sujidanoygo Alla. 28No o hootata, oo jooɗii e laana pucci makko, oo janŋa der dewtere annabi Esaaya. 29Ruuhu wi'i Filippu: «Yahu, ɓatta laana ŋan.» 30Filippu doggi, hewtii Etiyopiya on, nani oo janŋa dewtere annabi Esaaya, wi'i: «E gooŋa aa faama ko janŋataa na?» 31Gorko on toontii, wi'i: «Noy baawiranmi faamugo to goɗɗo faaminay am?»
O eeli Filippu eenca, jooɗoo takkol makko. 32Daa ɗo aayaaje ɗe o janŋannoo e dewtere nen:
«Oo yaaree hande baala kiisoyteeŋa,
e hande no jawdiyel jeeɗortoo to leeɓi mum e taƴee.
Non non o jeeɗorii.#8:32-33 Esaaya 53:7-8
33O yawnaama, o hiitanaaka e gooŋaaku.
Moy waawata ko bati haala himɓe wakkati makko?
Gam yonki makko hikkinaama e duuniyaaru.»
34Semmenteejo on wi'i Filippu: «Mii eele, bataa am, moy *annabiijo on batanta kaa ɗon, hoore makko nun naa goɗɗo?»
35Filippu fuɗɗiri diga aayaaje ɗen, waajii mo *linjiila Yeesu. 36Ɓe tokki laawol maɓɓe faa ɓe jottii to diyam woni. Semmenteejo on wi'i: «Diyam nani! Ume haɗatammi waɗeego *batisi?» [37Filippu wi'i: «To a goonɗinii e ɓerne maa fu, walaa ko haɗete waɗeego *batisi.» O toontii, o wi'i: «Mii goonɗini Yeesu *Almasiihu woni Ɓii Alla.»]
38O waɗi laana ŋan darii. Ɓe fu ɗiɗo ɓe jippii, ɓe naati e diyam. Filippu waɗi mo *batisi. 39No ɓe burtii e diyam, Ruuhu Joomiraawo safi Filippu. Semmenteejo on yi'ay mo kade, tokki laawol muuɗum e belɗum ɓerne. 40Filippu tawi na'on Ajotusu. Diga ɗon faa Kaysariya, wanŋarde ne o yottii fu, oo waajoo *linjiila.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.