SAAMUNƆ 91
91
Ludan wa dãkpari ũ
1Gbɛ̃ kɛ̀ utɛna Luda Musude ↄzĩ
égↄ̃ kú Gbãapingide ↄrazi.
2Eé be Diin a zɛki gbãaa ũ,
a Ludan a utɛkii ũ, á à náanɛ vĩ.
3Àmbe é n sí karia,
eé n mì sí gagyãaa.
4Eé n sↄtↄ a pↄtɛ, nɛ́gↄ̃ utɛna à ↄru,
à náanɛkɛɛ bé eé n dãkpa lán sɛngbango bà.
5Gwãavĩ kainↄ kↄ̃n fãantɛ̃ kà vĩananↄ
aↄ̃ ke vĩa é n kũro,
6ke gagyãa kɛ̀ ègↄ̃ tɛ́ gusiaan
ke gyãgɛ̃wɛtɛ kɛ̀ è ń le fãantɛ̃ gbãaa.
7Baa tó gↄ̃ↄn wàa sↄↄroo e lɛɛɛ n saɛ,
ke gↄ̃ↄn bↄrↄ kuri e gaa n ↄplaazi,
pↄ́ke é n lero.
8Nɛ́ wɛ́ɛ sɛ́ ǹ gwa,
nɛ́ e lán wè wɛ́ɛ tã zaakɛrinↄa nà.
9Tó n Luda Musude kɛ̀ n utɛkii ũ,
tó n Dii kɛ̀ n kúkii ũ,
10yã zaa ke é n lero,
mↄ́nzi é gɛ̃ n uaro.
11Zaakɛ eé n yã o a malaikanↄnɛ,
lɛ aↄ̃ n dãkpa guu kɛ̀ nɛ́ɛ gaan píngi.
12Aↄ̃é n sɛ́ ń ↄzĩ
lɛ ǹton gɛ̃̀n sí gbɛ̀aro yãnzi.
13Nɛ́ kɛ̀sɛ zɛ músua kↄ̃n kárɛo,
nɛ́ kɛ̀sɛ pɛ́ɛpɛɛ gbèkaa kↄ̃n pitigooo.
14Dii bè: Zaakɛ à nàmazi, mɛ́ à bↄ,
zaakɛ à ma dↄ̃, mɛ́ ↄ kúa.
15Eé ma sísi, mɛ́ weàla,
tó yã nàkↄ̃rɛa, mɛ́gↄ̃ kúo,
mɛ́ à mì sí mà à kpe da.
16Mɛ́ à pↄↄ kɛ nna kↄ̃n wɛ̃̀ndi gbã̀ao,
mɛ́ tó à e lán mɛɛ̀ gbɛ̃ mì sí nà.
Currently Selected:
SAAMUNƆ 91: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
