Popular Bible Verses from SAAMUNƆ 91

Share

Eé be Diin a zɛki gbãaa ũ, a Ludan a utɛkii ũ, á à náanɛ vĩ.

Gbɛ̃ kɛ̀ utɛna Luda Musude ↄzĩ égↄ̃ kú Gbãapingide ↄrazi.

Eé ma sísi, mɛ́ weàla, tó yã nàkↄ̃rɛa, mɛ́gↄ̃ kúo, mɛ́ à mì sí mà à kpe da.

Zaakɛ eé n yã o a malaikanↄnɛ, lɛ aↄ̃ n dãkpa guu kɛ̀ nɛ́ɛ gaan píngi.

Eé n sↄtↄ a pↄtɛ, nɛ́gↄ̃ utɛna à ↄru, à náanɛkɛɛ bé eé n dãkpa lán sɛngbango bà.

Tó n Luda Musude kɛ̀ n utɛkii ũ, tó n Dii kɛ̀ n kúkii ũ, yã zaa ke é n lero, mↄ́nzi é gɛ̃ n uaro.

Àmbe é n sí karia, eé n mì sí gagyãaa.

Baa tó gↄ̃ↄn wàa sↄↄroo e lɛɛɛ n saɛ, ke gↄ̃ↄn bↄrↄ kuri e gaa n ↄplaazi, pↄ́ke é n lero.

Gwãavĩ kainↄ kↄ̃n fãantɛ̃ kà vĩananↄ aↄ̃ ke vĩa é n kũro, ke gagyãa kɛ̀ ègↄ̃ tɛ́ gusiaan ke gyãgɛ̃wɛtɛ kɛ̀ è ń le fãantɛ̃ gbãaa.