SAAMUNƆ 33
33
Luda sáabukpana
1À guda dↄ Diia gbɛ̃ maaanↄ,
à kↄ̃ sìo nↄ̀sɛpuradeenↄ à sáabu kpá.
2À Dii tↄ́ kpá kↄ̃n kuntigio,
à lɛ̀ sínɛ kↄ̃n mↄrↄo.
3À lɛ̀ dufu sínɛ,
à pↄ́'ↄnnanↄ lɛ́ kↄ̃n dↄ̃nao kↄ̃n pↄnna wiiio.
4Zaakɛ yã kɛ̀ Dii ò nɛ́ yãpuramɛ,
à náanɛ vĩ a yãkɛna píngi guu.
5À ye maakɛɛzi kↄ̃n yãzɛdeeo,
Dii yenzi anduna pà.
6Dii yã'ona bé à musu kɛ̀,
à lɛ́'ĩa bé à musupↄnↄ pɛ̀pɛ.
7À í kàɛ gu dↄ̃nkↄ̃, à gↄ̃̀ ísiaa ũ,
à ínↄ kàkↄ̃a, à gↄ̃̀ í lↄ̀ ũ.
8Anduna gbɛ̃ píngi, à vĩa kɛ Diinɛ,
gbɛ̃ bɛ̃ɛnↄ píngi, à mì siɛnɛ.
9Zaakɛ à yã ò, ben anduna gↄ̃̀ kaɛna,
à yã dìɛ, ben pↄ́ píngi gↄ̃̀ kun.
10Dii è lɛ́ kɛ̀ boriinↄↄ kpàkↄ̃sↄ̃ kɛ pã,
è kpá bùsudeenↄnɛ kↄ̃n pↄ́ kɛ̀ aↄ̃ↄe pɛɛao.
11Yã kɛ̀ Dii zɛ̀o ègↄ̃ diɛna gíngin,
yã kɛ̀ à à pↄↄ gbà ègↄ̃ kuu gurↄ píngi.
12Aubarikadeen borii kɛ̀ Dii dɛ à Luda ũu ũ,
gbɛ̃ kɛ̀ à ń sɛ́ a pↄ́ ũunↄ.
13Zaa musu Dii è guu gwa gĩzĩ,
è gbɛ̃nteenↄ e ń píngi.
14Zaa à kúkiia è gbɛ̃ kɛ̀ aↄ̃ↄ kú
anduna guunↄ tàasi kɛ ń píngi.
15Àmbe à baade píngi swɛ̃̀ kɛ̀,
è ń yãkɛnanↄ dↄ̃ píngi.
16Kína ke è zĩ̀ ble a zĩ̀kpɛ parikɛɛ yãnziro,
zĩ̀kari ke è bↄ a gↄ̃sagbãakɛ yãnziro.
17Sↄ̃ náanɛkɛna à ń bↄↄ nɛ́ ɛgɛɛmɛ,
baa kↄ̃n à gbãakɛɛo eé fↄ̃ à gbɛ̃ mì síro.
18Dii wɛ́ɛ kú a vĩakɛrinↄa,
gbɛ̃ kɛ̀ aↄ̃ wɛ́ɛ dↄ à yenzizinↄ.
19Eé ń bↄ gaa lɛ́zĩ,
eé ń gwa dekaagurↄ.
20Wa wɛ́ɛ ègↄ̃ dↄ Diizi,
àmbe wa dↄnlɛri ũ kↄ̃n wa sɛngbangoo.
21Zaakɛ Diin wa pↄↄ ègↄ̃ nnaa,
wá à tↄ́ kɛ̀ kú adona náanɛ vĩ.
22Dii, ǹ tó n yenzi gↄ̃ kúwao
lán wa wɛ́ɛ dↄnzi nà.
Currently Selected:
SAAMUNƆ 33: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
