SAAMUNƆ 32
32
Durun'ona Ludanɛ
Dauda lɛ̀.
1Aubarikadeen gbɛ̃ kɛ̀ Luda pↄ́ kù à taarinↄla
à à durunnↄ kɛ̃̀nɛ ũ.
2Aubarikadeen gbɛ̃ kɛ̀ Dii è à durun yã daroo ũ,
bensↄ̃ mↄnafiki kú à nↄ̀sɛ guuro.
3Kɛ̀ ma yĩtɛ kↄ̃n ma durun-o, ma yãyã,
ma wiii ègↄ̃ dↄ zaa kↄngↄ ai uusiɛ.
4N ↄ tↄ̃̀ma fãantɛ̃ kↄ̃n gwãavĩo,
ma gbãaa yã̀a lán guwãagurↄ ↄfãntɛ̃ bé à ma lɛɛ bà.
5Ben ma wennɛ ma durunzi,
mɛ́ɛ ma yã zaaa utɛnnɛ dↄro.
Ma bè, mɛ́ ma taarinↄ o Diinɛ,
ben à ma durun kɛ̃̀mɛ.
6Beee yãnzi n náanɛkɛri wɛ́ɛ kɛmma a gurↄↄazi,
tó yã zĩ'ũu e mↄↄ, eé à lero.
7Ma utɛkiin n ũ,
nɛɛ̀ ma bↄ wɛ́ɛtãmma guu,
nɛɛ̀ ligamazi ǹ ma mì sí.
8Mɛ́ yã dannɛ mà n da zɛ́ kɛ̀ dɛ ǹ sɛ́a,
mɛ́ lɛ́ damma, ma wɛ́ɛ gↄ̃ tɛ́nzi.
9Ǹtongↄ̃ kuu laasuu sai
lán sↄ̃ ke bãagãsↄ̃ bàro,
tó nɛ́ɛ aizi káńnɛ kↄ̃n a bàoro,
aↄ̃è da n dↄ̀rↄaro.
10Yã'ↄ̃amma è da gbɛ̃ zaaanↄla,
Dii yenzi è liga à náanɛkɛrinↄzi.
11Gbɛ̃ maaanↄ, à pↄnnaa kɛ Dii yãnzi,
nↄ̀sɛpuradeenↄ, à guda kɛ à yáa dↄ.
Currently Selected:
SAAMUNƆ 32: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
