SAAMUNƆ 149
149
Dii gbɛ̃nↄ yãkpaɛkɛna kↄ̃n boriinↄo
1Aleluya!
À lɛ̀ dufu sí Diinɛ,
à à táaki lɛ́ à gbɛ̃nↄ kakↄ̃ana guu.
2Isarailinↄ pↄↄ kɛ nna ń Kɛ̀ria,
Zayↄndeenↄ pↄnnaa kɛ kↄ̃n ń kínao.
3Aↄ̃ ↄ̃ wã wà à tↄ́ bↄ,
aↄ̃ à táaki lɛ́ kↄ̃n mↄrↄo kↄ̃n sɛ̃gɛ̃sɛ̃gɛ̃o.
4Zaakɛ Dii gbɛ̃nↄ yã è kánɛ,
è mìsina fùra kú zĩndabusarinↄnɛ.
5Dii yãmarinↄ pↄnna wii pɛ́ ń zĩ̀blena yãnzi,
aↄ̃ guda dↄ ń daɛbↄ musu.
6Luda táakilɛna gↄ̃ da ń lɛ́n,
fɛ̃ɛda kpaplaplaaa gↄ̃ naa ń ↄzĩ,
7lɛ aↄ̃ gɛ̃ɛ boo boriinↄa,
aↄ̃ wɛ́ɛ tão bùsu píngi gbɛ̃nↄa,
8lɛ aↄ̃ ń kínanↄ yiyi kↄ̃n mↄ̀kyakoonↄ,
aↄ̃ mↄ̀gata ká ń wɛ̃ɛnɛnↄa,
9lɛ aↄ̃ yã dańla lán à kɛ̃na takada guu nà.
Gakui kɛ̀ Dii yãmarinↄ é een gwe.
Aleluya!
Currently Selected:
SAAMUNƆ 149: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
