SAAMUNƆ 148
148
Dii pↄ́ kɛ̀ à kɛ̀nↄ à táakilɛna
1Aleluya!
À Dii táaki lɛ́, à bɛdeenↄ,
à à táaki lɛ́ zaa musu!
2À à táaki lɛ́, à malaikanↄ a píngi,
à à táaki lɛ́, à ìbanↄ a píngi!
3À à táaki lɛ́, ↄfãntɛ̃ kↄ̃n mↄvurao,
à à táaki lɛ́, sↄsↄnɛ ínnaanↄ píngi!
4À à táaki lɛ́, bàtuma musumusu pↄ́nↄ
kↄ̃n í kɛ̀ da ludambɛɛlaanↄ.
5Aↄ̃ Dii tↄ́ bↄ,
zaakɛ à yã ò, ben aↄ̃ↄ kuu.
6À ń pɛpɛ ń pɛ́kiia
lɛ aↄ̃gↄ̃ kú gwe gurↄ píngi,
à doka dìɛńnɛ, aↄ̃é fↄ̃ wà vĩàlaro.
7À Dii táaki lɛ́, pↄ́ kɛ̀ kú tↄↄtɛnↄ,
kpↄ̀ gbɛ̃̀ntɛ̃nↄ kↄ̃n ísia lↄ̀nↄ,
8kↄ̃n loupinao kↄ̃n lougbɛo kↄ̃n lousisinao
kↄ̃n zàga'ĩa kɛ̀ è mì siɛ à yãnɛo,
9kↄ̃n kpiiinↄ kↄ̃n sĩ̀sĩnↄ píngi
kↄ̃n lí nɛ́'irinↄ kↄ̃n sida línↄ píngi,
10kↄ̃n nↄ̀bↄsɛ̃tɛnↄ kↄ̃n pↄ́kãdeenↄ píngi
kↄ̃n pↄ́taa'onkusɛanↄ kↄ̃n bãanↄ,
11kↄ̃n anduna kínanↄ kↄ̃n boriinↄ píngi
kↄ̃n kínɛnↄ kↄ̃n bùsu gbãadeenↄ ń píngi,
12kↄ̃n gↄ̃kparɛnↄ kↄ̃n nↄkparɛnↄ ń píngi,
gbɛ̃nsi nɛ́ féte.
13Aↄ̃ Dii tↄ́ bↄ,
zaakɛ à mɛ̀n doo tↄ́ bé à bíta,
à gakui dɛ musu kↄ̃n tↄↄtɛo pↄ́la.
14À kí kà a gbɛ̃nↄnɛ,
kɛ̀ à yãmarinↄ è à táaki lɛ́,
Isaraili kɛ̀ aↄ̃ↄ kĩionↄ.
Aleluya!
Currently Selected:
SAAMUNƆ 148: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
