SAAMUNƆ 137
137
Zĩ̀zↄnↄ wiipɛna
1Kɛ̀ wa vɛ̃ɛ Babilↄnu swaanↄ saɛ,
Zayↄn yã dↄ̀wagu, ben wa ↄ́ↄ dↄ̀.
2Wa wa mↄrↄnↄ tò logona swagbara línↄa gwe.
3Gwen gbɛ̃ kɛ̀ aↄ̃ↄ wa kũnanↄ bè wà lɛ̀ síńnɛ,
wa wɛ́ɛtãmmarinↄↄ yezi wà kↄ̃kↄ̃ ońnɛ,
wà Zayↄn lɛ̀nↄ doke síńnɛ.
4Dian wé Dii lɛ̀nↄ sí nà
bori pãndenↄ bùsu guuu?
5Tó n yã sã̀magu Yerusalɛmu,
ma ↄplaa ga.
6Tó Yerusalɛmu yã e dↄmaguro,
tó mɛ́ɛ à diɛ ma pↄnnakɛna mì ũro,
ma nɛ́nɛ naɛ.
7Dii, ǹ dↄ yã kɛ̀ Ɛdↄmunↄↄ kɛ̀n
zĩ kɛ̀ wà yã mↄ̀ Yerusalɛmunɛ
aↄ̃ bè: À gbɛ̃ à daɛ,
à gbɛ̃ à daɛ mámman.
8Babilↄnudeenↄ nɛ́ pↄ́ kaatɛnanↄmɛ!
Aubarikadeen gbɛ̃ kɛ̀ eé yã kɛ̀ á kɛ̀wee fĩa boaree ũ,
9kɛ̀ eé a nɛ́nↄ kũkũ à ń pá gbɛ̀a.
Currently Selected:
SAAMUNƆ 137: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
