SAAMUNƆ 136
136
Dii sáabukɛna
1À Dii sáabu kɛ, zaakɛ à maa,
à gbɛ̃kɛɛ yãana vĩro.
2À Luda kɛ̀ dɛ tãanↄla sáabu kɛ,
à gbɛ̃kɛɛ yãana vĩro.
3À Dii kɛ̀ dɛ diinↄla sáabu kɛ,
à gbɛ̃kɛɛ yãana vĩro.
4Àmbe è dabuyã bítanↄ kɛ ado,
à gbɛ̃kɛɛ yãana vĩro.
5À musu kɛ̀ kↄ̃n a ↄ̃ndↄ̃ↄo,
à gbɛ̃kɛɛ yãana vĩro.
6À tↄↄtɛ kàɛ í musu,
à gbɛ̃kɛɛ yãana vĩro.
7À pↄ́gupuri bítanↄ kɛ̀,
à gbɛ̃kɛɛ yãana vĩro.
8À ↄfãntɛ̃ kɛ̀ à kí ble fãantɛ̃,
à gbɛ̃kɛɛ yãana vĩro.
9À mↄvura kↄ̃n sↄsↄnɛnↄ kɛ̀ aↄ̃ kí ble gwãavĩ,
à gbɛ̃kɛɛ yãana vĩro.
10À Igipiti daudunↄ dɛ̀dɛ,
à gbɛ̃kɛɛ yãana vĩro,
11À Isarailinↄ bↄ̀ɛ ń tɛ́,
à gbɛ̃kɛɛ yãana vĩro.
12À a gã̀sã pòro kↄ̃n a iko gbãaao,
à gbɛ̃kɛɛ yãana vĩro.
13À Isia Tɛ̃aa zↄ̃̀kↄ̃rɛ plaa,
à gbɛ̃kɛɛ yãana vĩro.
14À tò Isarailinↄ gɛ̃̀tɛ à dagura,
à gbɛ̃kɛɛ yãana vĩro.
15À Fili'auna kↄ̃n a zĩ̀kpɛɛnↄ kà Isia Tɛ̃aan,
à gbɛ̃kɛɛ yãana vĩro.
16À dↄ̀ a gbɛ̃nↄnɛ aɛ gbáan,
à gbɛ̃kɛɛ yãana vĩro.
17À kí bítanↄ lɛ̀ à nɛ̀,
à gbɛ̃kɛɛ yãana vĩro.
18À kí gbãadeenↄ dɛ̀dɛ,
à gbɛ̃kɛɛ yãana vĩro.
19Amↄrinↄ kí Siↄ̃,
à gbɛ̃kɛɛ yãana vĩro.
20Kↄ̃n Basã kí Oguo,
à gbɛ̃kɛɛ yãana vĩro.
21À ń bùsu sì à gba dào,
à gbɛ̃kɛɛ yãana vĩro.
22À kpà a zↄ̀bleri Isarailinↄa túbi ũ,
à gbɛ̃kɛɛ yãana vĩro.
23À dↄ̀ wa yãn wa gwena zaaan,
à gbɛ̃kɛɛ yãana vĩro.
24À wa bↄ wa ibɛɛnↄ ↄzĩ,
à gbɛ̃kɛɛ yãana vĩro.
25È pↄ́blee kpá pↄ́ sãnda píngia,
à gbɛ̃kɛɛ yãana vĩro.
26À Luda Musude sáabu kɛ,
à gbɛ̃kɛɛ yãana vĩro.
Currently Selected:
SAAMUNƆ 136: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
