SAAMUNƆ 11
11
Làakarikpaɛna
Dauda lɛ̀.
1Ma na Diizi.
Bↄ́yãnzin ée beemɛ mà vĩa
mà tá kpiii musuzi lán bãa bà?
2À zaakɛrinↄ gwa, aↄ̃ kà kpà sála,
aↄ̃ nàɛ gusaɛ aↄ̃ ń sá gà,
aↄ̃ kà zù nↄ̀sɛmaadeenↄzi.
3Tó fɛɛakaarayã e kaatɛɛ,
gbɛ̃ maaanↄ é kɛ diamɛ?
4Dii kú a kpɛ́ kɛ̀ kú adona guu,
à vɛ̃ɛna kpatan musu gwe.
È wɛ́ɛ tɛ́ gbɛ̃nteenↄzi à ń tàasi kɛ.
5Dii è gbɛ̃ maaanↄ yↄ̃ à gwa,
mↄde à zà zaakɛrinↄn
kↄ̃n gbɛ̃ kɛ̀ yã pãsĩ è kɛńnɛ nnaanↄ.
6Eé tɛ́yↄ̃ kↄ̃n ↄfãntɛ̃gbↄ̃o kú zaakɛrinↄa,
ĩa wãaa bé eégↄ̃ dɛ ń baka ũ.
7Zaakɛ Dii è yã kɛ a zɛ́a,
yãmaakɛna è kɛnɛ nna,
gbɛ̃ maaanↄ é wɛ́ɛ siàlɛ.
Currently Selected:
SAAMUNƆ 11: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
