SAAMUNƆ 10
10
Wɛ́ɛkɛna Ludaa à yãkpaɛ kɛ gbɛ̃nteenↄnɛ
1Dii, bↄ́yãnzi ń zɛna zã̀azãzi?
À kɛ̀ dia nɛɛ̀ n zĩnda utɛ nawɛ̃akɛgurↄ?
2Gbɛ̃ zaaa è gbãasaidee wɛtɛ à dɛ wadakɛɛ guu,
è mↄnafiki kɛnɛ à à kũ.
3Gbɛ̃ zaaa è a pↄ́nidɛnanↄ ĩa dã,
è sãnkarade sáabu kpá è Dii tↄ́ zaaa sí.
4Gbɛ̃ zaaa wada bé à tò è Dii kii wɛtɛro,
à Luda laasuu vĩro.
5Yã kɛ̀ è kɛ píngi è bↄnɛ maamɛ,
è a zĩnda kaara, è n doka daro,
è lɛ́zukii kɛ a ibɛɛnↄa.
6È be é kpágularo,
égↄ̃ kú pↄnnaan wahaa sai.
7Ɛgɛ kↄ̃n gbɛ̃kanao kↄ̃n yã pãsĩo à lɛ́ pà,
kisia yã kↄ̃n yã zaaao bé ègↄ̃ daa à lɛ́n.
8È naɛ taarisaideenɛ lakutu kpɛɛ
lɛ à e à à dɛ asii guu,
è mìzaadee kpákpa gusaɛ.
9È naɛ gbɛ̃nↄnɛ asii guu lán músu bà,
è naɛ lákpɛn lɛ à e à gbãasaide kũ.
Tó à à kũ̀, è à gáɛ kↄ̃n a bào.
10Gbɛ̃ kɛ̀ à lè à kũ̀ ègↄ̃ daɛna sↄ̀rↄrↄ,
gbãaa bé à à nɛ̀.
11Gbɛ̃ zaaa è be Luda è yã tàasi kɛro,
è ↄ kú a wɛ́ɛamɛ è guu ero.
12Dii, ǹ fɛɛ ǹ mↄ́ kↄ̃n n gbãaao,
Luda, ǹgↄ̃ takaasideenↄ tàasi kɛɛ.
13Luda, bↄ́yãnzin gbɛ̃ zaaa è dↄkɛnyo lɛzi?
È be a swɛ̃̀ guu nɛ́ ĩa daawaro.
14Baa kↄ̃n beeeo nɛɛ̀ gbɛ̃nↄ yã'ↄ̃amma e sãnsãn,
nɛɛ̀ ń pↄsia yã da lɛ ǹ e ǹ ↄ daḿma.
Gbãasaidee è a zĩnda kpámma,
tonɛ kɛ̀ gwàri vĩroo dↄnlɛrin n ũ.
15Ǹ gbɛ̃ zaaanↄ kↄ̃n gbɛ̃ pãsĩnↄ gã̀sã ɛ́ńnɛ,
ǹ ń yã zaaa kɛ̀ aↄ̃ↄe daa wà dↄ̃roo wí ń musu.
16Dii ègↄ̃ kí blee gurↄ píngi,
à yãdarisaideenↄ é kaatɛ à bùsun.
17Dii è takaasideenↄ wɛ́ɛkɛna sí,
è ń gba swɛ̃̀, è swã kpá ń wiipɛnazi.
18È zɛ kↄ̃n tonɛ kɛ̀ gwàri vĩroonↄ
kↄ̃n gbɛ̃ kɛ̀ wèe wɛ́ɛ tãaḿmanↄ,
lɛ gbɛ̃ntee kɛ̀ dɛ bùsuti ũ
tón tó swɛ̃̀ kɛ̃ gbɛ̃nↄn dↄro yãnzi.
Currently Selected:
SAAMUNƆ 10: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
