ZIA YÃ 15

Kisira kpɛkpɛ mɛ̀n supplanɔ kpányĩnaa

1Akũ ma sèeda pãnde è ludambɛ, à zɔ̃kɔ̃, à bò ma sarɛ. Malaika gbɛ̃nɔn supplanɔn kisira kpɛkpɛ mɛ̀n supplanɔ kũna. Abirekũn Luda ni a pɔfɛ̃kipammana lákao.

2Akũ ma pɔ́ke è lán sɛ̀bɛɛ bà, à de lán dígi bà kakarana kũ tɛ́o. Ma gbɛ̃ kũ ò zĩ̀i blè nɔ̀bɔ pãsĩ pìia kũ a takao kũ a tɔ́ lambaaonɔ è zɛna sɛ̀bɛ kũ à de lán dígi bàa pìi sarɛ, ò mɔrɔ kũ Luda kpàḿmanɔ kũkũna. 3Òtɛn Luda zɔ̀bleri Musa lɛ̀ sí kũ Sãnɛ Bɔ̀rɔɔ lɛ̀ɛo ò pì:

Dikiri Luda Gbãnasĩndapinkide,

n yãkɛnanɔn zɔ̃kɔ̃, ò bò ó sarɛ.

Buri sĩnda pínki Kína,

ndì yã kɛ a zɛ́a kũ yãpurao.

4Dikiri, dí mɛ́ à n vĩna vĩroo?

Dí mɛ́ ani gí n tɔ́ kpáii?

Zaakũ ń mɛ̀n do ń kú adona.

Buri sĩnda pínki ni su à donyĩ kɛnnɛ,

zaakũ n yãmanakɛnanɔ bò gupuraa.

5Abire gbɛra ma Luda kpɛ́ è wɛ̃na musu, bizakuta kũ à doka kun ũ. 6Akũ malaika gbɛ̃nɔn suppla kũ ò kisira mɛ̀n suppla kũnanɔ bɔ̀tɛ kpɛ́ pìi gũn. Ò táaru biza pura táitai kũ àtɛn tɛ́ kɛ dadana, wura asa dɔdɔna ń kùsɛɛa. 7Akũ pɔ́ bɛ̃nɛ mɛ̀n siikɔ̃nɔ doke wura kɛrɛ kpà malaika gbɛ̃nɔn suppla pìnɔ baadia. Luda kũ àdigɔ̃ bɛ̃nɛ gɔrɔ sĩnda pínki pɔfɛ̃ kán à pà. 8Luda gakuri kũ a gbãnao túsukpɛ kpɛ́ pìi pà. Gbɛ̃ke ni fɔ̃ à gɛ̃nlo ari malaika gbɛ̃nɔn suppla kisira mɛ̀n suppla pìnɔ gɛ̀ɛ à làkao.

Currently Selected:

ZIA YÃ 15: BB2005

Highlight

Copy

Compare