NARONAA 12
12
Miriamu kũ Harunao Musa taari'enaa
1Miriamu kũ Harunao Musa taari è Etiopia nɔ kũ à sɛ̀ yã musu, zaakũ à Etiopia nɔ sɛ̀. 2Ò pì: Musa adon Dikiri dìtɛ à yã ò a gãi yá? Adi o ó gãi seroo? Dikiri yã pìi mà. 3Musa bi gbɛ̃ busɛɛmɛ, a sára kú andunia gũnlo. 4Gwe gɔ̃̀nɔ Dikiri pì Musa kũ Harunao kũ Miriamuoonɛ: À bɔtɛ à gɛ́ dakarɛki kuta kia á gbɛ̃nɔn aakɔ̃. Akũ ò gɛ̀ɛ ń gbɛ̃nɔn aakɔ̃ ń pínki. 5Dikiri kìpa tɛ́luku gũn à zɛ̀ kuta pì kpɛ́lɛlɛa. À Haruna kũ Miriamuo sìsi, akũ ò nài ń pla ń pínki. 6À pìńnɛ: À ma yã ma. Tó ma annabi ke kú á tɛ́, madì bo mà sua wɛ́gupu gũn madì yã onɛ nana gũmmɛ. 7Ama à de lɛ kũ ma zɔ̀bleri Musaoro. Zĩkɛri náanidemɛ ma ɔn gbɛ̃nɔ tɛ́ ń pínki. 8Odì yã bo kɔ̃ lɛ́n. Madì yã onɛ mà a ke utɛnɛro. Àdi wɛ́ si ma takalɛ. À kɛ̀ dera ádi ma zɔ̀bleri Musa taari'ena vĩna kɛroo? 9Akũ Dikiri pɔ fɛ̃̀ńyĩ à a tá o.
10Kũ tɛ́luku pìi gò kuta pìla, kusu dà Miriamula gɔ̃̀nɔ, à pura kũ̀ lán buu bà. Kũ Haruna lìtɛ à a gwà, à è kusu dàala, 11akũ à pì Musanɛ: N yã nna Baa! Ǹsun tó ò yɔ̃nkɔyã taarikɛnaa gbɛ̀ lero. 12Ǹsun tó àgɔ̃ de lán nɛ́ kũ ò ì gɛ̀ ũ a mɛ̀ kpado yàkanaa bàro. 13Musa ɔ́ɔ dɔ̀ Dikirinɛ à pì: Luda, n yã nna! Ǹ a werekɔ̃a. 14Akũ Dikiri pìnɛ: Tó a de mɛ́ à lɛ́'i fã̀ a ãnnwa, ani kɛnɛ wé'iyã ũ ari gɔrɔ supplaroo? Ò bo kãao bùra kpɛ gɔrɔ suppla gĩa, gbasa ò a sí. 15Miriamu kú bùra kpɛ ari gɔrɔ suppla. Isarailanɔ dí da zɛ́nlo sé kũ ò ɛ̀ra ò a sì. 16Abire gbɛra ò fùtɛ Azero ò gɛ̀ɛ ò bùraa kàtɛ Parani gbárannan.
Currently Selected:
NARONAA 12: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
