EBERUNƆ 4

1Zaakũ gɛ̃na kámmabokin kũ Luda a lɛ́ sɛ̀ kpɛ́ kun, ò laakari kɛ, de ó gbɛ̃ke sún kurairo. 2Zaakũ o baaru nna mà lán ń bàmɛ, ama yã kũ ò màa pìi àre vĩńnɛro, kũ odi ma kũ ludanaanikɛnaaoro yãi. 3Ókɔ̃nɔ kũ o yã pìi sìnɔ, odì gɛ̃ kámmaboki pìn. Mɔ́kɔ̃nɔ sɔ̃ Luda pì:

Ma la dà kũ pɔfɛ̃o ma pì,

oni gɛ̃ ma kámmabokinlo,

À yã bire ò bee kũ à a zĩ mìi dɛ̀ zaa anduniakatɛna gɔrɔ, 4zaakũ ò gɔrɔ supplade yã ò Luda yãn gukea ò pì, gɔrɔ supplade zĩ Luda kámma bò kũ zĩ kũ à kɛ̀ɛo pínki. 5O mà tera à pì, oni gɛ̃ a kámmabokinlo. 6Zaakũ gbɛ̃ kũ ò baaru nna pìi mà zaa káakunɔ dí gɛ̃nlo, kũ odi síro yãi, akũ a gɛ̃naa gɔ̃̀ gbɛ̃ pãndenɔnɛ. 7Akũ Luda ɛ̀ra à gɔrɔ ke dìtɛ dɔ òdi pi Gbãra, abire gbɛra a gìi kɛ̀ akũ à Dauda gbà lɛ́, à ò lákũ ò ò nà tera:

Tó a a kòtoo mà gbãra,

àsun sãgbãna kɛro.

8Tó Yɔsua gɛ̃̀ kũńwo kámmaboki pìn yã, de Luda dí gɔrɔ pãnde yã o kpɛkpɛro. 9Àkũ mɛ́ à tò kámmaboki gɔ̃̀ Luda gbɛ̃nɔ pɔ́ ũ. 10Zaakũ gbɛ̃ kũ à gɛ̃̀ Luda kámmabokin kámma bò kũ a zĩomɛ, lákũ Luda kámma bò kũ a zĩo nà. 11Tó lɛmɛ, ò wɛ́ tã ò gɛ̃ kámmaboki pìn, de ó gbɛ̃ke sún gí Luda yã mai, à fu lán ń bàro yãi. 12Luda yã bɛ̃nɛ, akũsɔ̃ à gbãna, a lɛ́ nna de fɛ̃nɛda kpa plaplala. Àdi ń zɔ̃ à gɛ̃ nɛ̀sɛɛ gũn ari ninin, àdi gɛ̃ mɛ̀pɛpɛkɛrɛkin ari wá bɔ́rɔgɔn, àdi laasun kũ nɛ̀sɛ yão gwagwa. 13Luda pɔ́kɛna ke utɛnanɛro, a ke kpánɛ guiro. Luda kũ óni ó yãnɔ sɛ́tɛ ò onɛ dì pɔ́ sĩnda pínki e ari a bia.

Yesu de sa'orikinɔla

14Zaakũ ó sa'oriki zɔ̃kɔ̃ kũ ludambɛ wɛ̃̀kɔ̃a ari Luda kĩnaa vĩ Luda Nɛ́ Yesu ũ, ògɔ̃ zɛ́ kũ o sɛ̀ yã kũna gíngin. 15Zaakũ ó sa'oriki vĩ kũ ani fɔ̃ à ó wɛ̃nda dɔ̃ ó gbãnasarikɛ gũn. Ò a yɔ̃̀ ò gwà lán ó bà yã sĩnda pínki gũn, adi durunna kɛro. 16Abire yãi ò na Luda Gbɛ̃kɛkɛnnɛri kíblegbaai kũ swɛ̃̀ɛo kpatɛna, de à ó wɛ́ gwa à gbɛ̃kɛ kɛwɛrɛ a gɔrɔa.

Currently Selected:

EBERUNƆ 4: BB2005

Highlight

Copy

Compare