EBERUNƆ 3

Yesu de Musala

1Abire yãi ma gbɛ̃nɔ, ákɔ̃nɔ kũ Luda á sísi a su a kĩnaanɔ, à laasun lɛ́ Yesu kũ Luda a zĩ̀ Sa'oriki kũ o zɛo ũa. 2Náanidemɛ Luda kũ à a dìtɛnɛ lákũ Musa de nà Luda ɔnn. 3Lákũ ɔnkatɛrii bɛ̀ɛrɛɛ dìgɔ̃ de ɔnla nà, lɛn Yesu gakuri zɔ̃kɔ̃ de Musa pɔ́la lɛ. 4Ɔn sĩnda pínki a kàtɛri vĩ, akũsɔ̃ pɔ́ sĩnda pínki Kàtɛrin Luda ũ. 5Luda ɔn zĩkɛri náaniden Musa ũ, yã kũ Luda ni o sèedademɛ. 6Kirisi sɔ̃ bede pì nɛ́mɛ. Luda a ɔn nànɛ a ɔĩ. Ókɔ̃nɔmɛ ɔn pì ũ, tó ó kpɛ́ ótɛn tãmaa kũ ó vĩ lɛ́ gbɛ̃ kũ kù gbãnao.

Luda gbɛ̃nɔ kámmaboki

7Abire yãi lákũ Luda Nini ò nà:

Tó a Luda kòtoo mà gbãra,

8àsun sãgbãna kɛ lákũ á dizinɔ kɛ̀ nàro,

kũ ò ma lɛ ò ma gwa gɔrɔ kũ ò bò ma kpɛ gbárannan.

9Bee kũ ò ma yãkɛnanɔ è wɛ̃̀ bupla,

ò ma lɛ ò ma gwa gwe, ò ma gbãna lɛ́ gwà.

10Akũ ma pɔ fɛ̃̀ gbɛ̃ pìnɔi,

ma pì gbɛ̃ sãsãnanɔmɛ ń ũ,

odi ma zɛ́nɔ dɔ̃ro.

11Akũ ma la dà ma pɔfɛ̃ gũn ma pì,

oni gɛ̃ ma kámmabokinlo fá.

12Ma gbɛ̃nɔ, à laakari kɛ á gbɛ̃ke súngɔ̃ swɛ̃̀ vãni ludanaanikɛnasari vĩ ari à gɛ́ kɛ̃o Luda Wɛ̃̀ndidearo. 13Gu kũ àdi dɔ kũ adì pi Gbãra pínki, àgɔ̃ lɛ́ dakɔ̃a, de durunna sún á gbɛ̃ke sãtɛ à sãgbãna kũro yãi. 14Zaakũ Kirisi gbɛ̃nɔn ó ũ, tó ó náani kũ ó vĩ zaa káaku kũna gbãnagbãna ari a lɛ́a. 15Lákũ ò ò nà:

Tó a a kòtoo mà gbãra,

àsun sãgbãna kɛ lákũ á dizinɔ kɛ̀ nà

gɔrɔ kũ ò bò ma kpɛro.

16Dínɔn gbɛ̃ kũ ò Luda kòtoo màa ò bò a kpɛnɔ ũ, tó adi kɛ gbɛ̃ kũ Musa ń bɔ́tɛ Misilanɔ baasiroo? 17Dínɔn Luda pɔ fɛ̃̀ńyĩ ari wɛ̃̀ bupla, tó adi kɛ gbɛ̃ kũ ò durunna kɛ̀, ń gɛ̀ɛ gɔ̃̀ katɛna gbáranna gũnnɔ baasiroo? 18Dínɔn à la dàńnɛ kũ oni gɛ̃ a kámmabokinlo, tó adi kɛ gbɛ̃ kũ ò gì a yã mainɔ baasiroo? 19O è kũ odi le ò gɛ̃̀nlo ń ludanaanikɛnasari yãi.

Currently Selected:

EBERUNƆ 3: BB2005

Highlight

Copy

Compare