2 TIMƆTI 2

Kirisi Yesu zĩ̀kari mana

1Mɔkɔ̃n sɔ̃ ma nɛ́, ǹgɔ̃ gbãna kũ gbɛ̃kɛ kũ Luda vĩ kũoo Kirisi Yesu gũnwo. 2Yã kũ n mà ma ò pari wára, ǹ na gbɛ̃ náanidenɔnɛ ń ɔĩ, kũ oni fɔ̃ ò dada gbɛ̃ pãndenɔnɛ. 3Ǹ warikɛna fɔ̃ kũoo Kirisi Yesu zĩ̀kari mana ũ. 4Andunia yã bɔkɔtɛnaa dì do zĩ̀kari kũ à kú zĩ̀lannɛ arɛro, de a yã ká a dikirigu yãi. 5Bàkpakũsũri sɔ̃, tó adi bàa lɛ́ a zɛ́aro, ani zĩ̀blena fùra lero. 6À kũ̀ búbari kũ à zĩ gbãna kɛ̀ a baka sɛ́ káaku. 7Ǹ laasun lɛ́ yã kũ ma òo pìnɔa, zaakũ Dikiri ni n gba ɔ̃ndɔ̃ a pínki gũn.

8Ǹ dɔn kũ Yesu Kirisi bi Dauda burimɛ, akũsɔ̃ à vù bona gan. Baaru nna kũ madì kpán gwe. 9Abire yãin matɛn wari kɛ. Ò mɔ̀ɔ kàma lán dàkɛrii bà, ama Luda yã dí sí mɔ̀ káaro. 10Abire yãi madì yã sĩnda pínki fɔ̃ gbɛ̃ kũ Luda ń sɛ́nɔ yãi, de mɔ́kɔ̃nɔ se Luda ń sura ba, ò gakuri kũ àdi lákaro le kunna Kirisi Yesu gũn. 11Yã díkĩna bi yãpuramɛ:

Tó o ga kãao, ónigɔ̃ kú kãao.

12Tó o mɛna fɔ̃̀, óni kí ble kãao.

Tó o ledi kpài, ani ledi kpáwái se.

13Tó ó náani vĩro, à kpɛ́ náani vĩ,

zaakũ ani we à ledi kpá a zĩdairo.

Dikiri zĩkɛri mana kũ lɛ́kpakɔ̃anaaoro

14Ǹ yã pìnɔ dɔ n gbɛ̃nɔgu, ǹ nańnɛ Ludai òsun lɛ́kpakɔ̃ana kɛ yãnɔ musuro. À àre vĩro, àdi gbɛ̃ kũ òtɛn manɔ yakamɛ. 15Ǹ kokari kɛ de Luda n sáabu kpá, zĩkɛri kũ àdi yã yãpura wɛ̃kɔ̃ańnɛ súsu ũ, kũ wé'i dì a kũ a zĩ yã musuro. 16Ǹ pã yãbɔtɛna pã kũ àdi kɔ̃ sɛ́ kũ Luda yãoronɛ. Àdi gbɛ̃nɔ ludayãdanasari karańnɛmɛ, 17akũ yã kũ òdi dańnɛ dì dańla lán fɔ̃nna bà. Imɛnɛu kũ Filɛtuo kú ń tɛ́. 18Ò kɛ̃̀ yãpuraa, òdi pi ò fùtɛ bona gan kɔ̀, òdi gbɛ̃kenɔ ludanaanikɛnaa yakańnɛ. 19Bee kũ abireo ɛ̃ kũ Luda kpàtɛ zɛna gbãna, ò yã díkĩna kɛ̃̀a: Dikiri gbɛ̃ kũ ò de a pɔ́ ũnɔ dɔ̃. Gbɛ̃ kũ àdi Dikiri sísi mì kɛ̃ yã vãnia.

20Ɔn da dìgɔ̃ pɔ́nɔ vĩ dasi. Ò a kenɔ kɛ̀ kũ wuraao kũ andurufuuo yãtikisikɛbɔ ũ, akũsɔ̃ ò a kenɔ kɛ̀ kũ lío kũ gbĩ̀io yãfitikɛbɔ ũ. 21Tó gbɛ̃ ɔ bɔ̀tɛ yã bɛ̀ɛrɛsari gũn, ani gɔ̃ yãtikisikɛbɔ ũ, anigɔ̃ anfãni vĩ Dikirinɛ, anigɔ̃ kú adona yãmanakɛna pínki soru gũn. 22Ǹ bàa sí kɛfɛnna pɔ́nidɛnanɔnɛ, ǹ tó manakɛna kũ ludanaanikɛnaao kũ yenyĩo kũ kunna kũ kɔ̃o nnao donnɛ arɛ lɛɛlɛ kũ gbɛ̃ kũ òdi Dikiri sísi kũ nɛ̀sɛpuraonɔ. 23Ǹ ɔ bɔtɛ mìsari lɛ́kpakɔ̃ana kũ à dɔ̃na ke vĩron. Ń dɔ̃ kũ àdi fìti da. 24À mana Dikiri zɔ̀bleri gɔ̃ fìti vĩro. A nɛ̀sɛ gɔ̃ do kũ gbɛ̃ sĩnda pínkio, yãdannɛri mana kũ àdi gbɛ̃ fɔ̃ ũ, 25à gbɛ̃ kũ òdi a yã síronɔ gba laakari busɛbusɛ. Òdigɔ̃ dɔ̃ro ke Luda ni fɔ̃ à ń gba zɛ́ ò nɛ̀sɛ litɛ ò yãpura sí, 26ò bo Ibilisi kũ à ń kũ à ń dá a pɔyenyĩnaa gũn bàn, ń laakari suḿma.

Currently Selected:

2 TIMƆTI 2: BB2005

Highlight

Copy

Compare