2 KƆRINTIDENƆ 8
8
Kɔ̃kamazakɛnaa
1Ó gbɛ̃nɔ, ó ye àgɔ̃ gbɛ̃kɛ kũ Luda kɛ̀ Masedonia bùsu sɔsinɔ gbɛ̃nɔnɛ dɔ̃. 2Ń yɔ̃ogwanaa kũ wɛ́tãmma pãsĩo gũn, ń pɔ kɛ̀ nna manamana, akũ bee kũ ń takaside búgubugukɛo ò gba dàńnɛ à gɛ̃̀ ɔla. 3Ma òárɛ ò gba dà kũ nɛ̀sɛ mɛ̀n doo ń gbãna lɛ́n, à de ń gbãnala se. 4Ò wɛ́ kɛ̀wá ń zĩda, ò kútɛ kɛ̀wɛrɛ manamana, ò ń gba zɛ́ ń ɔ le àgɔ̃ kú Luda gbɛ̃nɔ kámazakɛnaa gũn. 5Ò kɛ̀ de pɔ́ kũ ó wɛ́ dɔila, ò ń zĩda kpà Dikiria gĩa kũ ókɔ̃nɔ dɔ Luda pɔyenyĩnaa gũn. 6Abire yãi o wɛ́ kɛ̀ Titua à gɛ́ kámaza yã kũ à nàa á tɛ́ lakiti kɛ. 7Zaakũ á gbãna yã sĩnda pínki gũn, ludanaanikɛnaa kũ yã'onaao kũ dɔ̃naao kũ yã sĩnda pínki aniao kũ yenyĩ kũ á vĩ kũooo, àgɔ̃ gbãna kámaza pì kɛnaa gũn dɔ.
8Adi kɛ matɛn yã ditɛárɛnlo, ania kũ gbɛ̃ pãndenɔ kɛ̀ɛn matɛn oárɛ, de mà á yenyĩ yãpura dɔ̃. 9Á ó Dikiri Yesu Kirisi gbɛ̃kɛ dɔ̃. Pɔ́de inaa gɔ̃̀ pɔ́saride ũ á yãi, akũ a pɔ́saridekɛ gũn à á kɛ́ pɔ́denɔ ũ. 10Lákũ ma è nà yã pìi musun dí: À kũ̀ ákɔ̃nɔ kũ a zɛ kũ yã pìio zaa muniyã akũsɔ̃ átɛn kɛnɔ, 11à yã pì lakiti kɛ sà. Zaakũ á soru kɛ̀ kũ a kɛnaao, à kɛ á gbãna lɛ́n. 12Tó gbɛ̃ gba dà kũ nɛ̀sɛ mɛ̀n doo pɔ́ kũ à vĩ lɛ́n, adi kɛ kũ pɔ́ kũ à vĩronlo, abire mɛ́ àdi ká. 13Adi kɛ matɛn aso lago gbɛ̃ pãndenɔnɛ, matɛn diárɛnlo, de à kɛ lɛɛlɛmɛ. 14Tera lán dí bà zaakũ pɔ́ dìái, à kpá gbɛ̃ kũ pɔ́ àdi kĩammanɔa, de zĩkea tó pɔ́ dìńyĩ, akũsɔ̃ pɔ́ kĩ̀aáwa, ò kpááwa. Lán abire bà ánigɔ̃ lɛɛlɛ. 15Lákũ à kɛ̃na Luda yãn nà ò pì:
Gbɛ̃ kũ à sɛ̀tɛ zɔ̃kɔ̃ pɔ́ dí dialaro,
gbɛ̃ kũ à sɛ̀tɛ fíti pɔ́ dí kĩaro.
Titunɔ yã
16Ma sáabu kɛ̀ kũ Ludao, kũ à tò á yã kú Titu swɛ̃̀n lákũ à kú ma swɛ̃̀n nà se. 17À ó yã mà, a mɛ̀ɛ wã̀ à su á gwa, lákũ a pɔ yei nà. 18Ó gbɛ̃ do kũ a tɔ́ dàgula sɔsinɔ gbɛ̃nɔ tɛ́ ń pínki baarunnakpanaa musun o dànɛ. 19Abire gbɛra dɔ sɔsinɔ gbɛ̃nɔ a dà à gɛ́ kũoo kámaza zĩ kũ ótɛn kɛ kɛ. Ótɛn zĩ pì kɛ Dikiri tɔ́bona yãimɛ kũ ania kũ ó vĩo. 20Ó ye gbɛ̃ke ó taari e lákũ ótɛn kɛ nà kũ gba zɔ̃kɔ̃ kũ à na ó ɔĩ yãoro. 21Adi kɛ yã kũ à mana Dikirinɛɛn ótɛn pɛ́a adoro, yã kũ à mana bisãsirinɔnɛmɛ se. 22O ó gbɛ̃ndo pãnde dàńnɛ dɔ. O a laakarii gwà a lɛ́ vĩro, o è à ania vĩ yã sĩnda pínki gũn, akũsɔ̃ a ania ɛ̀ra à kàra tera, kũ à á náanikɛna yãi. 23Titu dake sɔ̃, ma zĩkɛri dake kũ odì á mana wɛtɛ lɛɛlɛn a ũ. Ó gbɛ̃ kparanɔ sɔ̃, sɔsinɔ gbɛ̃nɔ zĩ̀rinɔmɛ, mɔ́kɔ̃nɔmɛ Kirisi tɔ́borinɔ ũ. 24Abire yãi à mɔńnɛ kũ á yeńyĩ, de sɔsi gbɛ̃ pìnɔ gɔ̃ dɔ̃ kũ lɛ́ kũ ótɛn gbɛ̃ á yã musu bi yãpuramɛ.
Currently Selected:
2 KƆRINTIDENƆ 8: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
