2 KƆRINTIDENƆ 6
6
1Zaakũ Luda zĩkɛri dakenɔn ó ũ, o kútɛ kɛ̀árɛ, àsun Luda gbɛ̃kɛ sí à a kɛ pãro. 2Luda pì:
Ma n yã mà a gɔrɔa,
ma kpanyĩ surabana gɔrɔ.
Gɔrɔ kà sà, gbãramɛ surabana gɔrɔ pì ũ.
3Odì yã kũ ani tó gbɛ̃ fu kɛro, de òsun ó zĩ taari lero yãi. 4Odì ó zĩda mɔ gbɛ̃nɔnɛ zɛ́ sĩnda pínki gũn kũ Luda zĩkɛrinɔn ó ũ. Odì mɛna fɔ̃ manamana kũ takasio kũ wario kũ wɛ́tãmmanaao. 5Ò ó gbɛ̃, ò ó ká kpɛ́siran, ò fùtɛwái. O zĩ gbãna kɛ̀, ódi le o i òro, nà ó dɛ́. 6O mɔ̀ńnɛ kũ nɛ̀sɛpurao kũ dɔ̃naao kũ sùruuo kũ manakɛnaao kũ Luda Ninio kũ yenyĩ manafiki sario 7kũ yãpura'onaao kũ Luda gbãnao. Ó yãmanakɛbɔnɔ kũna ó ɔplan kũ ó ɔzɛo. 8Òdi ó kpe ta, òdi ó kpe bo. Òdi ó tɔ́ vãni sí, òdi ó tɔ́ nna sí. Yãpuradenɔn ó ũ, akũ òdi ó ditɛ manafikidenɔ ũ. 9Tɔ́denɔn ó ũ, akũ òdi ó ditɛ lán gbɛ̃ kũ ò ń dɔ̃ronɔ bà. Ó bɛ̃nɛmɛ fá, akũ òdi ó ditɛ gɛ̀nɔ ũ. Òdi ó ditɛ pɔ́gbɛ̃nanɔ ũ, ama òdi ó dɛro. 10Ó pɔ dìgɔ̃ nnamɛ, akũ òdigɔ̃ ó ditɛ pɔsiradenɔ ũ. Odì gbɛ̃nɔ kɛ aruzɛkɛdenɔ ũ dasi, akũ òdigɔ̃ ó ditɛ takasidenɔ ũ. Ó pɔ́ sĩnda pínki vĩ, akũ òdigɔ̃ ó ditɛ pɔ́saridenɔ ũ.
11Kɔrintidenɔ, o yã òárɛ súsu, o ó nɛ̀sɛɛ wɛ̃̀árɛ. 12Ódi ó nɛ̀sɛgũnyã utɛárɛro, ama a á pɔ́ ùtɛwɛrɛ. 13Ma yã òárɛ lán ma nɛ́nɔ bà. Lákũ o ó nɛ̀sɛɛ wɛ̃̀árɛ nà, à á nɛ̀sɛ wɛ̃wɛrɛ lɛ se.
Àsun kɛ lɛɛlɛ kũ Yesusaridenɔoro
14Àsun kɛ dokɔ̃nɔ kũ Yesusaridenɔoro. Yã mana bàka ũgba kũ a vãnioo? Bɔ́n gupura kũ gusirao vĩ kũ kɔ̃oo? 15Kirisi yã ni kɔ̃ sí kũ Setan pɔ́o deramɛɛ? Deramɛ Yesude bàka nigɔ̃ kú kũ Yesusarideoo? 16Luda kpɛ́ dì kɔ̃ sí kũ tãnanɔo yá? Zaakũ Luda Wɛ̃̀ndide kpɛ́n ó ũ, lákũ à ò nà:
Manigɔ̃ kú kũńwo, manigɔ̃ kure ń tɛ́,
manigɔ̃ de ń Luda ũ,
onigɔ̃ de ma gbɛ̃nɔ ũ.
17Abire yãi Dikiri pì:
À kɛ̃ḿma, àgɔ̃ kú ádona,
àsun ɔ na pɔ́ gbãsĩaro,
mani á sí, 18manigɔ̃ denɛ De ũ,
ánigɔ̃ de ma nɛ́gɔ̃gbɛ̃nɔ ũ kũ ma nɛ́nɔgbɛ̃nɔ.
Dikiri Gbãnasĩndapinkide mɛ́ à ò.
Currently Selected:
2 KƆRINTIDENƆ 6: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
