1 ITI̍MŌTI 5
5
U̍ku̍rɔ̍ ɔya̍ de āchɛ yī Ikra̍yisi
1A ā ka alābi̍ tāa anyāku̍ angrɔ̄ɔ ni̍. Ka de wa̍ la ɔmlɛ̍ɛ̍ bɔ̄ɔjā nīi e̍ - a̍dā yī wɔ nɛ̄ɛ ma̍. Yɛ̍ɛ̄lā tāa aye̍kre̍biya bāa aɛ̍nɛ̍ yī wɔ anāngrɔ̄ɔ ma̍. 2Yɛ̍ɛ̄lā tāa anyāku̍ anyā bɔ̄ɔjā nīi e̍ - ɛ̍nɛ̍ yī wɔ nɛ̄ɛ ma̍. Yɛ̍ɛ̄lā tāa aya̍cha̍ānyā bāa aɛ̍nɛ̍ yī wɔ anānyā ma̍. Yɛ̍ɛ̄lā nīi lɛ tri̍di̍di̍ ma̍ tāa aa̍ wa̍a̍.
3Ya̍ otūlichō yī āchɛ nīi - anyōkū gba̍a yɛ ē yɛ̍ɛ̄lā bāa anyōkū ma̍. 4Onyōkū nīi ge̍ chī lɛ ayi̍ kɛ̄ɛ aya̍āyi̍ we̍, ayi̍ ɛla̍ā ge̍ jo̍ōkū nīi e̍ ge̍ē kla̍ āchɛ nīi ma wa̍ ma̍ ba̍la ɔ̍kɔ̄kū yī wā ure̍ yī lɛlā bɛ̍ɛ̄nɛ̄. Wu̍chē oji̍ nɛ, oli̍ngɔ̍ɔ hi Ɔwɔ ɔtū a̍nɛ. 5Ɔnyā nīi - onyōkū lēchi̍ lēchi̍ nīi i̍ lɛ ɔ̄chɔ̄chɛ odeyīrɛ ɔ̍ ni̍ ma̍, anu̍ ē deyīche Ɔwɔ ke̍e̍ a̍nɛ. O̍ ē jɔhā de Ɔwɔ ka ɔ̍lɔ ge̍ tū anu̍ wɔbɔ̄ la yɛnɔ la otu̍. 6Onyōkū nīi tu̍ hī ibi̍īyē yī nū wa̍a̍ lā de ɔhɔ̄leyī ɔyɔ̍ɔ̄ya̍ ma̍, o̍ ge̍ e̍e hɔ̄hɔ̄leyī we̍, o̍ re̍ka o̍ ko̍ōku̍ mɛ̍. 7Koko̍o yī lɛlā nūma̍ de wa̍ nīi e̍ ge̍ ya̍ i̍ngɔ̍ɔ hɛ̄ɛbɛ nīi lɛfiyɛ ɔha̍lɔha̍ ge̍ e̍e hɔ̄ la ibi̍īyē yī wā ni̍. 8Ɔ̄chɛ nīi i̍ ge̍ chī chɛ̄ deyīrɛ aɛ̍nɛ̍ yī nū kɛ̄ɛ i̍ngɔ̍ɔ ni̍, āchɛ yī anu̍ ɔlɔjā pi̍i̍ ni̍, ɔ̍lɔma̍, re̍ka ɔlɔjā hi̍hi̍yo̍ yī ɔpɔ̄pū yī lɛlā Ɔwɔ nīi ɔlɔjā chɛ̄ ma̍. Ɔla̍ā, re̍ka iyī ɔlɔjā dwɔ̄bi̍ pɛtɛpɛtɛ hi̍ ɔ̄chɛ nīi i̍ chɛ̄ku Ɔwɔ ni̍ ma̍.
9A ā ka anyōkū ɛha̍lɛha̍ tū ba̍la enīi tū abɔ̍ɔ o̍bū ma̍ gɛ ni̍. A ge̍ yɛ ge̍ē ka ɔha̍ ē tū ba̍la ehēhī i̍ngɔ̍ɔ, ɔ̍lɔma̍ ɔnyā nīi gla lɛ̍yi̍ ohu ɛta̍ ta̍ ma̍ nīi a ge̍ē ka ē tū a̍nɛ. Chɔba la ɔla̍ā, lɛba̍ ūkpo̍he nīi ɔlɔjā ba̍ i̍ngɔ̍ɔ o̍bū a̍nɛ. 10Ɔnyā ɔlɔjā ge̍ re̍ka ɔ̄chɛ nīi lɛlā ɔnɛ̄ɛhɛhi ɔyɔ̍ɔ̄ya̍ yī nū ro̍ohu ma̍; ɔnyā nīi ngū ayi̍ yī nū lɛlā hwɔhi hwɔhi ma̍; ɔnyā nīi ē bī āchɔga ē ga wɔlɛ̍ ma̍; ɔnyā nīi ē kɔ̄ yenyi na āchɛ yī Ɔwɔ ikpo̍ ma̍; ɔnyā nīi tū āchɛ nīi akanya hɔ̄ de wa̍ wɔbɔ̄ ma̍; ɔnyā nīi de iyī nū lā ke̍e̍ de u̍ku̍rɔ̍ ɔnɛ̄ɛhɛhi ita ɔha̍lɔha̍ wa̍a̍ la ɔyɔ̍ɔ̄ya̍ ma̍.
11A ā ka aya̍cha̍ānyā nīi - anyōkū ma̍ tū la anyōkū ehēhī ni̍. Wu̍chē oji̍ nɛ, lɛba̍ ge̍ yɛ ē hla̍ āā la ɔbɔ̍ɔ̄ba̍, e̍ ge̍ē chōo̍chē ku̍ ē pīya ē hī Ikra̍yisi. 12Bū la ɛbɛ ɔla̍ā, e̍ ge̍ē gblɛfiyɛ wu̍chē yī oko̍o ochōche ɔrāarāa yī wā nīi e̍ de bīya ma̍. 13Ɔha̍ yī nū, e̍ ē jwɔ̍ɔnyɛ yī ɔnāa yɛ̄grāa ta̍anū gāa ta̍ wɔlɔ̍lɛ̍ ta̍ ɔ̄kɔ̄kū. Onīi - ɔdwɔ̄bi̍ ɔdwɔnyɛ ma̍, e̍ jwɔ̍ɔnyɛ yī ɔka la āchɛ; e̍ ē chikpo̍ yī ɔti̍ya lɛlā yī āchɛ tū; e̍ ē kɛlā nīi i̍ ngma̍ la ɔkɔ̄ka yī wā ni̍ ma̍ bɛ̍ɛ̍. 14Wu̍chē yī ɔla̍ā, o̍ ge̍ amami nɛ, anyōkū wa̍a̍ nīi - a̍cha̍ānyā we̍ ma̍ ge̍ chōo̍chē blɛ̍ba̍, ma ayi̍, hɔ̄ deyīrɛ wɔlɛ̍. E̍ ge̍ ya̍ i̍ngɔ̍ɔ, hɛ̄ɛbɛ nīi aluji yī alɔ ge̍ e̍e ma̍ ɛbɛbɛ bī ka ɔdwɔ̄bi̍ yī alɔ ni̍. 15Wu̍chē oji̍ nɛ, anyōkū ɛha̍ ku̍ pīya hī Ikra̍yisi ge̍ tū tāa Isa̍tan mɛ̍. 16Ɔnyā nīi - ɔ̄chɛ yī Iji̍sɔ̄ɔsi ma̍ ge̍ lɛ anyōkū gblāa abɔ̍ɔ la wɔma yī nū, ɔlɔjā ge̍ deyīrɛ wa̍; o̍ ge̍ e̍e tu̍labɔ̄ hī iho̍ ɔlyɛnu̍ ɔla̍ā wa̍a̍ de ogrēeyī yī āchɛ yī Ɔwɔ ni̍. E̍ ge̍ ya̍ i̍ngɔ̍ɔ hɛ̄ɛbɛ nīi ogrēeyī yī āchɛ yī Ɔwɔ ɔla̍ā ge̍ jɔ̍ɔkɔ deyīrɛ anyōkū nīi i̍ lɛ āchɛ ni̍ ma̍.
17Ɛgabɔ̄ yī ogrēeyī yī āchɛ yī Ɔwɔ nīi yɛ ē ya̍ u̍ku̍rɔ̍ hwɔhi hwɔhi bāa alɛhu̍ ma̍, o̍ ngma̍ nīi e̍ ē nāa ure̍ ikɛpa. Ɛgabɔ̄ ɛla̍ā nīi yɛ ē ya̍ u̍ku̍rɔ̍ gba̍a yɛ ē kɛlā yī Ɔwɔ chī gba̍a yɛ ē ngū āchɛ lɛlā ma̍ nɛ. 18Wu̍chē oji̍ nɛ, Īpū yī Ɔwɔ ka hīka, “Ɔbi̍yɛna nīi a ya̍ nīi o̍ yɛ ē ru̍ igu ē de wɔ ma̍, a ā de ɔjā wā ɔ̄ la oko̍o ni̍.” Ɔha̍ gba̍a ka hīka, “Olu̍ku̍rɔ̍ ngma̍ la ori̍ile yī abɔ̄ u̍ku̍rɔ̍ yī nū.” 19A ā po̍ wɔ̍na yī lɛlā ɔha̍lɔha̍ nīi e̍ ge̍ ka ku̍ ɔgabɔ̄ ɔha̍ ma̍ ni̍; ɔ̍chi̍kpa̍kpa̍ o̍ bū la oko̍o yī āchɛ ɛpa kɛ̄ɛ ɛta̍ o̍bū. 20Ka alābi̍ ta̍ āchɛ nīi yɛ̍ɛ̄lā ɔdwɔ̄bi̍ ma̍ la ɔgbādu hɛ̄ɛbɛ nīi āchɛ ehēhī ge̍ tūuhwi.
21La iyɔ̄bū yī Ɔwɔ, ba̍la iyī Ikra̍yisi Iji̍sɔ̄ɔsi, ba̍la iyī ayɛ̍ɛ̄chɛ̄rɔ̄ ɔnɛ̄ɛhɛhi, n koko̍o de wɔ mɛ̍! Ya̍ lɔkɔ nīi n ka de wɔ wa̍a̍ hɔ̄ ma̍ ma̍. A ā chabɔ̄ yī ɔta̍anyī kɛ̄ɛ ɔhɔtū ita ɔha̍ hu̍ ɔ̄chɔ̄chɛ lɛ̍kɛ̍kɔ̍ la ɔjāha̍ ɔjāha̍ wa̍a̍ nīi a ge̍ē ya̍ ma̍ ni̍. 22A ā kɔ̄leyī yī abɔ̄ ode che ɔ̄chɛ ɔha̍ lɛhu̍ wu̍chē yī u̍ku̍rɔ̍ yī Ādā la ɔyɔ̍ɔ̄ya̍ ni̍. A ā tābɔ̄ la lɛlā ɔdwɔ̄bi̍ yī āchɛ ni̍. De iyī wɔ lā cha̍ri̍cha̍ri̍.
23A ā gwa̍ yenyenyi ke̍e̍ i̍ngɔ̍ɔ gɛ ni̍. Gwa̍ ɛ̍mwɔ̄ pi̍nyɛ̍ i̍ngi̍ngɔ̍ɔ, hɛ̄ɛbɛ nīi o̍ ge̍ tū lipu̍ yī wɔ wɔbɔ̄, ma̍a a yɛ ē de ē kwi̍īyē pa̍pa̍ ɔ̄kɔ̄kū.
24Lɛlā ɔdwɔ̄bi̍ nīi āchɛ ē ya̍ ma̍ ē lā bāa ogēdēgēdē ma̍ nīi āchɛ ē ma̍. I̍ngi̍ngɔ̍ɔ nīi lɛlā ɔdwɔ̄bi̍ yī wā ɔ̍lɔma̍ ē yɔbū de wa̍ ē gāa lɛpɔ̄ ɔhɔ̍ɔ̄hɛ̍ yī Ɔwɔ a̍nɛ. Lɛlā ɔdwɔ̄bi̍ yī ibiha̍ ma̍ ē lā kpɛɛ o̍bū nīi e̍ ē ma̍ ɔ̄. 25Gala ɔgɔgu ɔla̍ā titi, lɛlā ɔnɛ̄ɛhɛhi ɔyɔ̍ɔ̄ya̍ ē lā gēdēgēdē nīi āchɛ ē ma̍. Enīi i̍ ē lɔ̄lā gēdēgēdē i̍ngɔ̍ɔ ē mɛ ni̍ ma̍, ɔ̄chɛ i̍ ē chī ta̍ ɔ̄ trɛ̍ba ē mɛ ni̍.
Currently Selected:
1 ITI̍MŌTI 5: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 ITI̍MŌTI 5
5
U̍ku̍rɔ̍ ɔya̍ de āchɛ yī Ikra̍yisi
1A ā ka alābi̍ tāa anyāku̍ angrɔ̄ɔ ni̍. Ka de wa̍ la ɔmlɛ̍ɛ̍ bɔ̄ɔjā nīi e̍ - a̍dā yī wɔ nɛ̄ɛ ma̍. Yɛ̍ɛ̄lā tāa aye̍kre̍biya bāa aɛ̍nɛ̍ yī wɔ anāngrɔ̄ɔ ma̍. 2Yɛ̍ɛ̄lā tāa anyāku̍ anyā bɔ̄ɔjā nīi e̍ - ɛ̍nɛ̍ yī wɔ nɛ̄ɛ ma̍. Yɛ̍ɛ̄lā tāa aya̍cha̍ānyā bāa aɛ̍nɛ̍ yī wɔ anānyā ma̍. Yɛ̍ɛ̄lā nīi lɛ tri̍di̍di̍ ma̍ tāa aa̍ wa̍a̍.
3Ya̍ otūlichō yī āchɛ nīi - anyōkū gba̍a yɛ ē yɛ̍ɛ̄lā bāa anyōkū ma̍. 4Onyōkū nīi ge̍ chī lɛ ayi̍ kɛ̄ɛ aya̍āyi̍ we̍, ayi̍ ɛla̍ā ge̍ jo̍ōkū nīi e̍ ge̍ē kla̍ āchɛ nīi ma wa̍ ma̍ ba̍la ɔ̍kɔ̄kū yī wā ure̍ yī lɛlā bɛ̍ɛ̄nɛ̄. Wu̍chē oji̍ nɛ, oli̍ngɔ̍ɔ hi Ɔwɔ ɔtū a̍nɛ. 5Ɔnyā nīi - onyōkū lēchi̍ lēchi̍ nīi i̍ lɛ ɔ̄chɔ̄chɛ odeyīrɛ ɔ̍ ni̍ ma̍, anu̍ ē deyīche Ɔwɔ ke̍e̍ a̍nɛ. O̍ ē jɔhā de Ɔwɔ ka ɔ̍lɔ ge̍ tū anu̍ wɔbɔ̄ la yɛnɔ la otu̍. 6Onyōkū nīi tu̍ hī ibi̍īyē yī nū wa̍a̍ lā de ɔhɔ̄leyī ɔyɔ̍ɔ̄ya̍ ma̍, o̍ ge̍ e̍e hɔ̄hɔ̄leyī we̍, o̍ re̍ka o̍ ko̍ōku̍ mɛ̍. 7Koko̍o yī lɛlā nūma̍ de wa̍ nīi e̍ ge̍ ya̍ i̍ngɔ̍ɔ hɛ̄ɛbɛ nīi lɛfiyɛ ɔha̍lɔha̍ ge̍ e̍e hɔ̄ la ibi̍īyē yī wā ni̍. 8Ɔ̄chɛ nīi i̍ ge̍ chī chɛ̄ deyīrɛ aɛ̍nɛ̍ yī nū kɛ̄ɛ i̍ngɔ̍ɔ ni̍, āchɛ yī anu̍ ɔlɔjā pi̍i̍ ni̍, ɔ̍lɔma̍, re̍ka ɔlɔjā hi̍hi̍yo̍ yī ɔpɔ̄pū yī lɛlā Ɔwɔ nīi ɔlɔjā chɛ̄ ma̍. Ɔla̍ā, re̍ka iyī ɔlɔjā dwɔ̄bi̍ pɛtɛpɛtɛ hi̍ ɔ̄chɛ nīi i̍ chɛ̄ku Ɔwɔ ni̍ ma̍.
9A ā ka anyōkū ɛha̍lɛha̍ tū ba̍la enīi tū abɔ̍ɔ o̍bū ma̍ gɛ ni̍. A ge̍ yɛ ge̍ē ka ɔha̍ ē tū ba̍la ehēhī i̍ngɔ̍ɔ, ɔ̍lɔma̍ ɔnyā nīi gla lɛ̍yi̍ ohu ɛta̍ ta̍ ma̍ nīi a ge̍ē ka ē tū a̍nɛ. Chɔba la ɔla̍ā, lɛba̍ ūkpo̍he nīi ɔlɔjā ba̍ i̍ngɔ̍ɔ o̍bū a̍nɛ. 10Ɔnyā ɔlɔjā ge̍ re̍ka ɔ̄chɛ nīi lɛlā ɔnɛ̄ɛhɛhi ɔyɔ̍ɔ̄ya̍ yī nū ro̍ohu ma̍; ɔnyā nīi ngū ayi̍ yī nū lɛlā hwɔhi hwɔhi ma̍; ɔnyā nīi ē bī āchɔga ē ga wɔlɛ̍ ma̍; ɔnyā nīi ē kɔ̄ yenyi na āchɛ yī Ɔwɔ ikpo̍ ma̍; ɔnyā nīi tū āchɛ nīi akanya hɔ̄ de wa̍ wɔbɔ̄ ma̍; ɔnyā nīi de iyī nū lā ke̍e̍ de u̍ku̍rɔ̍ ɔnɛ̄ɛhɛhi ita ɔha̍lɔha̍ wa̍a̍ la ɔyɔ̍ɔ̄ya̍ ma̍.
11A ā ka aya̍cha̍ānyā nīi - anyōkū ma̍ tū la anyōkū ehēhī ni̍. Wu̍chē oji̍ nɛ, lɛba̍ ge̍ yɛ ē hla̍ āā la ɔbɔ̍ɔ̄ba̍, e̍ ge̍ē chōo̍chē ku̍ ē pīya ē hī Ikra̍yisi. 12Bū la ɛbɛ ɔla̍ā, e̍ ge̍ē gblɛfiyɛ wu̍chē yī oko̍o ochōche ɔrāarāa yī wā nīi e̍ de bīya ma̍. 13Ɔha̍ yī nū, e̍ ē jwɔ̍ɔnyɛ yī ɔnāa yɛ̄grāa ta̍anū gāa ta̍ wɔlɔ̍lɛ̍ ta̍ ɔ̄kɔ̄kū. Onīi - ɔdwɔ̄bi̍ ɔdwɔnyɛ ma̍, e̍ jwɔ̍ɔnyɛ yī ɔka la āchɛ; e̍ ē chikpo̍ yī ɔti̍ya lɛlā yī āchɛ tū; e̍ ē kɛlā nīi i̍ ngma̍ la ɔkɔ̄ka yī wā ni̍ ma̍ bɛ̍ɛ̍. 14Wu̍chē yī ɔla̍ā, o̍ ge̍ amami nɛ, anyōkū wa̍a̍ nīi - a̍cha̍ānyā we̍ ma̍ ge̍ chōo̍chē blɛ̍ba̍, ma ayi̍, hɔ̄ deyīrɛ wɔlɛ̍. E̍ ge̍ ya̍ i̍ngɔ̍ɔ, hɛ̄ɛbɛ nīi aluji yī alɔ ge̍ e̍e ma̍ ɛbɛbɛ bī ka ɔdwɔ̄bi̍ yī alɔ ni̍. 15Wu̍chē oji̍ nɛ, anyōkū ɛha̍ ku̍ pīya hī Ikra̍yisi ge̍ tū tāa Isa̍tan mɛ̍. 16Ɔnyā nīi - ɔ̄chɛ yī Iji̍sɔ̄ɔsi ma̍ ge̍ lɛ anyōkū gblāa abɔ̍ɔ la wɔma yī nū, ɔlɔjā ge̍ deyīrɛ wa̍; o̍ ge̍ e̍e tu̍labɔ̄ hī iho̍ ɔlyɛnu̍ ɔla̍ā wa̍a̍ de ogrēeyī yī āchɛ yī Ɔwɔ ni̍. E̍ ge̍ ya̍ i̍ngɔ̍ɔ hɛ̄ɛbɛ nīi ogrēeyī yī āchɛ yī Ɔwɔ ɔla̍ā ge̍ jɔ̍ɔkɔ deyīrɛ anyōkū nīi i̍ lɛ āchɛ ni̍ ma̍.
17Ɛgabɔ̄ yī ogrēeyī yī āchɛ yī Ɔwɔ nīi yɛ ē ya̍ u̍ku̍rɔ̍ hwɔhi hwɔhi bāa alɛhu̍ ma̍, o̍ ngma̍ nīi e̍ ē nāa ure̍ ikɛpa. Ɛgabɔ̄ ɛla̍ā nīi yɛ ē ya̍ u̍ku̍rɔ̍ gba̍a yɛ ē kɛlā yī Ɔwɔ chī gba̍a yɛ ē ngū āchɛ lɛlā ma̍ nɛ. 18Wu̍chē oji̍ nɛ, Īpū yī Ɔwɔ ka hīka, “Ɔbi̍yɛna nīi a ya̍ nīi o̍ yɛ ē ru̍ igu ē de wɔ ma̍, a ā de ɔjā wā ɔ̄ la oko̍o ni̍.” Ɔha̍ gba̍a ka hīka, “Olu̍ku̍rɔ̍ ngma̍ la ori̍ile yī abɔ̄ u̍ku̍rɔ̍ yī nū.” 19A ā po̍ wɔ̍na yī lɛlā ɔha̍lɔha̍ nīi e̍ ge̍ ka ku̍ ɔgabɔ̄ ɔha̍ ma̍ ni̍; ɔ̍chi̍kpa̍kpa̍ o̍ bū la oko̍o yī āchɛ ɛpa kɛ̄ɛ ɛta̍ o̍bū. 20Ka alābi̍ ta̍ āchɛ nīi yɛ̍ɛ̄lā ɔdwɔ̄bi̍ ma̍ la ɔgbādu hɛ̄ɛbɛ nīi āchɛ ehēhī ge̍ tūuhwi.
21La iyɔ̄bū yī Ɔwɔ, ba̍la iyī Ikra̍yisi Iji̍sɔ̄ɔsi, ba̍la iyī ayɛ̍ɛ̄chɛ̄rɔ̄ ɔnɛ̄ɛhɛhi, n koko̍o de wɔ mɛ̍! Ya̍ lɔkɔ nīi n ka de wɔ wa̍a̍ hɔ̄ ma̍ ma̍. A ā chabɔ̄ yī ɔta̍anyī kɛ̄ɛ ɔhɔtū ita ɔha̍ hu̍ ɔ̄chɔ̄chɛ lɛ̍kɛ̍kɔ̍ la ɔjāha̍ ɔjāha̍ wa̍a̍ nīi a ge̍ē ya̍ ma̍ ni̍. 22A ā kɔ̄leyī yī abɔ̄ ode che ɔ̄chɛ ɔha̍ lɛhu̍ wu̍chē yī u̍ku̍rɔ̍ yī Ādā la ɔyɔ̍ɔ̄ya̍ ni̍. A ā tābɔ̄ la lɛlā ɔdwɔ̄bi̍ yī āchɛ ni̍. De iyī wɔ lā cha̍ri̍cha̍ri̍.
23A ā gwa̍ yenyenyi ke̍e̍ i̍ngɔ̍ɔ gɛ ni̍. Gwa̍ ɛ̍mwɔ̄ pi̍nyɛ̍ i̍ngi̍ngɔ̍ɔ, hɛ̄ɛbɛ nīi o̍ ge̍ tū lipu̍ yī wɔ wɔbɔ̄, ma̍a a yɛ ē de ē kwi̍īyē pa̍pa̍ ɔ̄kɔ̄kū.
24Lɛlā ɔdwɔ̄bi̍ nīi āchɛ ē ya̍ ma̍ ē lā bāa ogēdēgēdē ma̍ nīi āchɛ ē ma̍. I̍ngi̍ngɔ̍ɔ nīi lɛlā ɔdwɔ̄bi̍ yī wā ɔ̍lɔma̍ ē yɔbū de wa̍ ē gāa lɛpɔ̄ ɔhɔ̍ɔ̄hɛ̍ yī Ɔwɔ a̍nɛ. Lɛlā ɔdwɔ̄bi̍ yī ibiha̍ ma̍ ē lā kpɛɛ o̍bū nīi e̍ ē ma̍ ɔ̄. 25Gala ɔgɔgu ɔla̍ā titi, lɛlā ɔnɛ̄ɛhɛhi ɔyɔ̍ɔ̄ya̍ ē lā gēdēgēdē nīi āchɛ ē ma̍. Enīi i̍ ē lɔ̄lā gēdēgēdē i̍ngɔ̍ɔ ē mɛ ni̍ ma̍, ɔ̄chɛ i̍ ē chī ta̍ ɔ̄ trɛ̍ba ē mɛ ni̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)