1 ITI̍MŌTI 6
6
1Āchɛ wa̍a̍ nīi - afiyɛ ma̍ ge̍ nāa abā yī wā bāa āchɛ nīi ngma̍ nīi e̍ ē de otūlichō ɔlamu ɔlamu ē de wa̍ ma̍. E̍ ge̍ ya̍ i̍ngɔ̍ɔ hɛ̄ɛbɛ nīi ɔ̄chɔ̄chɛ ge̍ e̍e ka ɔdwɔ̄bi̍ yī Ɔwɔ kɛ̄ɛ lɛlā nīi alɔ yɛ ē ngū āchɛ ma̍ ni̍. 2Afiyɛ nīi abā yī wā āchɛ yī Iji̍sɔ̄ɔsi ma̍ ge̍ e̍e chi̍hi̍ya̍ yī abā yī wā wu̍chē lɔkɔ nīi e̍ re̍ka aɛ̍nɛ̍ yī ɔ̍nyīnū ma̍ ni̍. Ɔkɔkɔ ɔla̍ā, e̍ ge̍ ya̍ u̍ku̍rɔ̍ hwɔhi hwɔhi de abā yī wā ɛla̍ā ga iyɔ̄bū iyɔ̄bū. Wu̍chē oji̍ nɛ, āchɛ nīi ge̍ē ri̍ile yī u̍ku̍rɔ̍ ɔla̍ā nīi e̍ ya̍ ma̍, āchɛ yī Iji̍sɔ̄ɔsi nɛ. Āchɛ ɛla̍ā chī - ɔhɔtū yī wā a̍nɛ.
Lɛlā arīmɛ̄ ongōngū ba̍la wɔdu olēchi̍ lēchi̍
Ngū āchɛ lɛlā nūma̍ wa̍a̍ nīi a ā koko̍o i̍ngɔ̍ɔ de wa̍ wa̍a̍. 3Ɔ̄chɛ nīi ge̍ ngū āchɛ ɔgulɛ̄lā ɔha̍ nīi hɔ̄ɔ̄hɔ̄ ma̍, nīi i̍ ge̍ chɛ̄ lɛlā olēchi̍ lēchi̍ yī Ādā Iji̍sɔ̄ɔsi Ikra̍yisi ba̍la ɔgulɛ̄lā yī Ɔwɔ nīi alɔ ē ngū āchɛ ma̍ ni̍, 4ɔlɔjā - ɔlɛba̍achɛ ke̍ke̍ni̍ nɛ. O̍ i̍ je̍ ɔjɔ̄jā ni̍ lachi̍lachi̍. Ɔlɔjā yɛ ē hla̍ lɛlā ɔdwɔ̄bi̍ hɛ̄ɛbɛ ge̍ē ta̍ahu̍ ē gbapɔ̄ wu̍chē yī lɛlā yī oko̍o. Ɔla̍ā chī bī ya̍nya okpo̍ōkpo̍, ba̍la apɔ̄ ogbōgbo la ɔtū ngurangura, ba̍la ɛcha̍, ba̍la ɛri̍ya̍ ɔdwɔ̄bi̍ obī pīyeyīta̍ ɔ̍nyīnū a̍nɛ. 5Anu̍ ē bī ahu̍lɛ̄lā ɔtɔ̍ɔ̄ta̍ myɛ̄grāa-myɛ̄grāa yī āchɛ nīi ūkpɔ̄tū yī wā ko̍ōku̍ nīi lɛlā olēchi̍ lēchi̍ i̍ hɔ̄ de wa̍ gɛ ni̍ ma̍ a̍nɛ. Āchɛ eli̍ngɔ̍ɔ ɛla̍ā je̍ka ɔgulɛ̄lā yī Ɔwɔ ɔ̍lɔ - ɔpɔ̄pū obī gbwɔdu nɛ.
6Lēchi̍ nɛ, ɔgulɛ̄lā yī Ɔwɔ ē ya̍ nīi ɔ̄chɛ ē gbwɔdu, nīi o̍ ge̍ re̍ka ɔjā nīi ɔlɔjā lɛ ma̍ jɛ̄ ɔ̄ eyī. 7Oji̍ kpɛ̍ɛ nīi alɔ āchɛ̄ɛchɛ u̍tu bī wā la yɛchɛ nūma̍ o̍bū ma̍? Alɔ i̍ bī ɔjɔ̄jā wā ni̍! Oji̍ nīi alɔ chī ge̍ē bī pīya ma̍? Alɔ i̍ ge̍ē bī ɔjɔ̄jā pīya ni̍! 8O̍ de lɛ i̍ngɔ̍ɔ ma̍, alɔ ge̍ mlɛ̍ha̍ni̍ lɛ ojōre̍ ba̍la ɔjā otūlibi̍īyē mɛ̍, o̍ ē jɛ̄ alɔ eyī bɛ̍ɛ̄nɛ̄ ni̍? 9Āchɛ nīi chikpo̍ yī oge̍ de gbwɔdu ma̍ ē gāa ge̍ē ta̍tū la otu̍tū. Bū la ɛbɛ ɔla̍ā, a̍hla̍ yī lɛlā yī i̍bobo ɔyɔ̍ɔ̄ya̍ ba̍la u̍hu̍ ɔyɔ̍ɔ̄ya̍ ē rɛ̍ɛda ē kla̍ āā. A̍hla̍ yī lɛlā ɛla̍ā wa̍a̍ ē de wa̍ ē bīya, ē de wa̍ ē chāajɛ bɛ̍ɛ̄nɛ̄. 10Wu̍chē oji̍ nɛ, wɔnyɛ yī okpo hla̍ āā i̍ngɔ̍ɔ kpɛ̍ɛ la ɔlɔ̄lɛ hu̍ nīi e̍ pīya hī Iji̍sɔ̄ɔsi Ikra̍yisi nīi e̍ de ɔtū che ma̍. Bū la ɛbɛ ɔla̍ā, e̍ de iyī wā ūkpɔ̄tū ti̍yatū la īlāanyī yɛ̄mɛ̄mɛ̄ nīi ē hɔ̄ de wa̍ ma̍.
Ɔna yī lɛlā
11Awɔ ma̍ - ɔ̄chɛ yī Ɔwɔ nɛ ma̍, gwō gbo̍o̍ hī ita yī lɛlā nūma̍ wa̍a̍. Nyiya nīi a ā de lɛ kpakpa la eyī yī Ɔwɔ; ya̍ ɔgulɛ̄lā yī Ɔwɔ gɛ. De ɔtū che Ɔwɔ. Yɔ̍ɔhɔtū. Mlɔtū hɔ̄ kpɔ̍ɔ̍. Lɛ du̍mɔ̍. 12Rɛ̄ɛnya gba̍a̍ la ɔtū ode chōche nūma̍ nīi lɛ bāa ɛnya ɔrɔ̄rɛ̄ ma̍ hɛ̄ɛbɛ nīi ɔjā nīi a ge̍ē gbo ma̍ ge̍ - ɔhɔ̄leyī i̍mɔ̄mɛni̍. Wu̍chē oji̍ nɛ, ɔhɔ̄leyī ɔla̍ā nīi Ɔwɔ hī wɔ ɛra̍ yī nū yɛ̄grāa ɔla̍ā nīi a de ɔtū ode chōche yī wɔ lā yɛchɛ nīi āchɛ yɛ̄mɛ̄mɛ̄ jo̍ōkū ma̍ a̍nɛ. 13La iyɔ̄bū yī Ɔwɔ ɔlɔjā nīi ē de ɔhɔ̄leyī de ɛjā wa̍a̍ ma̍, ba̍la iyɔ̄bū yī Ikra̍yisi Iji̍sɔ̄ɔsi nīi de lɛlā yī ɔtū ode chōche nūma̍ lā i̍ngɔ̍ɔ la iyɔ̄bū yī Ipɔ̍ntīyɔsi Ipa̍yi̍lēeti ma̍, aa̍ nīi n yɛ ē kɛlā nīi a ge̍ē ya̍ ma̍ de wɔ a̍nɛ: 14Yɛ̍ɛ̄lā wa̍a̍ nīi e̍ ka aɔ̍lɔ ge̍ ya̍ ma̍. De iyī wɔ lā cha̍ri̍cha̍ri̍ nīi a ā tū ābī ɔha̍lɔha̍ ni̍ kpɛɛ gbo̍ Ɔ̄chī ɔla̍ā nīi Ādādā yī alɔ Iji̍sɔ̄ɔsi Ikra̍yisi ge̍ē wā ma̍. 15Ɔwɔ ɔnɛ̄ɛhɛhi nīi - Ɔ̄chɛ Odeyīrɛ Ɛbɛ wa̍a̍ lōri̍īnū ma̍, anu̍ nīi - Ɔchwɔ̄lɛ̍ yī Ɛchwɔ̄lɛ̍ wa̍a̍ ma̍, anu̍ nīi - Ādādā yī Ādā wa̍a̍ ma̍ ge̍ē ya̍ nīi ɔwɔ̄wā yī Ikra̍yisi ē lā yɛ̄grāa yī nū kpakpa. 16Ɔwɔ lōri̍īnū i̍ ē ko̍ōku̍ ē mɛ ni̍ a̍nɛ. O̍ hɔ̄ la ɛbɛ ɔlɛgēdēgēdē ɔla̍ā nīi ɔ̄chɔ̄chɛ i̍ ge̍ē tu̍ ē bla̍a anu̍ ē mɛ ni̍ ma̍. Ɔ̄chɔ̄chɛ i̍ ma̍ Ɔwɔ la eyī je̍ ni̍. Ɔ̄chɔ̄chɛ i̍ chī ge̍ē ma̍ ɔ̄ mɛ ge̍ē gbo̍ ni̍. Otūlichō ba̍la ɔgɔ̄ga kpɛɛ ku yɛ̄grāa i̍mɔ̄mɛni̍ ge̍ - iyī anu̍ lōri̍īnū! O̍ ge̍ lɛ i̍ngɔ̍ɔ.
17Ka de āchɛ nīi gbwɔdu la ɛjā yī ɔhɔ̄leyī nūma̍ ma̍ hīka e̍ ge̍ e̍e jɛ̄ ɛba̍achɛ ni̍. Ka de wa̍ nīi e̍ ge̍ e̍e de ɔtū che āɛ̄jā nūma̍ nīi i̍ olēchi̍ lēchi̍ ni̍ ma̍ bāa wɔdu ma̍ ni̍. E̍ ge̍ de ɔtū che Ɔwɔ nīi lɛ abɔ̄ yaya ē kɔ̄ ɔjāha̍ ɔjāha̍ wa̍a̍ ē de alɔ nīi alɔ ē bī ya̍ ɔwɔ̄wīyā ma̍. 18Ka de wa̍ nīi e̍ ge̍ yɛ̍ɛ̄lā ɔnɛ̄ɛhɛhi, nīi e̍ ge̍ gbwɔdu la lɛlā ɔnɛ̄ɛhɛhi ɔyɔ̍ɔ̄ya̍. Ka de wa̍ nīi e̍ ge̍ lɛ abɔ̄ yaya nīi āchɛ ge̍ lɛ ɛjā nīi aa̍ lɛ ma̍ ba̍la aa̍. 19Bū la ɔpɔ̄pū nūma̍, e̍ ge̍ē de wɔdu ɔnɔ̄kɔ̄kū gbōgbō de iyī wā. Ɔla̍ā ge̍ē lɛ bāa owu̍tu yī wɔlɛ̍ ode tū la ajɛ nīi lɛ brii ma̍ ē de wa̍ ē gbo̍ ɔ̄chī iyɔ̄bū. Bɛ̍ɛ̄nɛ̄ ma̍, e̍ ge̍ē nāa ɔhɔ̄leyī nīi - ɔhɔ̄leyī olēchi̍ lēchi̍ ma̍.
20Iti̍mōti be̍e! De lɛlā nūma̍ nīi Ɔwɔ de tū wɔ la abɔ̄ ma̍ gbōgbō hwɔhi hwɔhi bɛ̍ɛ̄nɛ̄. Gwō gbo̍o̍ hī lɛlā ɔla̍ā nīi i̍ ɔgulɛ̄lā yī Ɔwɔ ni̍ ma̍, ba̍la ahu̍lɛ̄lā i̍bobo ɔla̍ā nīi āchɛ i̍ jo̍ōkū ni̍ ē hī ɔ̄ ka, “Ochi̍chi̍ yī Lɛlā Ojo̍ōje̍ Ka̍ka̍” ma̍. 21Wu̍chē oji̍ nɛ, ibiha̍ ma̍ ka aɛ̍lɛ lɔ̄lɛ. Bū la ɛbɛ ɔla̍ā e̍ pīya hī lɛlā nūma̍ nīi e̍ de ɔtū che o̍bū ma̍.
Ɔpiyɛ nīi Ɔwɔ ē de ma̍ ge̍ hɔ̄ ba̍la awɔ.
Currently Selected:
1 ITI̍MŌTI 6: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 ITI̍MŌTI 6
6
1Āchɛ wa̍a̍ nīi - afiyɛ ma̍ ge̍ nāa abā yī wā bāa āchɛ nīi ngma̍ nīi e̍ ē de otūlichō ɔlamu ɔlamu ē de wa̍ ma̍. E̍ ge̍ ya̍ i̍ngɔ̍ɔ hɛ̄ɛbɛ nīi ɔ̄chɔ̄chɛ ge̍ e̍e ka ɔdwɔ̄bi̍ yī Ɔwɔ kɛ̄ɛ lɛlā nīi alɔ yɛ ē ngū āchɛ ma̍ ni̍. 2Afiyɛ nīi abā yī wā āchɛ yī Iji̍sɔ̄ɔsi ma̍ ge̍ e̍e chi̍hi̍ya̍ yī abā yī wā wu̍chē lɔkɔ nīi e̍ re̍ka aɛ̍nɛ̍ yī ɔ̍nyīnū ma̍ ni̍. Ɔkɔkɔ ɔla̍ā, e̍ ge̍ ya̍ u̍ku̍rɔ̍ hwɔhi hwɔhi de abā yī wā ɛla̍ā ga iyɔ̄bū iyɔ̄bū. Wu̍chē oji̍ nɛ, āchɛ nīi ge̍ē ri̍ile yī u̍ku̍rɔ̍ ɔla̍ā nīi e̍ ya̍ ma̍, āchɛ yī Iji̍sɔ̄ɔsi nɛ. Āchɛ ɛla̍ā chī - ɔhɔtū yī wā a̍nɛ.
Lɛlā arīmɛ̄ ongōngū ba̍la wɔdu olēchi̍ lēchi̍
Ngū āchɛ lɛlā nūma̍ wa̍a̍ nīi a ā koko̍o i̍ngɔ̍ɔ de wa̍ wa̍a̍. 3Ɔ̄chɛ nīi ge̍ ngū āchɛ ɔgulɛ̄lā ɔha̍ nīi hɔ̄ɔ̄hɔ̄ ma̍, nīi i̍ ge̍ chɛ̄ lɛlā olēchi̍ lēchi̍ yī Ādā Iji̍sɔ̄ɔsi Ikra̍yisi ba̍la ɔgulɛ̄lā yī Ɔwɔ nīi alɔ ē ngū āchɛ ma̍ ni̍, 4ɔlɔjā - ɔlɛba̍achɛ ke̍ke̍ni̍ nɛ. O̍ i̍ je̍ ɔjɔ̄jā ni̍ lachi̍lachi̍. Ɔlɔjā yɛ ē hla̍ lɛlā ɔdwɔ̄bi̍ hɛ̄ɛbɛ ge̍ē ta̍ahu̍ ē gbapɔ̄ wu̍chē yī lɛlā yī oko̍o. Ɔla̍ā chī bī ya̍nya okpo̍ōkpo̍, ba̍la apɔ̄ ogbōgbo la ɔtū ngurangura, ba̍la ɛcha̍, ba̍la ɛri̍ya̍ ɔdwɔ̄bi̍ obī pīyeyīta̍ ɔ̍nyīnū a̍nɛ. 5Anu̍ ē bī ahu̍lɛ̄lā ɔtɔ̍ɔ̄ta̍ myɛ̄grāa-myɛ̄grāa yī āchɛ nīi ūkpɔ̄tū yī wā ko̍ōku̍ nīi lɛlā olēchi̍ lēchi̍ i̍ hɔ̄ de wa̍ gɛ ni̍ ma̍ a̍nɛ. Āchɛ eli̍ngɔ̍ɔ ɛla̍ā je̍ka ɔgulɛ̄lā yī Ɔwɔ ɔ̍lɔ - ɔpɔ̄pū obī gbwɔdu nɛ.
6Lēchi̍ nɛ, ɔgulɛ̄lā yī Ɔwɔ ē ya̍ nīi ɔ̄chɛ ē gbwɔdu, nīi o̍ ge̍ re̍ka ɔjā nīi ɔlɔjā lɛ ma̍ jɛ̄ ɔ̄ eyī. 7Oji̍ kpɛ̍ɛ nīi alɔ āchɛ̄ɛchɛ u̍tu bī wā la yɛchɛ nūma̍ o̍bū ma̍? Alɔ i̍ bī ɔjɔ̄jā wā ni̍! Oji̍ nīi alɔ chī ge̍ē bī pīya ma̍? Alɔ i̍ ge̍ē bī ɔjɔ̄jā pīya ni̍! 8O̍ de lɛ i̍ngɔ̍ɔ ma̍, alɔ ge̍ mlɛ̍ha̍ni̍ lɛ ojōre̍ ba̍la ɔjā otūlibi̍īyē mɛ̍, o̍ ē jɛ̄ alɔ eyī bɛ̍ɛ̄nɛ̄ ni̍? 9Āchɛ nīi chikpo̍ yī oge̍ de gbwɔdu ma̍ ē gāa ge̍ē ta̍tū la otu̍tū. Bū la ɛbɛ ɔla̍ā, a̍hla̍ yī lɛlā yī i̍bobo ɔyɔ̍ɔ̄ya̍ ba̍la u̍hu̍ ɔyɔ̍ɔ̄ya̍ ē rɛ̍ɛda ē kla̍ āā. A̍hla̍ yī lɛlā ɛla̍ā wa̍a̍ ē de wa̍ ē bīya, ē de wa̍ ē chāajɛ bɛ̍ɛ̄nɛ̄. 10Wu̍chē oji̍ nɛ, wɔnyɛ yī okpo hla̍ āā i̍ngɔ̍ɔ kpɛ̍ɛ la ɔlɔ̄lɛ hu̍ nīi e̍ pīya hī Iji̍sɔ̄ɔsi Ikra̍yisi nīi e̍ de ɔtū che ma̍. Bū la ɛbɛ ɔla̍ā, e̍ de iyī wā ūkpɔ̄tū ti̍yatū la īlāanyī yɛ̄mɛ̄mɛ̄ nīi ē hɔ̄ de wa̍ ma̍.
Ɔna yī lɛlā
11Awɔ ma̍ - ɔ̄chɛ yī Ɔwɔ nɛ ma̍, gwō gbo̍o̍ hī ita yī lɛlā nūma̍ wa̍a̍. Nyiya nīi a ā de lɛ kpakpa la eyī yī Ɔwɔ; ya̍ ɔgulɛ̄lā yī Ɔwɔ gɛ. De ɔtū che Ɔwɔ. Yɔ̍ɔhɔtū. Mlɔtū hɔ̄ kpɔ̍ɔ̍. Lɛ du̍mɔ̍. 12Rɛ̄ɛnya gba̍a̍ la ɔtū ode chōche nūma̍ nīi lɛ bāa ɛnya ɔrɔ̄rɛ̄ ma̍ hɛ̄ɛbɛ nīi ɔjā nīi a ge̍ē gbo ma̍ ge̍ - ɔhɔ̄leyī i̍mɔ̄mɛni̍. Wu̍chē oji̍ nɛ, ɔhɔ̄leyī ɔla̍ā nīi Ɔwɔ hī wɔ ɛra̍ yī nū yɛ̄grāa ɔla̍ā nīi a de ɔtū ode chōche yī wɔ lā yɛchɛ nīi āchɛ yɛ̄mɛ̄mɛ̄ jo̍ōkū ma̍ a̍nɛ. 13La iyɔ̄bū yī Ɔwɔ ɔlɔjā nīi ē de ɔhɔ̄leyī de ɛjā wa̍a̍ ma̍, ba̍la iyɔ̄bū yī Ikra̍yisi Iji̍sɔ̄ɔsi nīi de lɛlā yī ɔtū ode chōche nūma̍ lā i̍ngɔ̍ɔ la iyɔ̄bū yī Ipɔ̍ntīyɔsi Ipa̍yi̍lēeti ma̍, aa̍ nīi n yɛ ē kɛlā nīi a ge̍ē ya̍ ma̍ de wɔ a̍nɛ: 14Yɛ̍ɛ̄lā wa̍a̍ nīi e̍ ka aɔ̍lɔ ge̍ ya̍ ma̍. De iyī wɔ lā cha̍ri̍cha̍ri̍ nīi a ā tū ābī ɔha̍lɔha̍ ni̍ kpɛɛ gbo̍ Ɔ̄chī ɔla̍ā nīi Ādādā yī alɔ Iji̍sɔ̄ɔsi Ikra̍yisi ge̍ē wā ma̍. 15Ɔwɔ ɔnɛ̄ɛhɛhi nīi - Ɔ̄chɛ Odeyīrɛ Ɛbɛ wa̍a̍ lōri̍īnū ma̍, anu̍ nīi - Ɔchwɔ̄lɛ̍ yī Ɛchwɔ̄lɛ̍ wa̍a̍ ma̍, anu̍ nīi - Ādādā yī Ādā wa̍a̍ ma̍ ge̍ē ya̍ nīi ɔwɔ̄wā yī Ikra̍yisi ē lā yɛ̄grāa yī nū kpakpa. 16Ɔwɔ lōri̍īnū i̍ ē ko̍ōku̍ ē mɛ ni̍ a̍nɛ. O̍ hɔ̄ la ɛbɛ ɔlɛgēdēgēdē ɔla̍ā nīi ɔ̄chɔ̄chɛ i̍ ge̍ē tu̍ ē bla̍a anu̍ ē mɛ ni̍ ma̍. Ɔ̄chɔ̄chɛ i̍ ma̍ Ɔwɔ la eyī je̍ ni̍. Ɔ̄chɔ̄chɛ i̍ chī ge̍ē ma̍ ɔ̄ mɛ ge̍ē gbo̍ ni̍. Otūlichō ba̍la ɔgɔ̄ga kpɛɛ ku yɛ̄grāa i̍mɔ̄mɛni̍ ge̍ - iyī anu̍ lōri̍īnū! O̍ ge̍ lɛ i̍ngɔ̍ɔ.
17Ka de āchɛ nīi gbwɔdu la ɛjā yī ɔhɔ̄leyī nūma̍ ma̍ hīka e̍ ge̍ e̍e jɛ̄ ɛba̍achɛ ni̍. Ka de wa̍ nīi e̍ ge̍ e̍e de ɔtū che āɛ̄jā nūma̍ nīi i̍ olēchi̍ lēchi̍ ni̍ ma̍ bāa wɔdu ma̍ ni̍. E̍ ge̍ de ɔtū che Ɔwɔ nīi lɛ abɔ̄ yaya ē kɔ̄ ɔjāha̍ ɔjāha̍ wa̍a̍ ē de alɔ nīi alɔ ē bī ya̍ ɔwɔ̄wīyā ma̍. 18Ka de wa̍ nīi e̍ ge̍ yɛ̍ɛ̄lā ɔnɛ̄ɛhɛhi, nīi e̍ ge̍ gbwɔdu la lɛlā ɔnɛ̄ɛhɛhi ɔyɔ̍ɔ̄ya̍. Ka de wa̍ nīi e̍ ge̍ lɛ abɔ̄ yaya nīi āchɛ ge̍ lɛ ɛjā nīi aa̍ lɛ ma̍ ba̍la aa̍. 19Bū la ɔpɔ̄pū nūma̍, e̍ ge̍ē de wɔdu ɔnɔ̄kɔ̄kū gbōgbō de iyī wā. Ɔla̍ā ge̍ē lɛ bāa owu̍tu yī wɔlɛ̍ ode tū la ajɛ nīi lɛ brii ma̍ ē de wa̍ ē gbo̍ ɔ̄chī iyɔ̄bū. Bɛ̍ɛ̄nɛ̄ ma̍, e̍ ge̍ē nāa ɔhɔ̄leyī nīi - ɔhɔ̄leyī olēchi̍ lēchi̍ ma̍.
20Iti̍mōti be̍e! De lɛlā nūma̍ nīi Ɔwɔ de tū wɔ la abɔ̄ ma̍ gbōgbō hwɔhi hwɔhi bɛ̍ɛ̄nɛ̄. Gwō gbo̍o̍ hī lɛlā ɔla̍ā nīi i̍ ɔgulɛ̄lā yī Ɔwɔ ni̍ ma̍, ba̍la ahu̍lɛ̄lā i̍bobo ɔla̍ā nīi āchɛ i̍ jo̍ōkū ni̍ ē hī ɔ̄ ka, “Ochi̍chi̍ yī Lɛlā Ojo̍ōje̍ Ka̍ka̍” ma̍. 21Wu̍chē oji̍ nɛ, ibiha̍ ma̍ ka aɛ̍lɛ lɔ̄lɛ. Bū la ɛbɛ ɔla̍ā e̍ pīya hī lɛlā nūma̍ nīi e̍ de ɔtū che o̍bū ma̍.
Ɔpiyɛ nīi Ɔwɔ ē de ma̍ ge̍ hɔ̄ ba̍la awɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)