1 ITI̍MŌTI 4
4
Āchɛ ongū lɛlā arīmɛ̄
1Uhu yī Ɔwɔ ka i̍ngɔ̍ɔ tɛri̍tɛri̍ hīka āchɛ ɛha̍ ɛ̍lɛ ge̍ē tū ē hī ɔtū ode chōche yī ɛ̍lɛ la ɔ̄chī ogwīihi ɔla̍ā, ē chōo̍chē pɔ̍ɔkɔ yī uhu yī arīmɛ̄ ɛha̍ ē gala ɔgɔgu yī lɛlā nīi yapri̍ija ɔ̍lɔ ē ngū ma̍. 2Lɛlā ongōngū ɛla̍ā bū la yɛ̍gra̍ yī āchɛ ɛha̍ nīi warīmɛ̄ ma̍. Ɛri̍ya̍ yī ūkpɔ̄tū yī alarīmɛ̄ ɛla̍ā ko̍ōku̍ tunutunu bɔ̄ɔjā nīi e̍ de oje ɔlɔlɔ̍la̍ ba̍ ɔ̄ ma̍. 3Āchɛ eli̍ngɔ̍ɔ ɛla̍ā ē ngū āchɛ hīka ɔ̍lɔ i̍ ngma̍ nīi ɔ̄chɛ ɔ̍lɔ ge̍ wu̍ ɔnyā ni̍. Ɔ̄chɛ ɔ̍lɔ ge̍ e̍e re̍ ita yī ojōre̍ ɔha̍ ni̍ a̍nɛ. Ɔwɔ chī ya̍ ita yī ojōre̍ nūma̍ wa̍a̍ ka ɛ̍lɛ ge̍ ro̍ōre̍. Āchɛ nīi de ɔtū che Ɔwɔ jo̍ōkū yī lɛlā olēchi̍ lēchi̍ ma̍ ge̍ē da Ɔwɔ o̍be o̍bū ē re̍. 4Ɔjāha̍-ɔjāha̍ wa̍a̍ nīi Ɔwɔ ya̍ ma̍ hwɔhi hwɔhi. Ɔ̄chɔ̄chɛ ge̍ e̍e hi̍hi̍yo̍ yī ɔjɔ̄jā ni̍. Ɔjāha̍-ɔjāha̍ wa̍a̍ nāa, nīi a ā da Ɔwɔ o̍be yī wɔga yī nū la ɔhā. 5Wu̍chē oji̍ nɛ, lɛlā yī Ɔwɔ ɔlɔjā ba̍la ɔhā ojōji ɔla̍ā ge̍ē ya̍ nīi ɔjā ɔ̍lɔma̍ ē de ē hwɔhi hwɔhi la eyī yī Ɔwɔ ke̍e̍ a̍nɛ.
Ɔ̍chɛ̍ ɔnɛ̄ɛhɛhi yī Ikra̍yisi Iji̍sɔ̄ɔsi
6A ge̍ ngū aɛ̍nɛ̍ yī alɔ wa̍a̍ lɛlā ongōngū nīi hɔ̄ ma̍ ma̍, ɔ̍lɔma̍ a ge̍ē re̍ka ɔ̍chɛ̍ ɔnɛ̄ɛhɛhi yī Ikra̍yisi Iji̍sɔ̄ɔsi. Bū la ɛbɛ ɔla̍ā, a ge̍ē de ē chabɔ̄ hīka lɛlā yī ɔtū ode chōche ba̍la lɛlā ongōngū olēchi̍ lēchi̍ nīi ā yɛ ē kwɔgu ma̍ yɛ ē bī uhu yī wɔ ē jɛ̄ hwɔhi hwɔhi i̍ngɔ̍ɔ a̍nɛ. 7Gwō gbo̍o̍ hī wɔ̄chā ɛla̍ā nīi i̍ lā ku lɛlā yī Ɔwɔ ni̍ ma̍; e̍ i̍ ngma̍ la ɔkɔ̄ka ni̍. Ngōngū myɛ̄grāa-myɛ̄grāa lɔkɔ nīi a ge̍ē ya̍ ɔhɔ̄leyī gɔgɔgu la ɔpɔ̄pū yī Ɔwɔ ma̍. 8Ɔjā ɔya̍ myɛ̄grāa-myɛ̄grāa hɛ̄ɛbɛ nīi ibi̍īyē yī ɔ̄chɛ lwɔhɔ̍hu̍ tū ɛpiyabuna ɔha̍. Onīi iyī ɔpɔ̄pū yī Ɔwɔ ma̍, anu̍ tū ɛpiyabuna la ɔpɔ̄pū yɛ̄mɛ̄mɛ̄ gɔ̄ga a̍nɛ. Wu̍chē oji̍ nɛ, anu̍ ē de ɔhɔ̄leyī de ɔ̄chɛ u̍ma̍ama nūma̍ ba̍la ɔ̄chī iyɔ̄bū. 9Lɛlā olēchi̍ lēchi̍ nīi ngma̍ la ɔnāa po̍ de ɔtū che ɔ̍ brii ma̍ nīi n yɛ ma̍ ē ka a̍nɛ. 10Ɔla̍ā - ohu̍ nīi alɔ yɛ ē chɛ̄rī, gba̍a yɛ ē ya̍ u̍ku̍rɔ̍ gba̍a̍ a̍nɛ. Wu̍chē oji̍ nɛ, alɔ de ūkpɔ̄tū yī alɔ wa̍a̍ che la Ɔwɔ nīi - Ɔwɔ ɔhɔ̄leyī nīi - Ɔhɔ̍ɔnyɛta̍ yī āchɛ̄ɛchɛ wa̍a̍ ma̍; Ɔhɔ̍ɔnyɛta̍ yī alɔ pi̍i̍ nīi de ɔtū che ɔ̍ ma̍ nɛ.
11Ka de āchɛ lɔkɔ nīi e̍ ge̍ē ya̍ ma̍; ngū wā lɛlā nūma̍ wa̍a̍. 12A ā chɛ̄ nīi e̍ ge̍ nāa awɔ tɛ̍bɛ̍lɛ̍ wu̍chē lɔkɔ nīi awɔ - ɔɔ̍pɛ̄ nɛ ma̍ ni̍. Chabɔ̄ yī lɛlā hu̍ āchɛ yī Ikra̍yisi wa̍a̍ bū la lɛlā ɔkɔ̄ka yī wɔ, ba̍la abɔ̄lɛ̄lā yī wɔ, ba̍la ɔhɔtū yī wɔ, ba̍la ɔtū ode chōche yī wɔ, ba̍la ɔlɛcha̍ri̍cha̍ri̍ yī wɔ nīi e̍ ge̍ gbla awɔ. 13De yɛ̄grāa ba̍la wɔhu̍ yī wɔ wa̍a̍ tū la lɛlā yī Īpū yī Ɔwɔ ɔma̍ ka de āchɛ la ɔgbādu, ba̍la lɛlā yī Ɔwɔ ɔkɔ̄ka ba̍la lɛlā ongū āchɛ ongōngū. Ya̍ i̍ngɔ̍ɔ kpɛɛ nīi n ge̍ē wā. 14A ā gwēyīgbo̍o̍ hī uhwa ɔnɛ̄ɛhɛhi ɔla̍ā nīi Uhu yī Ɔwɔ de de wɔ nīi tū abɔ̍ɔ la awɔ bū la yɛ̄grāa nīi āchɛ ɛkɛrɔ̄ yī Ɔwɔ kɛlā, nīi ɛgabɔ̄ yī ogrēeyī yī āchɛ yī Ɔwɔ gba̍a de abɔ̄ che wɔ lɛhu̍ ma̍ ni̍. 15Yɛ̍ɛ̄lā nūma̍ myɛ̄grāa-myɛ̄grāa nīi a ā de iyī wɔ lā de wa̍ hɛ̄ɛbɛ nīi e̍ ge̍ ma̍ lɔkɔ nīi a yɛ ē ya̍ gāa iyɔ̄bū iyɔ̄bū ma̍. 16Deyīrɛ iyī awɔ ɔlɔjā, nīi a ā gba̍a deyīrɛ lɛlā nīi ā yɛ ē ngū āchɛ ma̍. Yɛ̍ɛ̄lā nūma̍ wa̍a̍ i̍ngɔ̍ɔ ga iyɔ̄bū iyɔ̄bū. Wu̍chē oji̍ nɛ, a ge̍ ya̍ i̍ngɔ̍ɔ, a ge̍ē de iyī awɔ ɔlɔjā ba̍la āchɛ nīi yɛ ē plɛ̍ɛ̄lā yī wɔ ma̍ ē hɛ̍ta̍.
Currently Selected:
1 ITI̍MŌTI 4: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 ITI̍MŌTI 4
4
Āchɛ ongū lɛlā arīmɛ̄
1Uhu yī Ɔwɔ ka i̍ngɔ̍ɔ tɛri̍tɛri̍ hīka āchɛ ɛha̍ ɛ̍lɛ ge̍ē tū ē hī ɔtū ode chōche yī ɛ̍lɛ la ɔ̄chī ogwīihi ɔla̍ā, ē chōo̍chē pɔ̍ɔkɔ yī uhu yī arīmɛ̄ ɛha̍ ē gala ɔgɔgu yī lɛlā nīi yapri̍ija ɔ̍lɔ ē ngū ma̍. 2Lɛlā ongōngū ɛla̍ā bū la yɛ̍gra̍ yī āchɛ ɛha̍ nīi warīmɛ̄ ma̍. Ɛri̍ya̍ yī ūkpɔ̄tū yī alarīmɛ̄ ɛla̍ā ko̍ōku̍ tunutunu bɔ̄ɔjā nīi e̍ de oje ɔlɔlɔ̍la̍ ba̍ ɔ̄ ma̍. 3Āchɛ eli̍ngɔ̍ɔ ɛla̍ā ē ngū āchɛ hīka ɔ̍lɔ i̍ ngma̍ nīi ɔ̄chɛ ɔ̍lɔ ge̍ wu̍ ɔnyā ni̍. Ɔ̄chɛ ɔ̍lɔ ge̍ e̍e re̍ ita yī ojōre̍ ɔha̍ ni̍ a̍nɛ. Ɔwɔ chī ya̍ ita yī ojōre̍ nūma̍ wa̍a̍ ka ɛ̍lɛ ge̍ ro̍ōre̍. Āchɛ nīi de ɔtū che Ɔwɔ jo̍ōkū yī lɛlā olēchi̍ lēchi̍ ma̍ ge̍ē da Ɔwɔ o̍be o̍bū ē re̍. 4Ɔjāha̍-ɔjāha̍ wa̍a̍ nīi Ɔwɔ ya̍ ma̍ hwɔhi hwɔhi. Ɔ̄chɔ̄chɛ ge̍ e̍e hi̍hi̍yo̍ yī ɔjɔ̄jā ni̍. Ɔjāha̍-ɔjāha̍ wa̍a̍ nāa, nīi a ā da Ɔwɔ o̍be yī wɔga yī nū la ɔhā. 5Wu̍chē oji̍ nɛ, lɛlā yī Ɔwɔ ɔlɔjā ba̍la ɔhā ojōji ɔla̍ā ge̍ē ya̍ nīi ɔjā ɔ̍lɔma̍ ē de ē hwɔhi hwɔhi la eyī yī Ɔwɔ ke̍e̍ a̍nɛ.
Ɔ̍chɛ̍ ɔnɛ̄ɛhɛhi yī Ikra̍yisi Iji̍sɔ̄ɔsi
6A ge̍ ngū aɛ̍nɛ̍ yī alɔ wa̍a̍ lɛlā ongōngū nīi hɔ̄ ma̍ ma̍, ɔ̍lɔma̍ a ge̍ē re̍ka ɔ̍chɛ̍ ɔnɛ̄ɛhɛhi yī Ikra̍yisi Iji̍sɔ̄ɔsi. Bū la ɛbɛ ɔla̍ā, a ge̍ē de ē chabɔ̄ hīka lɛlā yī ɔtū ode chōche ba̍la lɛlā ongōngū olēchi̍ lēchi̍ nīi ā yɛ ē kwɔgu ma̍ yɛ ē bī uhu yī wɔ ē jɛ̄ hwɔhi hwɔhi i̍ngɔ̍ɔ a̍nɛ. 7Gwō gbo̍o̍ hī wɔ̄chā ɛla̍ā nīi i̍ lā ku lɛlā yī Ɔwɔ ni̍ ma̍; e̍ i̍ ngma̍ la ɔkɔ̄ka ni̍. Ngōngū myɛ̄grāa-myɛ̄grāa lɔkɔ nīi a ge̍ē ya̍ ɔhɔ̄leyī gɔgɔgu la ɔpɔ̄pū yī Ɔwɔ ma̍. 8Ɔjā ɔya̍ myɛ̄grāa-myɛ̄grāa hɛ̄ɛbɛ nīi ibi̍īyē yī ɔ̄chɛ lwɔhɔ̍hu̍ tū ɛpiyabuna ɔha̍. Onīi iyī ɔpɔ̄pū yī Ɔwɔ ma̍, anu̍ tū ɛpiyabuna la ɔpɔ̄pū yɛ̄mɛ̄mɛ̄ gɔ̄ga a̍nɛ. Wu̍chē oji̍ nɛ, anu̍ ē de ɔhɔ̄leyī de ɔ̄chɛ u̍ma̍ama nūma̍ ba̍la ɔ̄chī iyɔ̄bū. 9Lɛlā olēchi̍ lēchi̍ nīi ngma̍ la ɔnāa po̍ de ɔtū che ɔ̍ brii ma̍ nīi n yɛ ma̍ ē ka a̍nɛ. 10Ɔla̍ā - ohu̍ nīi alɔ yɛ ē chɛ̄rī, gba̍a yɛ ē ya̍ u̍ku̍rɔ̍ gba̍a̍ a̍nɛ. Wu̍chē oji̍ nɛ, alɔ de ūkpɔ̄tū yī alɔ wa̍a̍ che la Ɔwɔ nīi - Ɔwɔ ɔhɔ̄leyī nīi - Ɔhɔ̍ɔnyɛta̍ yī āchɛ̄ɛchɛ wa̍a̍ ma̍; Ɔhɔ̍ɔnyɛta̍ yī alɔ pi̍i̍ nīi de ɔtū che ɔ̍ ma̍ nɛ.
11Ka de āchɛ lɔkɔ nīi e̍ ge̍ē ya̍ ma̍; ngū wā lɛlā nūma̍ wa̍a̍. 12A ā chɛ̄ nīi e̍ ge̍ nāa awɔ tɛ̍bɛ̍lɛ̍ wu̍chē lɔkɔ nīi awɔ - ɔɔ̍pɛ̄ nɛ ma̍ ni̍. Chabɔ̄ yī lɛlā hu̍ āchɛ yī Ikra̍yisi wa̍a̍ bū la lɛlā ɔkɔ̄ka yī wɔ, ba̍la abɔ̄lɛ̄lā yī wɔ, ba̍la ɔhɔtū yī wɔ, ba̍la ɔtū ode chōche yī wɔ, ba̍la ɔlɛcha̍ri̍cha̍ri̍ yī wɔ nīi e̍ ge̍ gbla awɔ. 13De yɛ̄grāa ba̍la wɔhu̍ yī wɔ wa̍a̍ tū la lɛlā yī Īpū yī Ɔwɔ ɔma̍ ka de āchɛ la ɔgbādu, ba̍la lɛlā yī Ɔwɔ ɔkɔ̄ka ba̍la lɛlā ongū āchɛ ongōngū. Ya̍ i̍ngɔ̍ɔ kpɛɛ nīi n ge̍ē wā. 14A ā gwēyīgbo̍o̍ hī uhwa ɔnɛ̄ɛhɛhi ɔla̍ā nīi Uhu yī Ɔwɔ de de wɔ nīi tū abɔ̍ɔ la awɔ bū la yɛ̄grāa nīi āchɛ ɛkɛrɔ̄ yī Ɔwɔ kɛlā, nīi ɛgabɔ̄ yī ogrēeyī yī āchɛ yī Ɔwɔ gba̍a de abɔ̄ che wɔ lɛhu̍ ma̍ ni̍. 15Yɛ̍ɛ̄lā nūma̍ myɛ̄grāa-myɛ̄grāa nīi a ā de iyī wɔ lā de wa̍ hɛ̄ɛbɛ nīi e̍ ge̍ ma̍ lɔkɔ nīi a yɛ ē ya̍ gāa iyɔ̄bū iyɔ̄bū ma̍. 16Deyīrɛ iyī awɔ ɔlɔjā, nīi a ā gba̍a deyīrɛ lɛlā nīi ā yɛ ē ngū āchɛ ma̍. Yɛ̍ɛ̄lā nūma̍ wa̍a̍ i̍ngɔ̍ɔ ga iyɔ̄bū iyɔ̄bū. Wu̍chē oji̍ nɛ, a ge̍ ya̍ i̍ngɔ̍ɔ, a ge̍ē de iyī awɔ ɔlɔjā ba̍la āchɛ nīi yɛ ē plɛ̍ɛ̄lā yī wɔ ma̍ ē hɛ̍ta̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)